Hávær umræða hefur verið um menntamál og námsmat í skólakerfinu undanfarna mánuði. Ekkert samræmt námsmat hefur tekið við af samræmdum könnunarprófum eftir að þau voru síðast haldin árið 2021 og samkvæmt niðurstöðum síðustu Pisa-könnunar hrundi Ísland í samanburði við önnur lönd. Mennta- og barna­málaráðherra kynnti aðgerðir til að bregðast við stöðunni í skólakerfinu á menntaþingi fyrr í vikunni. Gestir Kastljóss eru Ásmundur Einar Daðason, ráðherra málaflokksins og Þórunn Sif Böðvarsdóttir, grunnskólakennara. Í lok þáttar er úkraínsk kvikmyndagerðarkona heimsótt en hún skrásetti daglegt líf á Ásbrú, þar sem hún dvaldi í tvö ár eftir að innrás var gerð í heimalandið.