Bæn og hugleiðing að morgni dags.

Útvarpsfréttir.

Björn Þór Sigbjörnsson og Þórunn Elísabet Bogadóttir fylgja hlustendum inn í daginn, skýra baksvið frétta og ræða við áhugavert fólk um Ísland og umheiminn.

Umsjónarmenn eru Björn Þór Sigbjörnsson og Þórunn Elísabet Bogadóttir.

Þátturinn hófst á spjalli í síma við Ólöfu Ýri Atladóttur, framkvæmdastjóra ferðaþjónustufyrirtækisins Sóta á Tröllaskaga. Illviðri var spáð en svo virðist sem lægðin hafði misst einhvern mátt áður en áhrifa hennar tók að gæta að ráði. "Skítaveður" var orðið sem Ólöf notaði en jörð var auð.

Þórður Snær Júlíusson blaðamaður fór yfir nýbirt hálfsársuppgjör nokkurra sveitarfélaga á höfuðborgarsvæðinu. Athygli vekur að afgangur er af rekstri Reykjavíkur í fyrsta sinn í nokkur ár. Þá fór hann yfir kostnað nokkurra frambjóðenda til embættis forseta en þeim ber að skila yfirliti til Ríkisendurskoðunar. Katrín Jakobsdóttir eyddi langmestu í baráttuna en Helga Þórisdóttir eyddi mestu ef miðað er við atkvæðafjölda.

Í Berlínarspjalli sagði Arthur Björgvin Bollason frá erfiðleikum í rekstri Volkswagen. Það er stærsta fyrirtæki Þýskalands og afkoma þess þykir jafnan endurspegla stöðu þýsks efnahags. Hann sagði líka frá kynningu og sýningu á verkum íslenskra listamanna í Berlín og í lokin var örlítið rætt um epli.

Kappræður bandarísku forsetaframbjóðendanna Kamölu Harris og Donalds Trump fara fram í dag. Bryndís Ísfold Hlöðversdóttir stjórnendaráðgjafi hefur lengi fylgist vel með stjórnmálunum vestan hafs. Hún rýndi í stöðuna og ræddi mikilvægi kappræðna fyrir frambjóðendurna.

Tónlist:

Till the morning comes - Steinar Albrigtsen,

Apfelwein Lied - Bembel Beat,

Stars - Sigurður Flosason.

Útvarpsfréttir.

Útvarpsfréttir.

Gestir úr öllum kimum þjóðfélagsins deila sögu sinni með hlustendum. Umsjón: Sigurlaug M. Jónasdóttir.

Umsjón: Halldóra Björnsdóttir.

Útvarpsfréttir.

Veðurstofa Íslands.

Umsjón: Kristján Kristjánsson.

Útvarpsfréttir.

Um litróf mannlífsins. Okkur er ekkert mannlegt óviðkomandi. Alla virka daga milli kl. 11-12 á Rás 1.

netfang: [email protected]

Umsjón: Guðrún Gunnarsdóttir og Gunnar Hansson.

(Aftur í kvöld)

Sævar Helgi Bragason kom í þáttinn í dag og sagði okkur frá nýrri bók sinni sem heitir Kúkur, piss og prump. Eins og segir aftan á bókinni, „Allt í náttúrunni er hluti af hringrás. Þú líka! Þar leikur meltingin algjört lykilhlutverk. Heimurinn verður svo fallegur og forvitnilegur þegar við uppgötvum hvernig allt er tengt. Meira að segja kúkur, piss og prump verður bara... spennandi!“ Sævar Helgi fræddi okkur um þessa bók og þessa mikilvægu starfsemi líkama okkar í dag.

Í gær hófst alþjóðleg listahátíð og vinnustofa á Eyrarbakka í þriðja sinn, Oceanus/ Hafsjór. Listsýningar, gjörningar og tónlistarflutningur munu fara fram í Kartöflugeymslunni, verksmiðjuhúsnæði ásamt fleiri óhefðbundnum sýningarrýmum víðs vegar um Eyrarbakka. Hafrót er yfirskrift hátíðarinnar að þessu sinni og listamenn erlendir og innlendir taka þátt í sköpuninni næstu vikur. Gestum og gangandi gefst kostur á að skoða ferlið á vinnustofunum meðan á hátíðinni stendur. Við skruppum á Eyrarbakka og tókum tali listakonuna Ástu Guðmundsdóttur sem stendur á bak við þetta.

Við fræddumst svo að lokum um nýjan Leikhússkóla Þjóðleikhússins. Þar munu nemendur læra um allar hliðar á starfsemi leikhússins í þverfaglegu námi, til dæmis hönnun leikmynda, búninga, lýsingar og hljóðs, sýningarstjórn, leikritun og leiklist. Vala Fannell, skólastjóri skólans, kom í þáttinn og sagði frá.

Tónlist í þættinum:

Flottur jakki / Ragnar Bjarnason (J.K.Thomas, texti Kristján Hreinsson)

Waterloo sunset / The Kinks (Ray Davies)

For once in my life / Frank Sinatra (Ron Miller og Orlando Murden)

Ameríka / Valdimar Guðmundsson og Þorsteinn Einarsson (Bragi Valdimar Skúlason, texti Magnús Eiríksson)

UMSJÓN GUÐRÚN GUNNARSDÓTTIR OG GUNNAR HANSSON

Dánarfregnir.

Útvarpsfréttir.

Umsjón hefur Gunnar Guðbjörnsson óperusöngvari og skólastjóri Söngskóla Sigurðar Demetz.

Íslenskt lag eða tónverk.

Útvarpsfréttir.

Hallinn á ríkissjóði er áætlaður 41 milljarður króna á næsta ári, sem er 16 milljarða minni halli en í ár. Fjármálaráðherra segir heilbrigðis- og velferðarmál í forgrunni.

Stjórnarandstaðan gefur ekki mikið fyrir frumvarpið. Ríkisstjórnin hafi brugðist í efnahagsmálum og frumvarpið minni á kosningabækling.

Alþingi verður sett í dag og verkalýðsfélög hafa boðað til mótmæla á Austurvelli vegna síhækkandi framfærslukostnaðar heimilanna. Forseti ASÍ segir hita í fólki.

Þrjú voru handtekin í tengslum við hnífaárás í miðbæ Reykjavíkur í nótt. Tvö sæta gæsluvarðhaldi og bíða skýrslutöku, en sá þriðji hefur verið fluttur á Stuðla.

Heilu fjölskyldurnar þurrkuðust út í árás Ísraelshers á flóttamannabúðir á Gaza í gær. Ísraelsher segir liðsmenn Hamas hafa verið skotmarkið.

Tæknirisarnir Apple og Google þurfa að greiða meira en fimmtán milljarða evra í sektir og vangoldna skatta eftir tvo dóma sem Evrópudómstóllinn kvað upp í morgun. Með þessu lýkur áralöngum málaferlum framkvæmdastjórnar Evrópusambandsins gegn þessum fyrirtækjum.

Kuldalegt er um að litast víðast hvar á Norður- og Austurlandi og hálka eða snjóþekja er á fjallvegum. Hvít jörð er í Mývatnssveit og aðstæður erfiðar fyrir bændur.

Daglegur fréttaskýringaþáttur þar sem stór og lítil fréttamál eru matreidd á einfaldan hátt.

Í þættinum í dag ætlum við að fjalla um hættur sem steðja að íslenskum landbúnaði. Meðal annars í hrossa- og sauðfjárrækt, laxeldi í sjókvíum og eldi á hafbeitarlaxi. Fjallað er um nýja Landsáætlun erfðanefndar landsbúnaðarins. Ingi Freyr Vilhjálmsson ræðir við formann nefndarinar, Árna Bragason, sem lýsir áætluninni og áhyggjum sínum af því græðgi við ræktun og eldi á dýrum á Íslandi geti orðið umhyggju fyrir náttúrunni yfirsterkari.

Opin og gagnrýnin umræða um vísindi, nýsköpun, umhverfi, fréttir og samfélagsmál.

Umsjón: Arnhildur Hálfdánardóttir og Pétur Magnússon.

Netfang: [email protected]

Í kvöld mætast þau Kamala Harris og Donald Trump, forsetaframbjóðendur í Bandaríkjunum, í sjónvarpskappræðum. Þetta verður í fyrsta og líklega eina skiptið sem þau mætast í aðdraganda forsetakosninganna í nóvember. Silja Bára Ómarsdóttir, prófessor í stjórnmálafræði, ætlar að setjast hjá okkur og fara yfir stöðuna fyrir kappræðurnar.

Áki Jarl Láruson, stofnerfðafræðingur á Hafró, fór í sumar í ógleymanlegan vísindaleiðangur upp að 80. breiddargráðu með þýska ísbrjótnum Pólstjörnunni, RV Polarstern. Skipið var hlaðið sérhæfðum búnaði til að rannsaka sjávarbotninn og alþjóðlegt teymi vísindamanna vann á vöktum allan sólarhringinn við að rannsaka sæköngulær og fleira forvitnilegt sem kafbátar og botnsleðar drógu úr kafinu.

Samfélagið var í styttri kantinum vegna beinnar útsendingar frá þingsetningu.

Bein útsending frá guðsþjónustu í Dómkirkjunni og setningu Alþingis. Kynnir: Magnús Geir Eyjólfsson.

Útvarpsfréttir.

Umsjónarmaður spjallar um hvaðeina milli himins og jarðar, oft af sögulegu tagi, les forvitnilega texta úr ýmsum áttum, bæði íslenska og erlenda, og reynir af öllum mætti að hafa ofan af fyrir hlustendum þá klukkustund sem þátturinn stendur. Umsjón: Illugi Jökulsson.

Hér er þess minnst að 100 ár eru liðin frá andláti Franz Kafka. Lesnar eru nokkrar af hinum styttri smásögum hans í þýðingu Ástráðs Eysteinssonar og Eysteins Þorvaldssonar. Sögurnar eru Sveitalæknir, Föturiddarinn, Nýi lögfræðingurinn, Til íhugunar fyrir knapa, Fyrir dyrum laganna og Bróðurmorð.

Útvarpsfréttir.

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Umsjón: Halla Harðardóttir og Melkorka Ólafsdóttir.

Feneyjatvíæringurinn í arkitektúr fer fram í 19. sinn á næsta ári og Ísland tekur þá þátt í fyrsta sinn. Tilkynnt var um það í síðustu viku að verkefni s.ap arkitekta, Hraunmyndanir hefur verið valið sem framlag Íslands. Það er Miðstöð hönnunar og arkitektúrs sem hefur umsjón með verkefninu og Gerður Jónsdóttir er verkefnastjóri þátttöku Íslands. Við ræðum við hana í þætti dagisns.

Katla Ársælsdóttir segir frá uppistandinu Belonging þar sem fimm innflytjendur stigu á stokk og fjölluðu á kómískan hátt um reynslu sína af því að búa á íslandi.

Nýlega sendi tónlistarmaðurinn Sigmar Þór Matthíasson frá sér nýja plötu sem nefnist Uneven Equator, en á henni blandar hann saman jazzi og austrænni heimstónlist. Tómas Ævar ræðir við Sigmar í þætti dagsins.

Útvarpsfréttir.

Popp og pólitík

Umsjón: Kristján Guðjónsson, Lóa Björk Björnsdóttir og Anna Gyða Sigurgísladóttir.

Um helgina voru 25 ár frá því að platan 69 Love Songs með hljómsveitinni The Magnetic Fields kom út, 7. September 1999. Platan öðlaðist költstöðu á því augnabliki sem hún kom út, brjálæðislegt verkefni sem gengur fullkomlega upp.

Kolbrún Dögg Kristjánsdóttir er að fara að frumsýna nýtt leikrit á fimmtudaginn í Kassanum. Taktu flugið, beibí er byggt á lífshlaupi og lífsreynslu höfundarins. Lóa ræðir við Kolbrúnu um verkið.

Ýmis ummerki eða spor eftir heimspekilega hugsun er að finna í miðaldarbókmenntum Íslendinga, hvort heldur í kvæðum, sögum eða lögum. Við ræðum við Gunnar Harðarson, heimspeking, sem hefur verið að leita að fingraförum spekinnar í íslenskum miðaldatextum.

Fréttir

Kvöldfréttir útvarps

Samtök Iðnaðarins eru heilt yfir ánægð með fjárlagafrumvarpið sem fjármálaráðherra kynnti í morgun. Framkvæmdarstjóri samtakanna hefði þó viljað aukið aðhald í ríkisfjármálunum.

Heimilum landsins blæðir, sagði formaður Kennarasambandsins á útifundi verkalýðsfélaga Austurvelli síðdegis. Hátt vaxtastig og verðbólga gerir fólki erfitt fyrir, bitni á börnum og framtíðinni. Einn mótmælenda sagði fólk að bugast yfir afborgunum sem það ráði ekki við. Margir mótmælenda höfðu áhyggjur af vöxtum.

Nýr forseti Íslands Halla Tómasdóttir fjallaði um húsnæðisvanda, ofbeldi, menntun í innflytjendamál við þingsetningu í dag. Nýr biskpu sagði sorg grúfa yfir landinu við setningu Alþingis.

Utanríkisráðherra Bandaríkjanna var óvenju harðorður í garð ísraelskra stjórnvalda í dag, eftir að Ísraelsher drap bandarískan ríkisborgara á Vesturbakkanum.

Fréttir og fréttaskýringar í útvarpi, þar sem kafað er dýpra í málin, þau sett í stærra samhengi og skýringa leitað.

Spegillinn er auðvitað með hugann við fjárlagafrumvarpið sem kynnt var í morgun. Una Jónsdóttir forstöðumaður hagfræðideildar Landsbankans spáir í frumvarpið og áhrif á verðbólgu og vexti. En það er ekki bara rætt um frumjöfnuð í Speglinum. Forsetaefnin Harris og Trump mætast í sínum fyrstu kappræðum í kvöld - Ævar Örn Jósepsson og Birta Björnsdóttir sá í spilin.

Umsjón: Fríða María Ásbergsdóttir.

Emmsjé Gauti mætir í Krakkakastið og spjallar við Fríðu um rapp. Hvers vegna kallar hann sig Emmsjé Gauti? Hver er uppáhalds rapparinn hans? Finnst honum rapparar fara vel með peningana sína?

Viðmælandi: Emmsjé Gauti

Umsjón: Fríða María Ásbergsdóttir

Veðurstofa Íslands.

Dánarfregnir.

Tónleikahljóðritanir með innlendum og erlendum flytjendum.

Hljóðritun frá kammertónleikum fiðluleikarans Leonidas Kavakos, sellóleikarans Yo-Yo Ma og píanóleikarans Emanuel Ax á Proms, sumartónlistarhátíð Breska útvarpsins, 31. ágúst sl.

Hljóðritun frá kammertónleikum fiðluleikarans Leonidas Kavakos, sellóleikarans Yo-Yo Ma og píanóleikarans Emanuel Ax á Proms, sumartónlistarhátíð Breska útvarpsins, 31. ágúst sl.

Á efnisskrá eru píanótríó eftir Johannes Brahms og Ludwig van Beethoven.

Umsjón: Ása Briem.

Opin og gagnrýnin umræða um vísindi, nýsköpun, umhverfi, fréttir og samfélagsmál.

Umsjón: Arnhildur Hálfdánardóttir og Pétur Magnússon.

Netfang: [email protected]

Í kvöld mætast þau Kamala Harris og Donald Trump, forsetaframbjóðendur í Bandaríkjunum, í sjónvarpskappræðum. Þetta verður í fyrsta og líklega eina skiptið sem þau mætast í aðdraganda forsetakosninganna í nóvember. Silja Bára Ómarsdóttir, prófessor í stjórnmálafræði, ætlar að setjast hjá okkur og fara yfir stöðuna fyrir kappræðurnar.

Áki Jarl Láruson, stofnerfðafræðingur á Hafró, fór í sumar í ógleymanlegan vísindaleiðangur upp að 80. breiddargráðu með þýska ísbrjótnum Pólstjörnunni, RV Polarstern. Skipið var hlaðið sérhæfðum búnaði til að rannsaka sjávarbotninn og alþjóðlegt teymi vísindamanna vann á vöktum allan sólarhringinn við að rannsaka sæköngulær og fleira forvitnilegt sem kafbátar og botnsleðar drógu úr kafinu.

Samfélagið var í styttri kantinum vegna beinnar útsendingar frá þingsetningu.

eftir Ólaf Jóhann Ólafsson. Þórhallur Sigurðsson les. Sagan fjallar um Íslending sem hvarf að heiman um dimma nótt frá fjölskyldu sinni og vinum og endaði sem einkaþjónn hjá bandaríska auðkýfingnum William Randolph Hearst eftir fyrri heimsstyrjöld. Hvers vegna yfirgaf hann konu sína og börn, blómlegt fyrirtæki og trausta stöðu í Reykjavík? Hvernig lenti hann í höll Hearsts blaðakóngs í Kaliforníu? (Áður á dagskrá 2010)

Útvarpsfréttir.

Veðurstofa Íslands.

Um litróf mannlífsins. Okkur er ekkert mannlegt óviðkomandi. Alla virka daga milli kl. 11-12 á Rás 1.

netfang: [email protected]

Umsjón: Guðrún Gunnarsdóttir og Gunnar Hansson.

(Aftur í kvöld)

Sævar Helgi Bragason kom í þáttinn í dag og sagði okkur frá nýrri bók sinni sem heitir Kúkur, piss og prump. Eins og segir aftan á bókinni, „Allt í náttúrunni er hluti af hringrás. Þú líka! Þar leikur meltingin algjört lykilhlutverk. Heimurinn verður svo fallegur og forvitnilegur þegar við uppgötvum hvernig allt er tengt. Meira að segja kúkur, piss og prump verður bara... spennandi!“ Sævar Helgi fræddi okkur um þessa bók og þessa mikilvægu starfsemi líkama okkar í dag.

Í gær hófst alþjóðleg listahátíð og vinnustofa á Eyrarbakka í þriðja sinn, Oceanus/ Hafsjór. Listsýningar, gjörningar og tónlistarflutningur munu fara fram í Kartöflugeymslunni, verksmiðjuhúsnæði ásamt fleiri óhefðbundnum sýningarrýmum víðs vegar um Eyrarbakka. Hafrót er yfirskrift hátíðarinnar að þessu sinni og listamenn erlendir og innlendir taka þátt í sköpuninni næstu vikur. Gestum og gangandi gefst kostur á að skoða ferlið á vinnustofunum meðan á hátíðinni stendur. Við skruppum á Eyrarbakka og tókum tali listakonuna Ástu Guðmundsdóttur sem stendur á bak við þetta.

Við fræddumst svo að lokum um nýjan Leikhússkóla Þjóðleikhússins. Þar munu nemendur læra um allar hliðar á starfsemi leikhússins í þverfaglegu námi, til dæmis hönnun leikmynda, búninga, lýsingar og hljóðs, sýningarstjórn, leikritun og leiklist. Vala Fannell, skólastjóri skólans, kom í þáttinn og sagði frá.

Tónlist í þættinum:

Flottur jakki / Ragnar Bjarnason (J.K.Thomas, texti Kristján Hreinsson)

Waterloo sunset / The Kinks (Ray Davies)

For once in my life / Frank Sinatra (Ron Miller og Orlando Murden)

Ameríka / Valdimar Guðmundsson og Þorsteinn Einarsson (Bragi Valdimar Skúlason, texti Magnús Eiríksson)

UMSJÓN GUÐRÚN GUNNARSDÓTTIR OG GUNNAR HANSSON

Popp og pólitík

Umsjón: Kristján Guðjónsson, Lóa Björk Björnsdóttir og Anna Gyða Sigurgísladóttir.

Um helgina voru 25 ár frá því að platan 69 Love Songs með hljómsveitinni The Magnetic Fields kom út, 7. September 1999. Platan öðlaðist költstöðu á því augnabliki sem hún kom út, brjálæðislegt verkefni sem gengur fullkomlega upp.

Kolbrún Dögg Kristjánsdóttir er að fara að frumsýna nýtt leikrit á fimmtudaginn í Kassanum. Taktu flugið, beibí er byggt á lífshlaupi og lífsreynslu höfundarins. Lóa ræðir við Kolbrúnu um verkið.

Ýmis ummerki eða spor eftir heimspekilega hugsun er að finna í miðaldarbókmenntum Íslendinga, hvort heldur í kvæðum, sögum eða lögum. Við ræðum við Gunnar Harðarson, heimspeking, sem hefur verið að leita að fingraförum spekinnar í íslenskum miðaldatextum.