Kiljan

Kiljan 3. apríl 2024

Meðal gesta í Kilju vikunnar er heimspekiprófessorinn Sigríður Þorgeirsdóttir. Við ræðum við hana um þýðingu á Andkristi eftir Friedrich Nietzsche sem er nýútkomin. Þýðandi er Pálína Sigríður B. Sigurðardóttir en Sigríður ritar formála. Böðvar Björnsson hóf ungur að starfa í hreyfingu samkynhneigðra sem þá voru upp til hópa í felum, hann segir okkur frá bók sinni Strákar úr skuggunum en þar rekur hann sig eftir nokkrum vörðum í sögu hreyfingarinnar. Skáldið og myndlistarmaðurinn Gunnhildur Þórðardóttir býr í Keflavík - hún ræðir um ljóðabók sina sem nefnist Dóttir drápunnar. Í Bókum og stöðum förum við um Fljótsdalshérað þar sem meðal annars koma við sögu Gunnar Gunnarsson, Skáld-Guðný og Sigfús Sigfússon þjóðsagnasafnari. Gagnrýnendur þáttarins rýna í Vatnið brennur eftir Gunnar Theodór Eggertsson, Flóttamaður á krossgötum eigin slóðar eftir Aksel Sandemose og Sögu af svartri geit eftir Purumal Murugan.

Frumsýnt

3. apríl 2024

Aðgengilegt til

Rennur ekki út

• 00:01:08 Krítík - Sunna Dís Másdóttir og Þorgeir Tryggvason
• 00:13:48 Böðvar Björnsson - Strákar úr skuggunum
• 00:23:13 Sigríður Þorgeirsdóttir - Andkristur e. Nietzsche
• 00:31:23 Gunnhildur Þórðardóttir - Dóttir drápunnar
• 00:36:26 Bækur og staðir - Fljótdalshérað

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.