Í boði náttúrunnar

Ellefti þáttur: Berjarunnar, berjavinir, sultur og sultukeppni

Þessi þáttur verður helgaður berjum, bæði þeim sem allir geta týnt í villtri náttúrunni og þeim sem vaxa á berjarunnum. Jón Guðmundsson garðyrkjufræðingur fer yfir nokkrar spennandi tegundir berjarunna sem hægt er að rækta í görðum og síðan munu þáttastjórnendur heimsækja berjaáhugamennina Þorstein og Konráð Pálmasyni en þeir halda úti vefsíðunni berjavinir.com. Sultugerðafólk mun segja frá uppáhalds sultunni sinni og gefa góð ráð varðandi sultugerð. Að lokum verður rætt við Dísu Anderiman sem sér um hina árlegu sultukeppni sem haldin verður næstu helgi á grænmetismarkaðnum í Mosfellsdal og rætt við Guðrún Ögmundsdóttir fyrrum þingmann og sigurvegara sultukeppninnar 2008.

Frumflutt

18. ágúst 2024

Aðgengilegt til

19. ágúst 2025

Þátturinn er í umsjón hjónanna Guðbjargar Gissurardóttur og Jóns Árnasonar, en þau hafa sett sér það markmið að koma sér upp lífrænum matjurtagarði í sælureit sínum í Kjós. Þau hafa enga reynslu, né hugmynd um hvernig þau eiga að koma slíku verki í framkvæmd. En til að afla sér þekkingar fara þau á stúfana og hitta sérfræðinga og vana leikmenn á sviði matjurtaræktunar til að fá ráðleggingar og hugmyndir sem munu vonandi skila þeim og hlustendum góðri uppskeru í lok sumars. Einnig munu þau hafa uppi á fólki sem er að gera óvenjulega hluti á þessu sviði, auk þess að taka fyrir matreiðslu grænmetis, nýtingu villijurta o.m.fl. Í Boði náttúrunnar fjallar um ferðalag þeirra hjóna og verður hlustendum vonandi innblástur og hvatning til að rækta sitt eigið grænmeti, hvort sem það er úti í garði, uppi í sumarbústað, á svölunum eða úti í glugga. (Áður á dagskrá 2009)