Ríkisstjórnin kynnti í dag aðgerðir til að eyða óvissu Grindvíkinga, sem gengur meðal annars út á að fólk geti nýtt eigið fé sem er bundið í húsnæði í bænum til að kaupa annað heimili. Katrín Jakobsdóttir forsætisráðherra var gestur Kastljóss. Hún ræddi aðgerðirnar, sem og ríkisstjórnarsamstarfið. Sjálf hefur hún tekið við matvælaráðuneytinu, meðan Svandís Svavarsdóttir er í veikindaleyfi, og mótmæli standa yfir við Austurvöll.

Leikritið Lúna eftir Tyrfing Tyrfingsson var frumsýnt í Borgarleikhúsinu á föstudag. Verkið var hins vegar orðið umtalað löngu fyrr vegna umdeildrar persónu í verkinu sem byggir á á raunveruleikanum, Heiðari Jónssyni snyrti, sem dæmdur var fyrir blygðunarsemisbraut á 10. áratugnum. Kastljós ræddi við Stefán Jónsson leikstjóra.