Ólympíusögur

Stjarnan sem varð að skúrki

Allt íþróttafólk dreymir um að vinna til verðlauna. Það íþróttafólk sem kemst inn á Ólympíuleika er yfirleitt til í að gera næstum allt til að vinna gullið og standa í efsta þrepi á verðlaunapallinum á fullum leikvangi, með hundruð milljónir sjónvarpsáhorfenda að fylgjast með. En hversu langt er sumt íþróttafólk tilbúið að ganga til að komast í sögubækurnar? Í þessum þætti segir frá falli bandarísku frjálsíþróttakonunnar Marion Jones sem var svipt öllum verðlaunum sínum á ÓL 2000 eftir fræga og vel skipulagða lyfjamisnotkun.

Frumflutt

23. júlí 2024

Aðgengilegt til

Rennur ekki út

Í þáttunum eru nokkrar af hetjum og skúrkum Ólympíusögunnar til umfjöllunar. Gullverðlaunahafinn sem hvílir á Íslandi, Ólympíufarinn sem er eini Íslendingurinn til að vera dæmdur fyrir kynvillu, hlauparinn sem laug til um æsku sína, hetjan sem varð að skúrki fyrir lyfjamisnotkun eru meðal þeirra sagna sem eru sagðar í Ólympíusögum. Umsjón: Þorkell Gunnar Sigurbjörnsson.