Dagskrá | RÚV Útvarp

Eyðibýlið er viðtals og tónlistarþáttur þar sem viðmælandi er settur í þá stöðu að verða að dvelja í eina viku í einangrun á eyðibýli. Þar hefur hann allt til alls nema fjölmiðla og fjarskiptatæki. Til að stytta honum stundir fær hann að velja nokkur lög til að hlusta á, eina bók til að lesa og svo eitt þarfaþing sem hann má hafa með sér. Í þættinum gerir viðmælandinn grein fyrir vali sínu og svo því helsta sem hann myndi taka sér fyrir hendur í þessar einnar viku einveru.

Viðmælandi Margrétar Sigurðardóttirverður leikkonan, söngkonan og gítarleikarinn Katla Margrét Þorgeirsdóttir.

Aðgengilegt til: Rennur ekki út.

Lengd: 49 mín.

Endurflutt.

Sleðaferðir í tónlist

Umsjón: Una Margrét Jónsdóttir.

Í þættinum verða leiknar tónsmíðar sem eiga að lýsa sleðaferðum. Mörg tónskáld hafa reynt að lýsa ferð á hestasleða í tónum og má þar nefna feðgana Leopold og Wolfgang Amadeus Mozart, Frederick Delius og Leroy Anderson. Frægt er líka sönglagið "Jingle Bells" eftir James Lord Pierpont sem lýsir klingjandi sleðabjöllum. Skáldið Edgar Allan Poe orti líka ljóð um sleðabjöllur og Arthur Foote samdi lag við það. Tónskáldin Pjotr Tsjaíkovskí og Sergei Prokofíev hafa lýst í tónum ferð á rússneskum sleða, svokölluðum troika, með þremur hestum fyrir. Umsjón með þættinum hefur Una Margrét Jónsdóttir og lesari er Björn Þór Sigbjörnsson.

Er aðgengilegt til 15. mars 2025.

Lengd: 50 mín.

Endurflutt.

Fornleifarannsóknir Ragnars Edvardssonar

Fólk og menning í strandbyggðum á Íslandi.

Umsjón: Pétur Halldórsson.

Ragnar Edvardsson, fornleifafræðingur á Rannsóknarsetri Háskóla Íslands á Vestfjörðum, segir frá rannsóknum sínum á fornminjum við ströndina, einkum á Ströndum og Vestfjörðum. Ragnar hefur skoðað fornar verstöðvar og segir að þorskurinn hafi alla tíð verið undirstaða efnahags Íslendinga, miklu frekar en sauðkindin. Komið hafi í ljós vísbendingar um að á síðmiðöldum hafi verstöðvar þróast í átt til að verða fiskiþorp. Einnig vinnur Ragnar að rannsóknum á póstskipinu Fönix sem fórst við Snæfellsnes í janúar 1881 og með því nær allur farmur og póstur sem væntanlegur var til landsins um veturinn. Þar sé einstætt tækifæri til ýmiss konar rannsókna en einnig verði að tryggja að skipið fái að vera í friði og ekki sé rænt úr því munum. Vera baskneskra hvalveiðimanna hefur líka verið Ragnari hugleikin og hann hefur tekið þátt í að rannsaka leifar hvalveiðistöðva Baska á Ströndum ásamt Magnúsi Rafnssyni sagnfræðingi og fleirum. Þar eru merkilegar minjar sem varpa ljósi á stóriðju sautjándu aldar, lýsisvinnslu úr hvalspiki, iðnað sem lítið sem ekkert er skrifað um í heimildum af einhverjum ástæðum. Ragnar leggur áherslu á að saga Íslendinga og saga þorsksins er samtvinnuð og þorskurinn sé enn sá efnahagslegi grunnur sem hann hefur alltaf verið. Einnig er rætt um rekavið og járnvinnslu sem Ragnar telur að hafi verið sterkari þættir í efnahagssögu Íslendinga. Járn unnið úr íslenskum mýrarrauða hafi verið mjög gott og auðvelt í vinnslu miðað við í Noregi til dæmis og rekaviðurinn hafi skipt verulegu máli sem byggingarefni. Á þetta geti frekari fornleifarannsóknir við sjávarsíðuna líka varpað betra ljósi.

Er aðgengilegt til 15. desember 2025.

Lengd: 53 mín.

Endurflutt.

Sveitungar á 16. öld reyna að halda heilög jól en myrku öflin herja á þau og sýna engum miskunn.

Spunaspilahópurinn Föruneyti teningsins spinnur saman jólahrollvekju með hjálp sex hliða tenings.

Umsjón: Gísli Gunnar Didriksen Guðmundsson.

Leikendur:

Eva Halldóra Guðmundsdóttir.

Grétar Mar Sigurðsson.

Ingunn Lára Kristjánsdóttir.

Sindri Kamban.

Tæknimaður: Vigfús Karl Steinsson.

Aðgengilegt til: Rennur ekki út.

Lengd: 40 mín.

Endurflutt.

11:00

Guðsþjónusta

í Laugarneskirkju

Guðsþjónusta.

Prestur: Sr. Davíð Þór Jónsson

Organisti: Tómas Guðni Eggertsson

Einsöngur: Kristján Jóhannsson

Kór Laugarneskirkju syngur

Tónlist:

Forspil: Nun komm, der Heiden Heiland, J. S. Bach (BWV 599)

Önnur tónlist:

Sálmur nr. 10 – Þú brúður Kristi kær

Sálmur nr. 7 – Við kveikjum einu kerti á

Frá ljósanna hásal (J. F. Wade/Jens Hermannsson)

Ave Maria (Sigvaldi Kaldalóns/Indriði Einarsson)

Sálmur nr. 30 – Nóttin var sú ágæt ein

Eftirspil: Gott, durch deine Gute, J. S. Bach (BWV 600)

Er aðgengilegt til 15. desember 2025.

Lengd: 43 mín.

12:10

Síðasta lag fyrir fréttir

12:20

Hádegisfréttir

Hádegisfréttir 15. desember 2024

Útvarpsfréttir.

Leigufélagið Búseti ætlar ekki að sætta sig við ellefu þúsund fermetra vöruhús steinsnar frá fjölbýlishúsi sínu í Breiðholti. Félagið gerir kröfur um breytingar.

Tilkynningum til barnaverndar um áhættuhegðun fjölgaði um nærri 18% á fyrstu mánuðum ársins borið frá fyrra ári. Forstjóri Barna- og fjölskyldustofu kallar eftir samstilltu átaki vegna aukins vanda barna.

Ísraelsmenn hafa gert tugi loftárása á Sýrland í nótt, að þeirra sögn til að hindra hryðjuverkastarfsemi í landinu. Um 7.600 flóttamenn hafa snúið aftur til landsins frá Tyrklandi eftir valdaskiptin fyrir viku.

Vinna við ritun nýs stjórnarsáttmála Samfylkingar, Viðreisnar og Flokks fólksins hefst á næstu dögum. Formenn flokkanna vona að hægt verði að kynna nýja ríkisstjórn fyrir áramót.

Tveir voru handteknir eftir líkamsárás á bar í Breiðholti í gærkvöldi. Svo virðist sem barefli hafi verið beitt við árásina.

Ráðherrar tíu ríkja, þar á meðal Íslands, koma saman í Tallin, höfuðborg Eistlands, á morgun til að ræða öryggis- og varnarmál á norðurslóðum. Þórdís Kolbrún Reykfjörð Gylfadóttir starfandi utanríkisráðherra sækir fundinn í stað forsætisráðherra.

Aðgengilegt til: Rennur ekki út.

Lengd: 20 mín.

12:40

Krakkaheimskviður

Formúla 1 og íþróttaþvætti Sáda

Í Krakkaheimskviðum fjöllum við um fréttir af því sem gerist ekki á Íslandi, en tengist því samt stundum. Karitas kafar í heimsmálin ásamt góðum gestum og fjallar á einfaldan, skýran og skemmtilegan hátt um allt milli himins og jarðar.

Umsjón: Karitas M. Bjarkadóttir

Í þessum þætti Krakkaheimskviða skoðum við kappakstursíþróttina Formúlu 1, en keppnistímabil ársins kláraðist fyrir viku. Birgir Þór Harðarson, fréttamaður, þekkir íþróttina vel. Við förum svo til Sádi-Arabíu þangað sem margt af frægasta íþróttafólki heims hefur spilað undanfarin ár og skoðum ástæðurnar fyrir því með aðstoð Björns Bergs Gunnarssonar, fjármálaráðgjafa og sérfræðings í fjármálum í íþróttum.

Aðgengilegt til: Rennur ekki út.

Lengd: 15 mín.