Björgvin situr og saumar, hann hlakkar mikið til næstu daga, fyrst bolludagur svo sprengidagur og loks öskudagur. Björgvin er enn að reyna að útbúa sinn eigin grímubúning en það gengur hálf brösulega, hann reynir þá að útbúa öskupoka en það gengur ekkert betur og þá verður hann leiður. Þá birtist heilladís úr lausu lofti, hún fræðir hann um uppruna öskupokans og segir honum að hún sé komin honum til hjálpar.