Félagsheimilið

Margrét Erla Maack var gestur þáttarins.

Félagsheimili allra landsmanna tók á móti Margréti Erlu Maack en landsmenn muna vel eftir henni í sjónvarpinu bæði í Kastljósi og Gettu betur hér á árum áður. Hún starfar nú sem skemmtikraftur og kemur meðal annars fram með Burlesque hóp sem hefur vakið mikla athygli undanfarið. Magni Ásgeirsson var á línunni frá Borgarfirði Eystri en Bræðslan fór fram í gær og tókst með miklum ágætum. Lagaþrennan var á sínum stað en hún var tileinkuð bílum. Tímaflakkið fjallaði um atburði ársins 2015 og landsmenn hringdu inn frá öllum landshornum.

Frumflutt

28. júlí 2024

Aðgengilegt til

Rennur ekki út

Friðrik Ómar Hjörleifsson hefur tekið við lyklavöldunum og má búast við að hann herði reglurnar innanhúss til muna. „Ég mun auðvitað sakna Sigga míns en tek glaður við húsvarðarstarfinu því ég sakna jafnvel enn meira að vera í sambandi við fólkið í landinu, spila hressandi tónlist og sleppa öllum leiðindum. Ég vil samt enga hlustendur sem eru í átaki eða megrun. Hér eru bara brauðtertur og uppáhellingur upp um alla veggi.” segir Friðrik Ómar.