Bæn og hugleiðing að morgni dags.

Séra Siguvin Lárus Jónsson flytur.

Útvarpsfréttir.

Vínil plata úr safninu dregin fram og spiluð í heild.

Vínil plata úr safninu dregin fram og spiluð í heild.

Leikin eru lög af plötunni Native Dancer sem saxófónleikarinn Wayne Shorter gaf út 18. janúar 1975. Gestur Shorters er brasilíski söngvarinn og lagasmiðurinn Milton Nascimento. Þeir flytja einskonar heimstónlistardjass á þessari plötu og njóta aðstoðar slagverksleikarans Airto Moreira, trommarans Robertino Silva, píanistan Herbie Hancock, gítarleikaranna Jay Graydon og David Amaro, bassaleikarans Dave McDaniel og hljómborðsleikarans Wagner Tiso.

Umsjón: Jónatan Garðarsson.

Útvarpsfréttir.

Í þættinum er fjallað um ævintýri H.C. Andersens, Nýju fötin keisarans, frá ýmsum ólíkum sjónarhornum.

Lesari: Hjalti Rögnvaldsson.

Umsjón: Arthúr Björgvin Bollason.

Í þættinum er fjallað um ævintýri H.C. Andersens, Nýju fötin keisarans, frá ýmsum ólíkum sjónarhornum. Fluttur er kafli úr sagnabálkinum Tíæll Ugluspegill í þýðingu Eiríks Hreins Finnbogasonar. Auk þess er fluttur kafli úr Heljarslóðarorustu Benedikts Gröndals. Lesari með umsjónarmanni er Hjalti Rögnvaldsson, leikari.

Umsjón: Arthur Björgvin Bollason.

Útvarpsfréttir.

Umsjón: Kristján Kristjánsson.

Útvarpsfréttir.

Veðurstofa Íslands.

Benedikt Hermannson ræðir við góða gesti um tungumál tónfræðinnar og varpar ljósi á byggingareiningar tónlistarinnar.

Hljómfræði er fag sem hægt er að eyða mörgum árum í að læra fram og til baka - en hljómar eru líka sem mjög einfalt fyrirbæri. Til hvers eru þá allar þessar pælingar? Er þetta bara eitthvað blaður um tónlistina, sem annars er dularfullur galdur - eða er þetta kannski hluti af galdrinum sjálfum? Katrín Helga Ólafsdóttir, eða K.Óla ræðir tónlistina út frá sjónarhorni tónfræðinnar.

Hægt er að hlusta á lagalista þáttarins á Spotify.

Útvarpsfréttir.

Farið yfir helstu fréttir vikunnar í spjalli við fólkið í fréttunum og fréttaskýrendur.

Gestir Vikulokanna eru Flosi Eiríksson ráðgjafi og fyrrverandi framkvæmdastjóri Starfsgreinasambandsins, Lára Ómarsdóttir fjölmiðlakona og Ásthildur Lóa Þórsdóttir þingmaður Flokks fólksins. Þau ræddu meðal annars aðgerðir ríkisstjórnarinnar í Grindavík, stjórnmál, tjaldbúðir á Asturvelli, kjaraviðræður og Eurovision.

Stjórnandi: Höskuldur Kári Schram

Tæknimaður: Kári Guðmundsson.

Íslenskt lag eða tónverk.

Útvarpsfréttir.

Stjórnvöld hyggjast skilgreina stórfellda Airbnb-leigu sem atvinnustarfsemi og hækka þar með skatta á hana. Einnig fá sveitarfélög aukið vald til að stýra umfangi starfseminnar. Megintilgangurinn er að auka framboð á húsnæði.

Ísraelsk stjórnvöld ætla að banna Flóttamannaaðstoð Sameinuðu þjóðanna í Palestínu að starfa á Gaza eftir að nokkrir starfsmenn stofnunarinnar voru bendlaðir við árásir Hamas á Ísrael.

Jarðskjálfti nærri Bláfjallaskála fannst á höfuðborgarsvæðinu snemma í morgun. Virknin er ekki sögð tengjast jarðhræringunum við Grindavík.

Matvælastofnun hefur kært ákvörðun lögreglustjórans á Vestfjörðum til ríkissaksóknara, um að hætta rannsókn á slysasleppingum eldislaxa úr fiskeldisstöð í Patreksfirði í fyrra.

Gular viðvaranir eru í gildi sunnan- og vestanlands vegna suðvestan hríðarveðurs. Blint og hvasst er á fjallvegum og varað við að Holtavörðuheiði geti lokast með stuttum fyrirvara.

Aukið eftirlit og fyrirbyggjandi ráðstafanir urðu til þess að blóðtaka úr fylfullum hryssum gekk vel í fyrra út frá dýravelferðarsjónarmiðum, að mati Matvælastofnunar.

Færeyingar hafa gefið tíu milljónir í landssöfnun fyrir Grindvíkinga.

Svíar standa í stappi á EM karla í handbolta. Þeir kvörtuðu formlega til Evrópska handknattleikssambandsins eftir tap fyrir Frökkum í undanúrslitum í gær. EHF segir úrslitin standa en Svíar geta mótmælt þeirri niðurstöðu til átta í kvöld.

Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.

Umsjón: Birta Björnsdóttir og Bjarni Pétur Jónsson.

Yfirvöld í einræðisríkinu Sádi-Arabíu eru sökuð um íþróttaþvætti (sportswashing á ensku) með því að setja fjármuni í íþróttir víða um heim til að bæta ímynd sína. Þetta hefur víða heppnast vel frá þeirra sjónarhóli. Eitt dæmi um þetta er að síðasta sumar komu margir af bestu knattspyrnumönnum heims í lið í sádiarabísku deildinni gegn himinháum launum. Sú tilraun virðist ekki ganga vel og farið er að bera á ósætti og jafnvel brotthvarfi leikmanna. Hallgrímur Indriðason skoðar ástæðurnar fyrir því, og hvaða áhrif það hefur.

Meira en helmingur af heimsbyggðinni gengur að kjörborðinu á þessu ári, rúmlega fjórir milljarðar manna. En þrátt fyrir það á lýðræðið mjög undir högg að sækja, því víða er ekki gert nóg til að tryggja frjálsar og sanngjarnar kosningar. Kjördagur er bara toppurinn á ísjakanum, fyrir þau sem fylgjast með og hafa eftirlit með kosningum í aðildarríkjum ÖSE - Öryggis og samvinnustofnunar Evrópu. Þetta eru þau sammála um, Ingibjörg Sólrún Gísladóttir, fyrrum yfirmaður hjá ÖSE, og Albert Jónsson, fyrrum sendiherra í þessari umfjöllun Björns Malmquist. Undanfarin ár hafa þau bæði leitt hópa sérfræðinga sem aðildarríki samtakanna hafa boðið að koma og meta undirbúning og framkvæmd kosninga, en ekki síður hvort stjórnvöld í viðkomandi ríki sjái til þess að stjórnmálaflokkar hafi jöfn tækifæri til að koma sínum málstað á framfæri; hvort kjósendur hafi forsendur til að taka upplýsta ákvörðun. Með öðrum orðum: hvort lýðræðið virkar.

Gestur úr Mannlega þættinum talar um bækur.

Lesandi vikunnar í Mannlega þættinum í þetta sinn var Þröstur Helgason doktor í bókmenntafræði og stofnandi KIND útgáfu, en útgáfan stendur fyrir námskeiði um Eggert Pétursson listmálara í tilefni af útkomu nýrrar bókar um listamanninn. En við fengum auðvitað að vita hvaða bækur Þröstur hefur verið að lesa undanfarið og hvaða bækur og höfundar hafa haft mest áhrif á hann í gegnum tíðina. Þröstur talaði um eftirfarandi bækur og höfunda:

Ýmsar bækur sem fjalla á einn eða annan hátt um bláa litinn,

Ljóðasafn Jónasar Hallgrímssonar

All That is Solid Melts Into Air e. Marshall Berman

David Scott Kastan: On Color

Paradísamissir e. John Milton í nýrri þýðingu Jóns Erlendssonar

Svo nefndi Þröstur fræðifólkið Michel Foucault, Roland Barthes, Matthías Viðar Sæmundsson, Ástráður Eysteinsson, Jón Karl Helgason, Dagný Kristjánsdóttir og Helga Kress, sem öll hafa á einn eða annan hátt haft áhrif á hans störf og skrif.

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Tónlistarhátíðin Myrkir músíkdagar er haldin 24. til 26. janúar. Meðal atriða á hátíðinni er kynning á verkum bandarísku tónlistarkonunnar Pauline Oliveros, sem Skerpla flytur víða í Hörpu, eins og Berglind María Tómasdóttir greinir frá, og harmonikkuleikarinn Jónas Ásgeir Ásgeirsson verður í stóru hlutverki.

Í Kúrs gerast nemendur við Háskóla Íslands dagskrárgerðarmenn; segja sögur, kafa í fræðin og spyrja spurninga.

Við erum öll oftar en ekki í spuna á hverjum degi, með mismargar fyrirfram ákveðnar vörður. Margir kannast við að vilja helst stýra atburðarrásinni og vita hvað framtíðin ber í skauti sér. Eins þekkja margir það að festast í hugsunum sínum, áhyggjum og kvíða og missa um leið hæfileikann til að hlusta á annað fólk og umhverfið, vera í flæði, treysta og hafa gaman. Í þættinum er velt upp spurningum um hvernig hugmyndafræði spunans getur speglast í daglegu lífi. Dóra Jóhannsdóttir ræðir í þættinum við Rebekku Magnúsdóttur, Ólaf Ásgeirsson og Halldóru Geirharðsdóttur, sem öll hafa lært og kennt spuna.

Leiðbeinandi: Anna Marsibil Clausen.

Þáttaröð um geðheilbrigðismál.

Umsjón: Guðrún Hálfdánardóttir.

Þáttaröð um geðheilbrigðismál.

Í níunda þætti er fjallað um átraskanir sem eru alvarlegir langvinnir geðsjúkdómar sem einkennast af miklum truflunum á mataræði.

Viðmælendur eru: Angela Haydarly, Elín Vigdís Guðmundsdóttir, Heiða Rut Guðmundsdóttir og Sigríður Elín Jónsdóttir.

Dagskrárgerð: Guðrún Hálfdánardóttir, Margrét Manda Jónsdóttir og Tómas Hrafn Ágústsson.

Umsjón og handritsgerð: Guðrún Hálfdánardóttir.

Tæknimaður: Lydía Grétarsdóttir.

Útvarpsfréttir.

Þáttur um bókmenntir, bæði hér heima og úti í heimi. Hlustendum er fylgt í gegnum lestur athyglisverðra bókmenntaverka og rætt við höfunda, útgefendur og fræðimenn um stefnur, strauma, tákn og tilvísanir.

Umsjón: Jóhannes Ólafsson.

Guð er að finna víða í bókmenntunum og leitina að guði. Einhverjir hafa fundið guð og halda sér fast í faðminn - aðrir hafa glatað honum af ótal ólíkum ástæðum. Guð bókmenntanna er margvíslegur og fer það alveg eftir því hvar maður drepur niður fæti - hvort það þyki almennt fínt að yrkja um guð. Og þá hvaða guð, eða guði? Guð í einhverri mynd verður einn af lyklum okkar að efni þáttarins í dag. Við ætlum að dýfa okkur í höfundarverk íslensks skálds sem við heyrðum í hér áðan tala um hvernig það er að yrkja um guð, í viðtali árið 2011... Ísak Harðarson komst í snertingu við guð á sínum ferli og fann ljóðræna, róttæka leið til þess að tjá sig um þetta tilvistarlega og trúarlega ferðalag á guðs vegum. Ísak Harðarson var afkastamikið og fjölhæft skáld, skáld íróníu og glettni en kljáðist líka við stóru spurningarnar í leit íhugull innávið. Nýtt ljóðasafn eftir Ísak leit dagsins ljós nýlega og við flettum í því. Svo hverfum við líka rúm 350 ár aftur í tímann og höldum til Englands þar sem John Milton, skáldið blinda orti söguljóðið Paradísarmissi, lykilverk enskra bókmennta, ljóð sem ort var á miklum tímamótum og markaði líka tímamót. Ljóðið var fyrst þýtt á íslensku af Jóni Þorlákssyni á Bægisá en splunkuný þýðing kom til jarðar fyrir skemmstu eftir Jón Erlendsson. Paradísarmissir fjallar um stóru sögu kristninnar, söguna sem enn er verið að segja, af syndafallinu, freistingum og breyskleika, englum og djöflum, upphafinu og endinum.

Viðmælendur: Þórður Sævar Jónsson, Kristín Svava Tómasdóttir, Ástráður Eysteinsson og Jón Erlendsson.

Umsjón: Jóhannes Ólafsson

Víkingar er leikið hlaðvarp í níu hlutum sem byggir á frásögnum frá víkingatímanum. Þetta er saga um fólk sem lifði í okkar heimi fyrir þúsund árum síðan. Hún fjallar um háskafarir og hrottaleg rán. Um sjóferðir vestur yfir Atlantshafið og lengst austur í Asíu. Um ævintýri sem áttu eftir að breyta Norðurlöndunum öllum.

Fjórar persónur eru í forgrunni, Ragnar Loðbrók, Guðríður Þorbjarnardóttir, Ingigerður Ólafsdóttir og Haraldur Harðráði.

Þáttaröðin Víkingar var unnin af sænska ríkisútvarpinu SR með stuðningi frá Nordvision sjóðnum, NRK, DR og RÚV. Verkið sækir innblástur í heimildir á borð við Íslendingasögurnar og aðrar norrænar fornsögur en nýtir sér möguleika skáldskaparins þegar við á.

Þorsteinn lifir harðan veturinn ekki af en Guðríður heyrir rödd hans engu að síður, hann segir henni að láta draum þeirra rætast og sigla til Vínlands.

Sögumaður: Tinna Hrafnsdóttir

Guðríður Þorbjarnardóttir: Margrét Vilhjálmsdóttir

Höfundar texta og hljóðmyndar: Ulla Svensson, Emelie Rosenqvist, Mathilda von Essen og David Rune.

Þýðandi: Salka Guðmundsdóttir

Hljóðvinnsla: Gísli Kjaran Kristjánsson

Tónlist: Matti Bye

Leikstjóri: Tinna Hrafnsdóttir

Kvöldfréttir útvarps

Sex ríki, þar á meðal Bandaríkin og Bretland, ætla að frysta framlög til Flóttamannahjálpar Sameinuðu þjóðanna í Palestínu. Hópur starfsmanna hjá stofnuninni hefur verið bendlaður við árás Hamas samtakanna á Ísrael í október í fyrra.

Menningarráðherra segir að ef ákveðið verður að taka ekki þátt í Eurovision sé það af þeirri stærðargráðu að utanríkisráðherra þurfi að koma að málinu, sem sé utanríkismál.

Hálf öld er í dag liðin frá hvarfi Guðmundar Einarssonar. Dularfull örlög hans urðu síðar kveikjan að einu alræmdasta sakamáli Íslandssögunnar: Guðmundar- og Geirfinnsmálinu.

Svíar hafa látið staðar numið í kvörtun sinni til Evrópska handboltasambandsins og staðfest er að Frakkar leika til úrslita á EM.

Í þættinum eru atburðir og málefni líðandi stundar skoðaðir í ljósi sögunnar. Umsjón: Vera Illugadóttir.

Í þættinum er haldið áfram umfjöllun um upphaf landnáms Breta í Ástralíu og sögu frumbyggjaþjóða Ástralíu. Í þessum þætti er sjónum beint að manni að nafni Bungaree, sem var túlkur í landkönnunarleiðöngrum Breta.

Veðurstofa Íslands.

Dánarfregnir.

Almenn fyndni, brandarar, grínþættir og skemmtisögur af margvíslegasta tagi er stór þáttur mannlegarar tilveru. Í þáttunum ,,Ég er ekki að grínast" er komið víða við og fjallað um ýmsar birtingarmyndir húmors. Umsjón: Kristín Einarsdóttir.

Í þættinum er rætt um Hið íslenska reðasafn og Draugasetrið á Stokkseyri. Viðmælendur eru Bjarni Harðarson þjóðfræðinemi og Sigurjón Baldur Hafsteinsson lektor í safnafræði við Háskóla Íslands.

Umsjón: Kristín Einarsdóttir.

Rætt er um hvernig lestri Njálu er háttað, heima og erlendis.

Einar Ólafur Sveinsson les brot úr Njálu í upphafi þáttanna og umsjónarmaður fær til sín gesti til að ræða þetta merka rit.

Umsjón: Einar Karl Haraldsson.

Í þættinum er rætt við Jón Böðvarsson skólameistara um ferðalög á Njáluslóðir. Þátturinn hefst með tilvitnun í útvarpsþátt Böðvars Guðmundssonar „Á Njáluslóðum í Rangárþingi", sem útvarpað var fyrst 15. júlí 1973, þar sem Jón Böðvarsson lýsir vígi Þráins Sigfússonar og breyttum staðháttum frá þjóðveldisöld þar sem Markarfljót hefur breytt rennlistefnu sinni.

Umsjón: Einar Karl Haraldsson.

(Áður á dagskrá 7. apríl 1984)

Útvarpsfréttir.

Veðurstofa Íslands.

Í Litlu flugunni er leikin gamaldags tónlist frá öldinni sem leið: dægurlög, harmóníkutónlist, djass og danslög, með flytjendum á borð við Tónakvartettinn frá Húsavík, danshljómsveit Victors Sylvester, Caterinu Valente og Hauk Morthens.

Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum.

Umsjón: Lana Kolbrún Eddudóttir.

Litla flugan verður á dansskónum og fær sér snúning við undirleik ýmissa danshljómsveita. Meðal annars heyrist í trompetleikaranum Billy Butterfield með hljómsveit Ray Conniff; samkvæmisdansahljómsveit Johns Warren og húshljómsveit Litlu flugunnar, Terry Snyder and the All stars. Umsjón: Lana Kolbrún Eddudóttir

Farið yfir helstu fréttir vikunnar í spjalli við fólkið í fréttunum og fréttaskýrendur.

Gestir Vikulokanna eru Flosi Eiríksson ráðgjafi og fyrrverandi framkvæmdastjóri Starfsgreinasambandsins, Lára Ómarsdóttir fjölmiðlakona og Ásthildur Lóa Þórsdóttir þingmaður Flokks fólksins. Þau ræddu meðal annars aðgerðir ríkisstjórnarinnar í Grindavík, stjórnmál, tjaldbúðir á Asturvelli, kjaraviðræður og Eurovision.

Stjórnandi: Höskuldur Kári Schram

Tæknimaður: Kári Guðmundsson.