Kiljan

Þáttur 8 af 24

Í Kilju vikunnar fjöllum við um ljóðabókina Sjófuglinn eftir Egil Ólafsson. Bókin er ort við dánarbeð föður hans Ólafs Á. Egilssonar og segir frá heldur brokkengri ævi hans. Við leitum uppi æskuheimili Ólafs sem var við Lindargötu en er nú á Árbæjarsafni. Halldór H. Jónsson var mikilvirkur arkitekt og kaupsýslumaður, stundum kallaður "stjórnarformaður Íslands." Frægasta verk hans er glæsibyggingin Hótel Saga. Björn Jón Bragason og Pétur H. Ármannsson segja frá bók þar sem er rakin ævi og ferill Halldórs. Fálkar er glæsileg bók eftir Daníel Bergmann, hann hefur myndað fálka í tvo áratugi og afraksturinn má sjá í bókinni. Gagnrýnendur þáttarins ræða um þrjár bækur sem eru: Húslestur eftir Magnús Sigurðsson, Smámunir eins og þessir eftir Claire Keegan og Lítil bók um stóra hluti eftir Þórunni Valdimarsdóttur.