Bæn og hugleiðing að morgni dags.

Séra Henning Emil Magnússon flytur.

Útvarpsfréttir.

Fjallað um mál sem eru ofarlega á baugi hverju sinni og góðir gestir teknir tali.

Umsjón: Guðrún Hálfdánardóttir og Vera Illugadóttir.

Verkamannaflokkurinn fékk yfirgnæfandi meirihluta þingsæta í kosningunum í Bretlandi og Keir Starmer verður næsti forsætisráðherra landsins, líkt og spáð var. Hjörtur J. Guðmundsson alþjóðastjórnmálafræðingur fylgdist grannt með kosningabaráttunni og talningu atkvæða og fór yfir stöðu mála í breskum stjórnmálum.

Ný bygging Tækniskólans mun rísa í Hafnarfirði og má búast við því að kennsla hefjist þar eftir fimm ár. Nemendur skólans eru nú um þrjú þúsund talsins og þar eru strákar í miklum meirihluta. Hildur Ingvarsdóttir skólameistari Tækniskólans ræddi málefni skólans.

Englar og menn er heiti tónlistarhátíðar í Strandarkirkju í Selvogi sem fer fram á sunnudögum í júlímánuði og hefst næstkomandi sunnudag. Þetta er í þrettánda sinn sem hátíðin er haldin og munu í þessari sögufrægu kirkju hljóma íslensk sönglög, þjóðlög, ljóðatónlist og dægurflugur. Björg Þórhallsdóttir sópransöngkona er stjórnandi hátíðarinnar og var gestur Morgungluggans.

Tónlist:

The boy with a thorn in his side - The Smiths

Ghir enta - Souad Massi

Enta dari - Souad Massi

The guns of Brixton - The Clash

Yemanya - Isabel Pantoja

Kveðja - Björg Þórhallsdóttir

Ave Maria - Björg Þórhallsdóttir

Útvarpsfréttir.

Útvarpsfréttir.

Hlustendur eru teknir með í ferðalag um Grikkland, Tyrkland og síðan fram og aftur um aldir og áratugi. Slóðin er mörkuð með búsúkí eða hinum gríska gítar. Hlustendur eru dregnir inn á hinu ýmsu staði þar sem búsúkíð er plokkað og í leiðinni er saga rebetika tónlistarinnar rakin en hún er samtvinnuð dramatískri sögu sem ennþá svíður undan í grískri þjóðarsál.

Grikkland er í raun stórveldi þegar kemur að tónlist. Hlustendur sannfærast örugglega um það á flakki þeirra milli héraða. Á því flakki verður stoppað hvarvetna sem hljóðfæraleikur heyrist. Í lok ferðar fá hlustendur svo að heyra hvernig rebetika hefur mótað gríska tónlistarmenn sem nú eru að gera það gott.

Umsjón: Jón Sigurður Eyjólfsson

Ferðalagið hefst uppi á fjöllum árið 1821 en þá er farið með hlustandur á fund grísku skæruliðanna sem eru að berjast gegn Tyrkjum. Þessir byltingasinnar eru kallaðir ræningjar en það mega þeir eiga að tónlistin þeirra er ekki tekin ófrjálsri hendi. Svo eru hlustandur leiddir á dansleik hjá grísku góðborgurunum í Smyrnu á Tyrklandi sem síðan verða sendir til Grikklands sem allslausir flóttamenn eftir katastrófuna miklu árið 1922. Katastrófuna miklu nefna Grikkir þá niðurlægingu þegar þeir ætluðu að frelsa Litlu Asíu undan Tyrkjum en voru teknir í bakaríið svo að Tyrkir enduðu á því að reka alla Grikki af Tyrkneskri grund. Í Aþenu hitta þessir flóttamenn uppgjafa ræningja, skæruliðana, sem eru komnir af fjöllum og í borgarsollinn. Í þessum félagsskap verður rebetika til í undirheimunum.

Morgunleikfimi með Halldóru Björnsdóttur.

Útvarpsfréttir.

Veðurstofa Íslands.

Umsjón: Svanhildur Jakobsdóttir.

Útvarpsfréttir.

Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.

Við heyrum ferðasögu mæðgnanna Guðrúnar Gísladóttur, leikkonu, og Veru Illugadóttur, dagskrárgerðarmanns, en þær fóru í vor í langþráða reisu til Albaníu. Þær komu víða við, fóru á æskuslóðir rithöfundarins heimsþekkta, Ismails Kadare, og einræðisherrans Envers Hoxha, kynntust sveitum og borgum, umferðarmenningu og mannlífi.

Svo var fugl dagsins á sínum stað.

Tónlist í þættinum:

Á Mallorca – South River Band (Ólafur Þórðarson og texti Helgi Þór Ingason)

Pavarësia - Ilir Shaqiri

Lulja E Kosharës - Ilir Shaqiri

M'fal - Don Xhoni

Sveitin mín - Haukur Morthens (Jóhann Helgason)

Dánarfregnir.

Útvarpsfréttir.

Íslenskt lag eða tónverk.

Útvarpsfréttir.

Keir Starmer er tekinn við stjórnartaumum í Bretlandi. Rishi Sunak sagði af sér í morgun og ætlar að hætta sem leiðtogi Íhaldsflokksins eftir afhroð í þingkosningunum í gær.

Fyrrverandi starfsmenn Skagans 3X hafa þrátt fyrir gjaldþrot þurft að hlaupa til og bjarga málum hjá útgerðum sem nota mikinn og flókinn búnað frá fyrirtækinu. Óvissa er um varahluti.

Þingmenn Norðvesturkjördæmis hafa fulla trú á að hægt sé að efla atvinnulíf á Akranesi á ný. Gjaldþrotið sé mikið reiðarslag og nú þurfi samstillt átak um atvinnuuppbyggingu.

Ökumenn, sem njóta bifreiðahlunninda og aka á vistvænum bílum, þurfa að greiða lægri hlunnindaskatt samkvæmt reglum sem taka gildi síðar í mánuðinum.

Danska lögreglan hefur ákært Nordea, einn stærsta banka Norðurlandanna, í umfangsmiklu peningaþvættismáli. Talið er að tugir milljarða danskra króna hafi verið þvættaðir í gegnum bankann.

Svikarar þykjast bjóða upp á streymi frá Landsmóti hestamanna á samfélagsmiðlum. Forsvarsmenn mótsins biðja landsmenn að vara sig á þeim.

Kúluvarparinn Erna Sóley Gunnarsdóttir hlaut í dag keppnisrétt á Ólympíuleikunum í París. Hún er fimmti Íslendingurinn til að fá staðfestan þátttökurétt á leikunum.

Þættir þar sem sagt er frá ýmsum stöðum um allt land. Stöðum sem eiga sér sérstakt pláss í hjörtum viðmælenda.

Umsjón: Gígja Hólmgeirsdóttir.

Dagrún Ósk Jónsdóttir þjóðfræðingur segir frá félagsheimilinu Sævangi á Ströndum, en hún er uppalin á Ströndum og á miklar tengingar við ýmsa menningarstarfsemi í Sævangi.

Umsjón: Gígja Hólmgeirsdóttir.

Umsjónarfólk segir frá tímabili í ævi sinni og leikur tónlist sem endurspeglar tímann eða atburði sem sagt er frá.

Umsjón: Stefán Halldórsson.

Útvarpsfréttir.

Veraldarvefur tónlistarinnar. Lagasyrpur héðan og þaðan úr víðri veröld.

Tónlist frá útsendingarlogg 2024-07-05

Ode le alaga - King Sunny Adé

Hart, Su., Mercier, Paddy Le, Scot, Ayodele, Churchlow, Eleanor, Tagoe, Nii, Djenge, Sam, Cradick, Martin - Evening song.

Abot, Jojo - To Li.

Bulgarian Voices Angelite, The - Jano hubavo Jano.

Fanfara Tirana - Kaprollja = The fawn.

Duduks de Popovica - Trupavica.

Ladysmith Black Mambazo - Homeless.

Cannibals, The, Mpharanyana - Thakane.

Teta - Havelo = Living.

Gandhi, Filhos de, Costa, Gal - É d'oxum/lá aguibá oxum aurá olu adupé.

Lindsay, Arto - Unpair.

Santtana, Lucas - Errare Humanum Est.

Jara, Victor, Quilapayun - En algun lugar del puerto = Some place in the port.

Útvarpsfréttir.

Fjórir þættir um sögu sálarranssókna á Íslandi. Umsjónarmaður er Páll Ásgeirsson. Lesarar með umsjónarmanni eru Bjarni Guðmarsson og Rósa Sigrún Jónsdóttir.

(Áður á dagskrá 2006)

Þátturinn lýsir upphafi sálarrannsókna á Íslandi frá aldamótum 1900-1912. Sagt er frá stofnun Tilraunafélagsins og starfi þess með Indriða miðli.

Umsjón: Páll Ásgeir Ásgeirsson. Lesari: Bjarni Guðmarsson og Rósa Sigrún Jónsdóttir. (Áður á dagskrá 2006)

Útvarpsfréttir.

Vínil plata úr safninu dregin fram og spiluð í heild.

Vínil plata úr safninu dregin fram og spiluð í heild.

Plata þessarar viku er 461 Ocean Boulevard sem Eric Clapton gerði árið 1974. Platan var gefin út í júlí það ár og sló lagið I Shot the Sheriff í gegn.

Umsjón: Jónatan Garðarsson.

Hlið 1

1. Motherless Children.

2. Give Me Strength.

3. Willie and the Handjive.

4. Get Ready.

5. I Shot the Sheriff.

Hlið 2

1. I Can't Hold Out.

2. Please Be With Me.

3. Let It Grow.

4. Steady Rollin' Man.

5. Mainline Florida.

Útvarpsfréttir.

Kvöldfréttir útvarps

Ríkisstjórn Keirs Starmers, leiðtoga breska Verkamannaflokksins, var kynnt í dag eftir sigur í þingkosningunum í gær. Rachel Reeves er fjármálaráðherra, fyrst kvenna í Bretlandi.

Landris heldur áfram í Svartsengi. Veðurstofan telur að magn kviku sem hefur streymt þangað frá því um miðjan janúar, sé nokkuð stöðugt.

Bíræfinn þjófur blekkti flutningafyrirtæki til að flytja gám fullan af verðmætum á afvikinn stað. Lögreglan segir þetta eitt stærsta þjófnaðarmál þessa árs.

Hæstiréttur hefur samþykkt að taka fyrir Brúneggjamálið. Bæði Brúnegg og MAST áfrýjuðu niðurstöðu Landsréttar vegna Kastljóssumfjöllunar.

Lítið er í lónum Landsvirkjunar og vatnsstaða með allra lægsta móti og óvíst að lónin fyllist fyrir veturinn. Fulltrúi Landsvirkjunar segir vonast til að jökulbráð hefjist fljótlega og að rigni hraustlega í haust.

Fréttir og fréttaskýringar í útvarpi þar sem kafað er dýpra í málin, þau sett í stærra samhengi og skýringa leitað.

Hvaða verkefni bíða hins nýja forsætisráðherra Bretlands og nýrrar ríkisstjórnar hans?

Halla Gunnarsdóttir hefur lengi fylgst vel með breskum stjórnmálum og starfaði um tíma innan þeirra. Hún bendir á að auka þurfi hagvöxt í landinu og lagfæra mikilvæga innviði, Bretland sé að mörgu leyti illa statt.

Ævar Örn Jósepsson fjallar um fortíð Keirs Starmers, lögfræðings sem var öflugur verjandi og baráttumaður í mannréttindum sem varð grjótharður saksóknari. Hann þykir ekki sérlega litríkur og sjarmerandi, en á móti eldklár og rökfastur.

Flutt er brot úr Morgunglugga dagsins.

Umsjón: Guðrún Hálfdánardóttir og Vera Illugadóttir.

Guðrún Svava Svavarsdóttir og Þorsteinn frá Hamri flytja.

Draugar og afturgöngur.

Guðrún Svava Svavarsdóttir og Þorsteinn frá Hamri flytja. (Áður á dagskrá 1971-1973)

Veðurstofa Íslands.

Dánarfregnir.

Dægurflugur og söngvar frá ýmsum tímum.

Umsjón: Jónatan Garðarsson.

Lögin í þættinum tengjast söngvaranum Long John Baldry: She Broke My Heart með Stuðmönnum, How Lond, How Long Blues með Alexis Korner's Blues Incorporated, Hoochie Coochie Man með Hoochie Coochie Men, Roll 'em Pete með Hoochie Coochie Men, Gee Baby Ain't I Good To You með Steam Packet, Cuckoo með Long John Baldry, Come Back Baby með Bluesology, Let The Heartache Begin með Long John Baldry og (Under The Sun In) Mexico með Long John Baldry.

Fjórir þættir um sögu sálarranssókna á Íslandi. Umsjónarmaður er Páll Ásgeirsson. Lesarar með umsjónarmanni eru Bjarni Guðmarsson og Rósa Sigrún Jónsdóttir.

(Áður á dagskrá 2006)

Þátturinn lýsir upphafi sálarrannsókna á Íslandi frá aldamótum 1900-1912. Sagt er frá stofnun Tilraunafélagsins og starfi þess með Indriða miðli.

Umsjón: Páll Ásgeir Ásgeirsson. Lesari: Bjarni Guðmarsson og Rósa Sigrún Jónsdóttir. (Áður á dagskrá 2006)

Ferðalög og útivist, fróðleikur og skemmtun, fólk og náttúra, fjöll og firnindi og sitthvað fleira. Sól og tónlist í Sumarmálum í allt sumar.

Við heyrum ferðasögu mæðgnanna Guðrúnar Gísladóttur, leikkonu, og Veru Illugadóttur, dagskrárgerðarmanns, en þær fóru í vor í langþráða reisu til Albaníu. Þær komu víða við, fóru á æskuslóðir rithöfundarins heimsþekkta, Ismails Kadare, og einræðisherrans Envers Hoxha, kynntust sveitum og borgum, umferðarmenningu og mannlífi.

Svo var fugl dagsins á sínum stað.

Tónlist í þættinum:

Á Mallorca – South River Band (Ólafur Þórðarson og texti Helgi Þór Ingason)

Pavarësia - Ilir Shaqiri

Lulja E Kosharës - Ilir Shaqiri

M'fal - Don Xhoni

Sveitin mín - Haukur Morthens (Jóhann Helgason)

eftir Rögnu Sigurðardóttur. Höfundur les.

Skáldsaga sem gefin var út 2009 og vakti þá verulega athygli. Efni hennar er í stuttu máli á þessa leið: Hanna snýr heim frá Amsterdam til að taka við starfi hjá listasafni borgarinnar. Það er góðæri á Íslandi og auðmenn njóta þess að gefa safninu dýrar gjafir. Ein slík er landslagsmálverk með birkitrjám eftir þekkta listakonu frá öldinni sem leið. Gallinn er sá að forvörður á safninu, hinn dularfulli Steinn, telur að myndin sé fölsuð. Þegar slíku er haldið fram vekur það auðvitað mikil viðbrögð meðal yfirstjórmar listasafnsins.

Ragna Sigurðardóttir er menntuð í myndlist og starfaði sem myndlistarmaður og gagnrýnandi um skeið, en hefur síðan snúið sér að sagnagerð. Efnivið í ritverk sín sækir hún tíðum í myndlistarheiminn.

(Áður á dagksrá 2013)

Útvarpsfréttir.

Veðurstofa Íslands.

Umsjónarfólk segir frá tímabili í ævi sinni og leikur tónlist sem endurspeglar tímann eða atburði sem sagt er frá.

Umsjón: Stefán Halldórsson.

Linsan beinir sjónum sínum að konum í kvikmyndagerð, afrekum þeirra og reynslu. Fjallað er um hinar ýmsu kvikmyndir sem gerðar hafa verið af konum og hafa sett mark sitt spjöld sögunnar.

Umsjón: Anna María Björnsdóttir.

Í þessum fyrsta þætti Linsunnar er farið inn á stöðu kvenna í kvikmyndabransanum á Íslandi. Rætt er við Guðrúnu Elsu Bragadóttur, kvikmyndafræðing, um kvikmyndina Portrait de la jeune fille en feu, eða Mynd af logandi hefðarfrú, í leikstjórn Céline Sciamma frá 2019. Myndin þykir hafa brotið blað þegar kemur að hinu kvenlega sjónmáli.

Síðar í þættinum er rætt við leikmyndahönnuðinn Huldu Helgadóttur sem var fyrsta konan til að hljóta Edduverðlaunin á því sviði.