Bæn og hugleiðing að morgni dags.

Séra Henning Emil Magnússon flytur.

Útvarpsfréttir.

Fjallað um mál sem eru ofarlega á baugi hverju sinni og góðir gestir teknir tali.

Umsjón: Guðrún Hálfdánardóttir og Vera Illugadóttir.

Atli Steinn Guðmundsson blaðamaður var á línunni frá Noregi eins og undanfarna mánudagsmorgna. Í þetta sinn var umræðuefnið munurinn á hugsunarhætti skyldra þjóða, Norðmanna og Íslendinga.

Það styttist í Ólympíuleikana sem verða settir í Parísarborg 26. júlí. Undirbúningurinn er löngu farinn að hafa gríðarleg áhrif á borgarlífið í París. Þorfinnur Ómarsson, samskiptastjóri hjá OECD og íbúi í París, sagði frá, og fór einnig yfir tíðindi úr frönskum stjórnmálum.

Nýtt úrkomumet var sett í Grundarfirði um helgina, en Grundfirðingar eru þó öllu vanir þegar kemur að úrkomu. Björg Ágústsdóttir, bæjarstjóri í Grundarfirði, sagði frá frá umhverfisvænni lausn sem unnið er að í frárennslismálum bæjarins.

Í síðasta hluta þáttar ræddum við við Silju Báru Ómarsdóttur, prófessor í stjórnmálafræði, um tíðindi helgarinnar í bandarískum stjórnmálum, skotárásina sem Donald Trump, forsetaframbjóðandi og fyrrverandi forseti Bandaríkjanna, varð fyrir, og horfur Joe Biden forseta og Demókrataflokks hans.

Tónlist:

På bredden - Vamp

Le long de la route - Zaz

Sorry Angel - Jane Birken

Óróapúls - Kári Egilsson

Born in the USA - Bruce Springsteen

Útvarpsfréttir.

Útvarpsfréttir.

Þáttaröðin er endurflutt í tilefni af því að í sumar eru 215 ár frá því að Jörgen Jörgensen, sem Íslendingar nefndu Jörund hundadagakonung, gerði stjórnarbyltingu og tók völdin hér á landi. Þetta er einstæður atburður í Íslandssögunni, enda hefur Jörundur orðið ódauðlegur í huga þjóðarnnar. Það votta margvíslegar frásagnir af honum, ljóð, leikrit og sögur fram á þennan dag. Fyrst er skyggnst yfir sögusvið Evrópu í upphafi nítjándu aldar þegar Napóleon Bónaparte braust til valda í álfunni. Einnig er brugðið upp myndum úr andlegu lífi í Evrópu, heimspeki, bókmenntum og tónlist, en áherslan er á örlög íslensku þjóðarinnar á þessum umrótatímum. Lesarar í þáttunum eru Hjalti Rögnvaldsson og Steinunn Ólína Þorsteinsdóttir.

Umsjón: Pétur Gunnarsson.

Morgunleikfimi með Halldóru Björnsdóttur.

Útvarpsfréttir.

Veðurstofa Íslands.

Dægurflugur og söngvar frá ýmsum tímum.

Umsjón: Jónatan Garðarsson.

Lögin í þættinum: Bel Ami með Lys Assia, Ég er vinur þinn með Bergsveini Arelíussyni og Hreimi Erni Heimssyni, My friend and I með Trúbroti, You've Got A Friend með Carole King, Ó vinur minn með Páli Rósinkranz, Ein guter freund með Juliane Werding, Hoyr vinur mín með Jens Lisberg, Gamli góði vinur með Mannakorni og Vinur með B.G. og Ingibjörgu.

Útvarpsfréttir.

Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.

Enn skelfur jörð á Reykjanesskaganum og landrisið undir Svartsengi er verulegt. Búist er við öðru eldgosi innan nokkurra vikna eða daga. En hver er staðan í Grindavík núna og hvaða verkefni blasa við nefnd og öðrum starfsmönnum sem fara með málaflokkinn þegar kemur að öryggisráðstöfunum, viðgerðum og mögulegri uppbyggingu bæjarins? Gylfi Þór Þorsteinsson , einn þeirra sem sér um málefni Grindavíkur fyrir hönd forsætisráðuneytisins kom í þáttinn og fór yfir helstu mál í dag og sem framundan eru.

Safn vikunnar í þetta sinn var Hafnarborg í Hafnarfirði. Þar er margt áhugavert í gangi, meðal annars sýning þriggja alþjóðlegra samtímalistakvenna, einkasýning Guðnýjar Guðmundsdóttur og svo sýningarröð sem er vettvangur fyrir sýningarstjóra að láta hugmyndir sínar að sýningum verða að veruleika. Hólmar Hólm, verkefnastjóri kynningarmála og útgáfu í Hafnarborg, kom í þáttinn og sagði okkur betur frá því sem þar fer fram.

Svo var fugl dagsins auðvitað á sínum stað.

Tónlist í þættinum:

Þorparinn / Pálmi Gunnarsson (Magnús Eiríksson)

Ég fer í fríið / Sumargleðin (S. Cutugno, texti Iðunn Steinsdóttir)

Ég fer á Land Rover frá Mývatni á Kópasker / Helgi Björnsson (Helgi Björnsson, Guðmundur Óskar Guðmundsson og Atli Bollason)

Dís / Ragnheiður Gröndal (Jóhann Jóhannsson, texti Bragi Valdimar Skúlason og Ragnar Kjartansson)

UMSJÓN GUNNAR HANSSON OG HELGA ARNARDÓTTIR

Dánarfregnir.

Útvarpsfréttir.

Íslenskt lag eða tónverk.

Útvarpsfréttir.

Mohamad Kourani var í dag dæmdur í átta ára fangelsi fyrir stórfellda líkamsárás í Reykjavík og brot gegn valdstjórninni. Hann var dæmdur sekur í öllum ákæruliðum.

Sjötugur maður hefur verið ákærður fyrir að bana sambýliskonu sinni á Akureyri í apríl. Saksóknari fer fram á að gæsluvarðhald verði framlengt.

Donald Trump, fyrrverandi forseti Bandaríkjanna, segist heppinn að vera á lífi. Það sé ótrúleg tilviljun að hann hafi litið til hliðar á sama augnabliki og skotið var á hann.

Fyrirtækið Heidelberg verður krafið frekari svara vegna mögulegrar umhverfishættu af mölunarverksmiðju sem fyrirtækið vill reisa í Ölfusi. Annað umhverfismat er ekki útilokað.

Sjávarafli í júní dróst saman um fimmtung á milli ára. Forstjóri Vinnslustöðvarinnar segir þó ekki ástæðu til að örvænta, makríllinn sé kominn og veiðist vel.

Hótel á Austurlandi hafa brugðist við samdrætti með því að lækka verð og lokka Íslendinga til að ferðast innanlands. Áttatíu prósent gesta á Hótel Hallomsstað eru Íslendingar sem eru komnir austur í veðurblíðuna. Ekki eru allir aufúsugestir fyrir austan; í Eiðaþinghá hefur orðið vart við lúsmý í fyrsta sinn. .

Spánverjar eru Evrópumeistarar í fótbolta, eftir 2-1 sigur á Englendingum. Fagnað var ákaft á Spáni í gær, en stemningin var öllu dauflegri í Englandi.

Þættir þar sem sagt er frá ýmsum stöðum um allt land. Stöðum sem eiga sér sérstakt pláss í hjörtum viðmælenda.

Umsjón: Gígja Hólmgeirsdóttir.

Kári Viðarsson segir frá Rifi á Snæfellsnesi þaðan sem hann á margar ævintýralegar bernskuminningar.

Umsjón: Gígja Hólmgeirsdóttir.

Umsjónarfólk segir frá tímabili í ævi sinni og leikur tónlist sem endurspeglar tímann eða atburði sem sagt er frá.

Umsjón: Iðunn Hauksdóttir.

Útvarpsfréttir.

Sígild og samtímatónlist frá ýmsum tímum. Íslenskt og erlent í bland.

Tónlistin í þættinum:

Anne-Sophie Mutter fiðluleikari og Lambert Orkis píanóleikari flytja þriðja þátt, (Passacaglia) Allegro moderato ma energico úr Sónötu fyrir fiðlu og píanó í b-moll eftir Ottorino Respighi.

Strokkvartettinn Siggi flytur Strengjakvartett nr. 5: Attacca 2016 eftir Atla Heimi Sveinsson.

Guðrún Jóhanna Ólafsdóttir mezzo-sópran, Francisco Javier Jáuregui gítarleikari, og Pétur Jónasson gítarleikari flytja Þið förumenn jarðar, eftir Atla Heimi Sveinsson. Ljóðið orti Davíð Stefánsson frá Fagraskógi.

Einar Steinþór Jónsson og Eiríkur Örn Pálsson trompetleikarar, Stefán Jón Bernharðsson hornleikari, Jón Arnar Einarsson básúnuleikari og Tom Yaron Meyerson túbuleikari flytja þætti úr verkinu Málmglettur eftir Birki Frey Matthíasson. Þættirnir eru alls níu, en hér hljóma sex þeirra:

Fannbreiða

Vorhiminn

Morgunroði

Leikvangur

Næturregn

Svifflug

Arngunnur Árnadóttir leikur á klarínettu með Sinfóníuhljómsveit Íslands undir stjórn Daníels Bjarnasonar. Þau flytja 2. kafla, Adagio, úr Klarínettukonsert eftir Wolfgang Amadeus Mozart.

Blásarakvintett Reykjavíkur og félagar flytja 3. þátt, Adagio, úr verkinu Gran Partita KV 361 eftir Wolfgang Amadeus Mozart. Stjórnandi er Bernharður Wilkinson.

Útvarpsfréttir.

Þáttur um bókmenntir, bæði hér heima og úti í heimi. Hlustendum er fylgt í gegnum lestur athyglisverðra bókmenntaverka og rætt við höfunda, útgefendur og fræðimenn um stefnur, strauma, tákn og tilvísanir.

Umsjón: Jóhannes Ólafsson.

Við lítum yfir dagskrá vetrarins og tínum til brot úr athyglisverðum viðtölum. Í dag verða íslenskar bókmenntir í fyrirrúmi. Þórdís Helgadóttir svikaskáld kemur og segir frá fyrstu skáldsögunni sinni Armeló, við ræðum við Jakub Stachoviak um Stjörnufallseyjur, við förum í bíltúr með Þórdísi Gísla hún segir frá smásögunum í Aksturslagi innfæddra og Bragi Páll Sigurðarson sneiðir nokkrar vænar kótilettur fyrir okkur - tölum við hann um skáldsöguna Kjöt.

Umsjón: Jóhannes Ólafsson.

Útvarpsfréttir.

Í þáttunum verður flogið um heiminn á vængjum tónlistarinnar, sérstaklega þann hluta sem liggur sitt hvoru megin við Atlantshafið: Evrópu, Afríku, Suður og Norður Ameríku en þó með smá sveiflu til Asíu og víðar. Þetta verður ekki skipulegt ferðalag heldur ræður tónlistin för og við vippum okkur yfir höf og heimshluta eins og ekkert sé sjálfsagðara ef svo ber við. Í hverjum þætti verða kynntir þrír til fjórir flytjendur og leikin tónlist við sem flestra hæfi.

Umsjón: Þorgeir Ólafsson.

Útvarpsfréttir.

Freyja Haraldsdóttir ræðir við fatlað og langveikt fólk sem hefur með aðgerðum sínum og listsköpun hreyft við samfélaginu og stuðlað að auknu réttlæti fyrir jaðarsetta hópa. Samtölin fara fram við eldhúsborðið, einmitt þar sem hugmyndir gjarnan kvikna, dýrmæt samtöl eiga sér stað, tengsl myndast og kjarkurinn til þess að taka sér pláss og rjúfa þögn verður til.

Ritstjórn og samsetning: Guðrún Hálfdánardóttir.

Viðmælandi Freyju Haraldsdóttur í þriðja þættinum er Ólafur Hafsteinn Einarssn, en Ólafur hefur barist ötullega fyrir réttlæti fatlaðs fólks sem orðið hefur fyrir ofbeldi og vanvirðandi meðferð á stofnunum á Íslandi.

Umsjón og dagskrárgerð: Freyja Haraldsdóttir.

Ritstjórn og samsetning: Guðrún Hálfdánardóttir.

Tæknimaður: Mark Eldred.

Kvöldfréttir útvarps

Mohamad Kourani ætlar að áfrýja átta ára fangelsisdómi sem hann fékk fyrir líkamsárás í verslun og fyrir fjölmörg brot gegn valdstjórninni. Lögmaður hans á ekki von á því að honum verði vísað úr landi.

Donald Trump er mættur á landsþing Repúblíkanaflokksins eftir banatilræði gegn honum um helgina. Tilkynningar um varaforsetaefni hans er beðið með eftirvæntingu.

Evrópusambandið kynnti í dag refsiaðgerðir gegn ísraelskum stofnunum, vegna stríðsreksturs Ísraela á Gaza.

Bifhjólafólk kemur saman á Korputorgi klukkan sjö og mótmælir ástandi vega á Kjalarnesi. Þau segja litlar sem engar vegabætur hafa verið gerðar frá banaslysi sem varð þar 2020.

Unnið er hörðum höndum að því að reisa fleiri leiðigarða við Svartsengi, til að verja þá sem fyrir eru. Hæstu garðarnir eru á við átta hæða hús.

Eldislax er orðinn annar verðmætasti fiskurinn í íslenskum útflutningi. Tekjur af honum hafa vaxið hratt og örugglega undanfarin ár.

Umsjón: Ævar Örn Jósepsson

Tæknimaður: Kári Guðmundsson

Stjórn útsendingar: Margrét Júlía Ingimarsdóttir

Flutt er brot úr Morgunglugga dagsins.

Umsjón: Guðrún Hálfdánardóttir og Vera Illugadóttir.

Spennum beltin og ferðumst hringinn með KrakkaRÚV! Stórskemmtilegir fjölskylduþættir fyrir ferðalanga á ferð um Ísland. Þjóðsögur og ævintýri, bílaleikir, fróðleiksmolar og sögur frá krökkum á öllum aldri. Í hverjum þætti er spurningakeppni þar sem kemur í ljós hvaða fjölskyldumeðlimur veit mest um Ísland...nú eða hlustaði best á þáttinn!

Umsjón: Ingibjörg Fríða Helgadóttir og Jóhannes Ólafsson.

Í þessum þætti ferðumst við um Suðausturland, frá Reynisfjöru að Höfn í Hornafirði! Frænkurnar, suðausturlandssérfræðingarnir og heimamennirnir í Hornafirði þær Elín Ósk og Ída Mekkín segja okkur frá lífinu þar og gefa okkur fullt af hugmyndum um hvað hægt er að gera á svæðinu. Þjóðsaga þáttarins fjallar um eldsumbrot og jökulhlaup, Móðuharðindin og hvers vegna Katla, eldstöðin ógurlega, fékk það nafn! Ef þið hlustið vel gætuð þið fengið gott forskot í spurningakeppninni í lokin!

Veðurstofa Íslands.

Dánarfregnir.

Jórunn Viðar tónskáld fjallar um Johann Sebastian Bach, ævi hans og störf. Þættirnir voru gerðir hjá Austur-Þýska útvarpinu DDR árið 1985, í tilefni af því að 300 ár voru liðin frá fæðingu tónskáldsins. Hermann Börner gerði þættina fyrir Austur-Þýska útvarpið en Jórunn Viðar þýddi og útbjó þættina fyrir íslenska hlustendur.

(Áður á dagskrá 1986)

Jórunn Viðar fjallar um Johann Sebastian Bach.

Dornheim er smáþorp skammt frá Arnheim á milli engja og skóga. Þar gekk Johann Sebastian að eiga frænku sína Mariu Barböru Bach frá Arnstadt, en þau voru þremenningar.

Þættir sem Jón Hallur Stefánsson gerði á árunum 1998 til 2000, þar sem hann ræðir við fólk á förnum vegi og kynnir sér allskonar málefni.

Föstudag einn í september 1999 var umsjónarmaður á vakt með lögreglumönnum í Reykjavík, fyrst kvöldvakt frá 5 til 11:30, síðan til morguns á miðbæjarvakt. Í þættinum eru viðtöl og upptökur frá þessum vöktum. Við sögu koma lögreglumenn, grunaðir, vitni og þolendur.

Umsjón: Jón Hallur Stefánsson.

Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.

Enn skelfur jörð á Reykjanesskaganum og landrisið undir Svartsengi er verulegt. Búist er við öðru eldgosi innan nokkurra vikna eða daga. En hver er staðan í Grindavík núna og hvaða verkefni blasa við nefnd og öðrum starfsmönnum sem fara með málaflokkinn þegar kemur að öryggisráðstöfunum, viðgerðum og mögulegri uppbyggingu bæjarins? Gylfi Þór Þorsteinsson , einn þeirra sem sér um málefni Grindavíkur fyrir hönd forsætisráðuneytisins kom í þáttinn og fór yfir helstu mál í dag og sem framundan eru.

Safn vikunnar í þetta sinn var Hafnarborg í Hafnarfirði. Þar er margt áhugavert í gangi, meðal annars sýning þriggja alþjóðlegra samtímalistakvenna, einkasýning Guðnýjar Guðmundsdóttur og svo sýningarröð sem er vettvangur fyrir sýningarstjóra að láta hugmyndir sínar að sýningum verða að veruleika. Hólmar Hólm, verkefnastjóri kynningarmála og útgáfu í Hafnarborg, kom í þáttinn og sagði okkur betur frá því sem þar fer fram.

Svo var fugl dagsins auðvitað á sínum stað.

Tónlist í þættinum:

Þorparinn / Pálmi Gunnarsson (Magnús Eiríksson)

Ég fer í fríið / Sumargleðin (S. Cutugno, texti Iðunn Steinsdóttir)

Ég fer á Land Rover frá Mývatni á Kópasker / Helgi Björnsson (Helgi Björnsson, Guðmundur Óskar Guðmundsson og Atli Bollason)

Dís / Ragnheiður Gröndal (Jóhann Jóhannsson, texti Bragi Valdimar Skúlason og Ragnar Kjartansson)

UMSJÓN GUNNAR HANSSON OG HELGA ARNARDÓTTIR

Sagan kom fyrst út 1940 og er fyrsta verkið sem Gunnar samdi á íslensku eftir að hann fluttist heim og settist að á Skriðukalustri. Heiðaharmur gerist íslenskri fjallabyggð í lok nítjándu aldar þegar þeirri byggð er að hnigna af ýmsum ástæðum. Sögusviðið á sér fyrirmynd í heiðunum upp frá Vopnafirði þar sem voru æskuslóðir höfundar. Aðalpersónur eru Brandur á Bjargi, stórbóndi sem berst við að halda sveitinni í byggð og dóttir hans, Bergþóra sem nefnd er Bjargföst, eftirlæti fólksins í byggðinni. Hún tekur við búskap á Bjargi af honum ásamt manni sínum. Barátta þessa fólks er meginefni sögunnar.

Andrés Björnsson les. Hljóðritunin er frá árinu 1989.

Útvarpsfréttir.

Veðurstofa Íslands.

Umsjónarfólk segir frá tímabili í ævi sinni og leikur tónlist sem endurspeglar tímann eða atburði sem sagt er frá.

Umsjón: Iðunn Hauksdóttir.