Borgarstjórn ætlar að láta gera stjórnsýsluúttekt á byggingu vöruhússins í Breiðholti sem valdið hefur nágrönnum þess í Árskógum ama. Þá fæst mögulega svar við spurningu sem margir hafa spurt sig að síðastliðnar vikur: Hvernig gat þetta gerst? Fulltrúar minnihlutans í borgarstjórn, Hildur Björnsdóttir, oddviti Sjálfstæðisflokksins, og Sanna Magdalena Mörtudóttir, oddviti Sósíalista, ræddu málið í Kastljósi.

Landsmenn eru límdir yfir sjónvarpsþáttunum um Vigdísi Finnbogadóttur. Mikil vinna fór í að endurskapa tíðaranda þáttanna útfrá sviðsmynd, búningum og hárgreiðslu. Við hittum fólkið á bakvið tjöldin.