Óskar Guðjónsson saxófónleikari er ekki einhamur í sinni tónlist. Hann hefur verið einn eftirsóttasti saxófónleikari íslenskrar tónlistar frá unga aldri og á milli þess sem hann lánar öðru listafólki tóninn sinn og línurnar er hann vakinn og sofinn í því að finna nýjar leiðir til að koma sinni eigin tónlist í farvegi sem eru skapandi fyrir hann sjálfa og þá sem taka þátt í tónlistinni með honum.
Move kvartettinn hefur hist reglulega í áratug og er einstakur í djasslífinu íslenska. Þar er samspilið tekið til kostanna og leitað undir yfirborð áratuga samstarfs - að einhverju nýju - einhverju sannara - einhverju betra. Hvort kemur fyrst - tónlistin eða lagið. Samspilið eða sándið. Hljómsveitin eða höfundurinn? Við sláumst nú í för með Valdimar Kolbeini Sigurjónssyni bassaleikara, Matthíasi Hemstock trommuleikar, Eyþóri Gunnarssyni píanoleikara og Óskari Gujónssyni saxófónleikara og færumst aðeins nær sannleikanum. Þetta er kvartettinn Move.
Efnisskrá:
viðnámsnúningur - Óskar Guðjónsson
helmingur búin - Óskar Guðjónsson
m.e. - Óskar Guðjónsson
smádjáninn - Óskar Guðjónsson
himnakjöt - Óskar Guðjónsson
ívar daníel - Óskar Guðjónsson
ung-gæðingsháttur - Óskar Guðjónsson
pippen - Óskar Guðjónsson
ýkt ýkt mega mega gaman gaman - Óskar Guðjónsson
Hljóðritun: Hrafnkell Sigurðsson
Hljóð í sal: Friðfinnur "Oculus" Sigurðsson
