Ásakanir Ísraelsmanna um að 13 starfsmenn Palestínuflóttamannahjálpar Sameinuðu þjóðanna hefðu tekið beinan eða óbeinan þátt í hryðjuverki Hamas í Ísrael 7. október leiddi til þess að Ísland var meðal 18 landa sem stöðvuðu fjárframlög sín til stofnunarinnar. Ísland setti auk annarra fram þá kröfur að Sameinuðu þjóðirnar rannsökuðu þessar ásakanir og gerðar yrðu umbætur til að tryggja hlutleysi stofnunarinnar. Í síðustu viku birtu Sameinuðu þjóðirnar svo skýrslu þessarar nefndar sem sett var á laggirnar til að kanna Hamastengslin og aðrar ásakanir Ísraelsmanna í garð stofnunarinnar. Jón Björgvinsson fjallaði um UNRWA í Kastljósi.

Hera Björk mun flytja framlag Íslands í Eurovision en þátttaka hennar í keppninni hefur verið umdeild vegna átaka Ísraels og Palestínu. Kastljós settist niður með Heru fyrir helgi og ræddi við hana um síðustu vikur, pólitíkina sem hefur blandast inn í keppnina og atriðið sjálft.

Það eru sennilega ekki margir sem taka upp á því byrja æfa sig á hjólabretti rétt tæplega fimmtugir. Óðinn Svan hitti hins vegar einn slíkan en auk þess að vera kominn á miðjan aldur er hann líka lögblindur.