Landakort

Bæta við þekkingu á íslenskri flóru í fríinu

Hópur kvenna er kominn á Rauðasand til að skoða og skrá plöntur. „Við höfum haft það sem aðalmarkmið að skrá í vanskráða reiti hjá Náttúrufræðistofnun Íslands. Það er búið að skipta landinu upp í hnitakerfi og reitirnir eru mjög misvel skráðir,“ segir Þóra Ellen Þórhallsdóttir, prófessor í grasafræði við Háskóla Íslands.

Þetta er í sjöunda sinn sem að hópurinn, sem hefur stundum kallað sig Grasakellur, heldur í ferð sem þessa. „Við förum á fallega staði og gerum vel við okkur í mat og drykk. En við erum samt að vinna, við erum að bæta við þekkingu á flóru Íslands þótt í litlu sé og allt hjálpar þetta til. Þetta er svona frí með smá svona missjón,“ segir Þóra Ellen en flestar konurnar sinna störfum sem að tengjast jurtaríkinu.

Frumsýnt

21. feb. 2021

Aðgengilegt til

21. des. 2024

Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.