Egill Helgason heimsækir ólíka staði á landinu og fjallar um ritverk og höfunda sem þeim tengjast. Að þessu sinni lítur hann inn í Þjóðleikhúsið við Hverfisgötu, en þetta hús Guðjóns Samúelssonar var lengi í smíðum. Þarna voru á fyrstu árunum sett upp leikverk á borð við Íslandsklukkuna, Nýársnóttina og Fjalla-Eyvind. Vitnað er í orð Tómasar Guðmundssonar sem hann flutti við opnun Þjóðleikhússins, um það veraldlega sem hnignar og deyr, en listina sem lifir. Þjóðleikhúsið kemur fyrir í fjölmörgum bókum og Egill rifjar upp valda texta úr nokkrum þeirra. Hann fjallar einnig um nokkra frumkvöðla leiklistar á Íslandi, en höggmyndir og málverk er að finna af mörgum þeirra í sölum Þjóðleikhússins.
Frumsýnt
29. júní 2016
Aðgengilegt til
Rennur ekki út
Bækur og staðir 2016
Egill Helgason tengir bækur við ýmsa staði á landinu.
