Í boði náttúrunnar

Annar þáttur

Í þessum þætti hitta þáttastjórnendur Auði I. Ottesen garðyrkjufræðing á kvöldgöngu útí Viðey þar sem hún talar yfir hópi fólks um sögu matjurtarræktunar á íslandi og á eyjunni sjálfri. Hún fær einnig aðstoð hópsins við að setja niður kartöflur í gamla garðinum hanns Skúla fógeta. Í þættinum verður einnig farið yfir þau atriði sem hafa þarf í huga varðandi matjurtarækt í sumarhúsalandinu og verða hjónin og matgæðingarnir Valentína Björnsdóttir og Karl Eiríksson heimsótt í sumarbústaðinn þeirra í Grímsnesi. Síðasti áfangastaðurinn er Skammidalur, elsti nytjagarður Reykjavíkurborgar. En þar voru tekin tali nokkrir gamalgrónir ræktendur og eigendur smáhýsa í dalnum.

Frumflutt

16. júní 2024

Aðgengilegt til

17. júní 2025

Þátturinn er í umsjón hjónanna Guðbjargar Gissurardóttur og Jóns Árnasonar, en þau hafa sett sér það markmið að koma sér upp lífrænum matjurtagarði í sælureit sínum í Kjós. Þau hafa enga reynslu, né hugmynd um hvernig þau eiga að koma slíku verki í framkvæmd. En til að afla sér þekkingar fara þau á stúfana og hitta sérfræðinga og vana leikmenn á sviði matjurtaræktunar til að fá ráðleggingar og hugmyndir sem munu vonandi skila þeim og hlustendum góðri uppskeru í lok sumars. Einnig munu þau hafa uppi á fólki sem er að gera óvenjulega hluti á þessu sviði, auk þess að taka fyrir matreiðslu grænmetis, nýtingu villijurta o.m.fl. Í Boði náttúrunnar fjallar um ferðalag þeirra hjóna og verður hlustendum vonandi innblástur og hvatning til að rækta sitt eigið grænmeti, hvort sem það er úti í garði, uppi í sumarbústað, á svölunum eða úti í glugga. (Áður á dagskrá 2009)