Landakort

Hversdagsleikinn er lífið

Við Hafnarstræti á Ísafirði þar sem löngum var skóbúð er Hversdagssafnið nú til húsa. „Hversdagssafnið er svona safn sem mig um dreymir um að finna eða upplifa þegar ég er að ferðast erlendis. Mig langar að kynnast staðnum og fólkinu og á sama tíma finna eitthvað sem að tengir okkur öll. Eins og sögur um skóna, eða ömmu mína, eða bara eitthvað venjulegt,“ segir Vaida Braziunaité, sem stofnaði Hversdagssafnið ásamt Björgu Sveinbjörnsdóttur.

„Hversdagsleikinn er náttúrlega lífið. En það er það sem að gerist á milli mikilvægra viðburða sem að er svo skemmtilegt,“ segir Björg. „Við höfum stundum kallað það hulduefnið því að það heldur öllu saman en það er svolítið erfitt að benda á nákvæmlega hvað það er. En það er líka þannig að um leið og við bendum á það og setjum það upp á vegg þá hættir það að vera hversdagslegt,“ segir Björg.

Landinn fékk að kynnast hversdagsleikanum í Hversdagssafninu á Ísafirði.

Frumsýnt

21. feb. 2021

Aðgengilegt til

24. júlí 2024

Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.