Bæn og hugleiðing að morgni dags.

Séra Solveig Lára Guðmundsdóttir flytur.

Útvarpsfréttir.

Séra Ágúst Sigurðsson frá Möðruvöllum ræðir í þessum þáttum við konur sem bjuggju á prestssetrum víðs vegar um landið á síðustu öld. Í viðtölum við konurnar sem flestar eru ekkjur presta, kemur fram mynd af íslenska dreifbýlinu um miðja 20. Öldina. Hægt er að nálgast þættina á hlaðvarpi Ríkisútvarpsins.

Rætt er við við Rósu Blöndals og les stutt brot úr bókum hennar.

Umsjón: Ágúst Sigurðsson frá Möðruvöllum.

Aðstoð við dagskrárgerð Ævar Kjartansson.

Stef þáttarins er Sælir eru þeir eftir Inga T. Lárusson, leikið af Kristínu Axelsdóttur í Grímstungu á Hólsfjöllum.

Sigurður Ægisson fjallar um fugla.

(Áður á dagskrá 1991)

Fugl vikunnar er Haförn.

Útvarpsfréttir.

Umsjón: Una Margrét Jónsdóttir.

Í þættinum er flutt tónlist eftir þýska tónskáldið Max Bruch og tvo nemendur hans. Bruch fæddist 1838 og lést 1920. Hann er einkum frægur fyrir fiðlukonsert sinn nr.1 í g-moll. Konsertinn varð fljótt vinsæll og það olli Bruch gremju að síðari fiðlukonsertar hans, nr.2 og 3, féllu algjörlega í skuggann af hinum fyrsta. Í þessum þætti fá hlustendur samt að heyra 1. kafla fiðlukonserts Bruchs nr.3 í d-moll. Einnig verða flutt píanóverk eftir Clöru Faisst og kafli úr fiðlusónötu eftir Ottorino Respighi. Umsjón með þættinum hefur Una Margrét Jónsdóttir og lesari er Jóhannes Ólafsson.

Útvarpsfréttir.

Útvarpsfréttir.

Veðurstofa Íslands.

Hver var fyrsta íslenska minningargreinin? Af hverju skrifa Íslendingar svona persónulega um látið fólk? Eiga greinarnar að vera í 2. eða 3. persónu? Hver skrifar? Um hvern? Má tala um sjálfsvíg? Hvaða áhrif hafa samfélagsmiðlar? Eru minningargreinar Moggans í lífshættu? Verða minningargreinar - einn daginn - minningar einar?

Umsjón: Anna Marsibil Clausen.

Í dag fá flestir Íslendingar um sig eftirmæli í Morgunblaðinu. Syrgjendur senda inn hugleiðingar sínar og minningar um hinn látna og búið er um þær af kostgæfni. En hvernig er að vinna við að lesa minningargreinar alla daga? Í þættinum er rætt við Styrmi Gunnarsson, fyrrum ritstjóra Morgunblaðsins og Guðlaugu Sigurðardóttur, framleiðslustjóra Morgunblaðsins sem og Hjalta Stefán Kristjánsson, fyrrum umsjónarmann minningargreina. Eins eru rifjuð upp mistök í minningargreinum og dánartilkynning sem send var inn um lifandi mann.

Guðsþjónusta.

Séra Sigríður Kristín Helgadóttir predikar.

Séra Elína Hrund Kristjánsdóttir þjónar fyrir altari.

Organisti Guðjón Halldór Óskarsson.

Kirkjukórar Odda- og Breiðabólstaðarprestakalla syngja.

Lesari upphafsbænar: Sigríður Karolína Viðarsdóttir meðhjálpari.

Íslenskt lag eða tónverk.

Útvarpsfréttir.

Lilja Rafney Magnúsdóttir varaþingmaður Vinstri grænna hefur sagt sig úr flokknum eftir að þingmenn hans samþykktu frumvarp um kvótasetningu á Grásleppu. Hún segist skilja við flokkinn með sorg í hjarta.

Tugir mála voru afgreidd á Alþingi rétt fyrir þinglok seint í gærkvöldi og mörg ný lög sett sem varða sölu ríkiseigna, heimildir lögreglu, mannréttindi og umhverfis- og orkumál.

Svo virðist sem hraunkæling og styrking varnargarða hafi gefið góða raun í baráttunni við að hemja hraunflæði yfir varnargarðana við Sýlingarfell. Enn er sprautað á hraunið sem virðist ekki lengur renna fram.

Maður sem er sakaður um að hafa stungið tvo menn í Kópavogi um helgina hefur verið úrskurðaður í gæsluvarðhald. Þeir sem urðu fyrir árásinni voru fluttir á bráðamóttöku annar þeirra með lífshættulega áverka.

Ísraelskir hermenn bundu særðan Palestínumann við jeppa í gær og óku með hann um borgina Jenin. Herinn ætlar að rannsaka málið.

Í dag er ár síðan leiðtogi Wagner-liða gerði uppreisn gegn stjórnvöldum í Rússlandi. Talið er að flestir liðsmenn Wagner berjist nú fyrir ýmsar deildir Rússlandshers.

Þátturinn er í umsjón hjónanna Guðbjargar Gissurardóttur og Jóns Árnasonar, en þau hafa sett sér það markmið að koma sér upp lífrænum matjurtagarði í sælureit sínum í Kjós. Þau hafa enga reynslu, né hugmynd um hvernig þau eiga að koma slíku verki í framkvæmd. En til að afla sér þekkingar fara þau á stúfana og hitta sérfræðinga og vana leikmenn á sviði matjurtaræktunar til að fá ráðleggingar og hugmyndir sem munu vonandi skila þeim og hlustendum góðri uppskeru í lok sumars. Einnig munu þau hafa uppi á fólki sem er að gera óvenjulega hluti á þessu sviði, auk þess að taka fyrir matreiðslu grænmetis, nýtingu villijurta o.m.fl. Í Boði náttúrunnar fjallar um ferðalag þeirra hjóna og verður hlustendum vonandi innblástur og hvatning til að rækta sitt eigið grænmeti, hvort sem það er úti í garði, uppi í sumarbústað, á svölunum eða úti í glugga. (Áður á dagskrá 2009)

Í þættinum í dag munu þáttastjórnendur skoða nokkrar nýjar garðhugmyndir, eða réttara sagt, nýjar útfærslur á gömlum hugmyndum. Letigarðar eru eitt þessara fyrirbæra og eru þeir fyrir fólk sem vill sleppa við að vera á fjórum fótum út í garði. Grendargarðar í Reykjavík, er nýtt tilraunaverkefni á vegum Garðyrkjufélag Íslands og Reykjavíkurborgar og þriðji og síðasti garðurinn sem verður skoðaður er eldhúsgarðurinn sem Hildur Hákonardóttir og Guðrún Tryggvadóttir hafa verið að þróa á vefsíðunni www.nattura.is. Auður I. Ottesen garðyrkjufræðingur gefur nokkur góð ráð við sniglafaraldri og þátturinn endar svo í Hveragerði þar sem sýninginn Blóm í bæ.

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Úrval úr Lestarþáttum vikunnar.

Útvarpsfréttir.

Hljóðritanir frá tónleikum á Listahátíð 2024.

Hljóðritun frá tónleikum tenórsöngvarans Benedikts Kristjánssonar og tónlistarhópsins Ensemble Adapter sem fram fóru í Breiðholtskirkju 12. júní s.l.

Á efnisskrá:

*Raddir úr blámanum, söngvasveigur fyrir tenór og kammersveit eftir Þuríði Jónsdóttur - frumflutningur.

Umsjón: Guðni Tómasson.

Þáttur um íslensku og önnur mál.

Umsjón: Anna Sigríður Þráinsdóttir, Atli Sigþórsson og Guðrún Línberg Guðjónsdóttir

Kvöldfréttir útvarps

Íslenski vélstjórinn Birgir Þór Helgason hefur tekist á við ýmislegt á sinni löngu ævi. Meðal annars leyniför hringinn í kringum jörðina. Baráttan við Bakkus er aldrei langt undan í fjölskyldu Birgis og sú barátta tekur toll sem enginn vill þurfa að greiða.

Viðmælendur í þættinum eru Birgir Þór Helgason og Albert Jónsson, fyrrverandi sendiherra og sérfræðingum í alþjóðamálum.

Umsjón: Guðrún Hálfdánardóttir.

Framleiðandi: Gígja Hólmgeirsdóttir.

Tæknimaður: Lydía Grétarsdóttir.

Veðurstofa Íslands.

Umsjón: Svanhildur Jakobsdóttir.

Átök ofmetin.

Hjálmar Sveinsson fjallar um skáldsöguna Vögguvísu eftir Elías Mar og ræðir við höfundinn.

Þórarinn Björnsson kennari fer víða um landið, heimsækir fólk og spjallar við það um starfsferilinn sitthvað fleira.

(Áður á dagskrá 2003-5)

Þórarinn Björnsson heimsækir Ástu Björnsdóttur, húsfreyju í Sandfellshaga í Öxarfirði.

Í þáttunum eru rifjaðir upp nokkrir atburðir fyrri tíðar hér á landi og settir fram eins og um nútíma fréttir sé að ræða.

Fréttalesarar eru Sigvaldi Júlíusson, Þóra Kristín Ásgeirsdóttir og Hermann Sveinbjörnsson.

Umsjónarmaður: Jón Gauti Jónsson.

Í þættinum er rifjaðir upp helstu atburðir 13. aldar í anda hefðbundins fréttatíma.

Útvarpsfréttir.

Veðurstofa Íslands.

Sígild og samtímatónlist frá ýmsum tímum. Íslenskt og erlent í bland.

Í þættinum hljómar eftirfarandi tónlist:

Dúettinn Ingibjargir flytur lag sitt, Annars hugar, við ljóð Ingibjargar Haraldsdóttur.

Sean Shibe gítarleikari flytur verkið La catedral eftir Agustín Barrios Mangore. Verkið er í þremur þáttum: I (Preludia (Suadade); II (Andante religoso) og III Allegro solemne.

Sellóleikarar úr Fílharmóníusveit New York-borgar flytja Bachiana Brasileira nr. 5 eftir Heitor Villa-Lobos. Leonard Bernstein stjórnar. Einleikari á selló er Carl Stern. Með þeim syngur Nethania Davrath. Verkið er í tveimur þáttum: I. Aria (Cantilena). Adagio. - II. Dansa (Martelo).

Píanóleikarinn Éric Le Sage, sellóleikarinn er Aurélien Pascal og klarínettuleikarinn Paul Meyer flytja Andante úr Tríói fyrir klarínettu, selló og píanó eftir Nino Rota.

Kammerkór Norðurlands flytur lag Páls Ísólfssonar, Ég beið þín lengi, lengi við ljóð Davíðs Stefánssonar. Stjórnandi er Guðmundur Óli Gunnarsson.

Voces 8 flytur Momentary eftir Ólaf Arnalds. Með þeim leikur hörpuleikarinn Oliver Wass.

Kammersveit Reykjavíkur flytur Entropy : I. Arrow of Time og Entropy : II. Asymmetry of Time (Hommage à Olivier Messiaen).

Ingibjargir flytja lag sitt, Angist við ljóð Ingibjargar Haraldsdóttur.

Tónlist frá útsendingarlogg 2024-04-22

Ingibjargir - Annars hugar.

Shibe, Sean - La catedral : I. Preludio (Suadade).

Shibe, Sean - La catedral : II. Andante religoso.

Shibe, Sean - La catedral : III. Allegro solemne.

Stern, Carl, New York Philharmonic, Davrath, Netania - Bachiana brasileira no.5.

Meyer, Paul, Pascal, Aurélien, Le Sage, Eric - Trio for Clarinet, Cello and Piano : 2. Andante.

Kammerkór Norðurlands - Ég beið þín lengi, lengi.

Voces 8 - Momentary (Choir version).

Kammersveit Reykjavíkur - Entropy : I. Arrow of Time.

Kammersveit Reykjavíkur - Entropy : II. Asymmetry of Time (Hommage à Olivier Messiaen).

Ingibjargir - Angist.

Umsjónarmaður spjallar um hvaðeina milli himins og jarðar, oft af sögulegu tagi, les forvitnilega texta úr ýmsum áttum, bæði íslenska og erlenda, og reynir af öllum mætti að hafa ofan af fyrir hlustendum þá klukkustund sem þátturinn stendur. Umsjón: Illugi Jökulsson.

Hér er tekið saman efni og lesið úr Í ljósi minninganna, bernskuminningum Sigríðar Björnsdóttur (1891-1965) frá Miklabæ. Hún lýsir á fallegan og næman en um leið hispurslausan hátt uppvexti í Skagafirði, þar sem lífið var svo rólegt og fábreytt að koma vegavinnumanna var sannkallað ævintýri og molasykur var ígildi hins stóra heims.