Leiðtogafundur, járnblenditollum frestað og Landsvirkjun sektuð
Varanlegur friður í Úkraínu er það sem stefnt er að - sagði Donald Trump Bandaríkjaforseti fyrir leiðtogafund í Washington. Hann vonast til að hitta Zelensky og Pútín í þríhliða viðræðum.
Evrópusambandið hefur frestað ákvörðun um tolla á járnblendi um óákveðinn tíma. Forstjóri Elkem segir frestunina mikinn létti en að nauðsynlegt sé að málið skýrist.
Forstjóri Samkeppniseftirlitsins segir upphæð sektar á hendur Landsvirkjunar endurspegla hve alvarlegt brotið er. Grunur leikur á að starfsmenn Landsvirkjunar hafi vitað að framferði þeirra væri brot.
Útköll sérsveitar Ríkislögreglustjóra vegna tilkynninga um skotvopn hafa þrefaldast á aðeins tíu árum. Sérsveitarmenn ríkislögreglustjóra bera ávallt vopn í aðgerðum nema í sérstökum undantekningartilfellum.
Grásleppuveiðar eru ekki sjálfbærar að mati alþjóðlegra matsaðila, sem sviptu greinina sjálfbærnivottun. Sjófuglinn Teista, sem er í útrýmingarhættu, hefur undanfarin ár drepist í hundraða tali við veiðarnar.
