Á tali hjá Hemma Gunn 1987-1988

14. desember 1988

Í þættinum ræðir Hemmi Gunn við Böðvar Yngva Jakobsson, sem er þekktur fyrir að snúa orðum aftur á bak, og hljómsveitin Hunangstunglið með Geira Sæm flytur lagið Froðan. Sýndir eru fisléttir brandarar frá áhorfendum í brandarakeppni, og Haukur Sveinbjarnarson leikur polku eftir Axel Einarsson þar sem Barði Ólafsson syngur. Bandaríska söngkonan Shady Owens flytur lagið When I Fall in Love, og Gísli Rúnar Jónsson skemmtir áhorfendum í hlutverki útvarpsstjóra. Hópurinn Kamarorghestar flytur tónlistaratriðið Grímfreður og falin myndavél sýnir uppátæki tengd „Glasgow-bitum“. Bubbi Morthens og Megas koma í viðtal til Hemma og flytja síðan lagið Eitt glas, fimmtán glös í beinni útsendingu. Að lokum kemur Elsa Lund í spjall við Hemma.

Þátturinn var fyrst á dagskrá 14. desember 1988.