Bæn og hugleiðing að morgni dags.

Séra Margrét Lilja Vilmundardóttir flytur.

Útvarpsfréttir.

Í þættinum verður ferðast á fáfarnar en áhugaverðar slóðir vítt og breitt um veröldina. Saga hvers staðar verður rakin og tónlist tengd honum leikin. Í hverjum þætti verður rætt við fólk sem hefur ferðast um viðkomandi land og það segir frá þeim áhrifum sem það varð fyrir af náttúru og menningu. Netfang þáttarins: <a href="mailto:[email protected]">[email protected]</a>

Umsjón Magnús R. Einarsson. Þættirnir eru einnig á Hlaðvarpi Rúv <a href="http://www.ruv.is/podcast"> HLAÐVARP RÚV</a>

Í þættinum er ferðast á fáfarnar en áhugaverðar slóðir vítt og breitt um veröldina. Saga hvers staðar er rakin og tónlist tengd honum leikin. Í hverjum þætti er rætt við fólk sem hefur ferðast um viðkomandi land og það segir frá þeim áhrifum sem það varð fyrir af náttúru og menningu.

Monika Abendroth hljóðfæraleikari hefur farið 2 ferðir til Indlands og heillast af landi og þjóð. Hún segir frá Indlandsferðum sínum í þættinum í dag.

Útvarpsfréttir.

Á árunum 1915-1916 kom út „Íslenskt söngvasafn" í tveimur nótnaheftum, um 300 sönglög, innlend og erlend, sem Sigfús Einarsson og Halldór Jónasson tóku saman. Söngvasafnið varð geysivinsælt og áratugum saman var sungið upp úr því á flestum söngelskum heimilium landsins. Það var í daglegu tali oft kallað „Fjárlögin" því kápumyndin eftir Ríkarð Jónsson sýndi pilt og stúlku sem sátu yfir kindum. Þáttaröðin var gerð árið 2016 í tilefni af 100 ára afmæli Íslensks söngvasafns. Þetta eru 9 þættir og nokkur lög voru hjóðrituð sérstaklega fyrir þáttaröðina með styrk frá Tónskáldasjóði. Umsjónarmaður er Una Margrét Jónsdóttir.

Í fyrsta þætti er fjallað um það hvernig „Íslensku söngvasafni" var tekið og flutt verða ýmis lög úr því. Sjónum verður sérstaklega beint að bræðrunum Helga og Jónasi Helgasonum sem eiga mörg lög í safninu. Nú á dögum er þeirra einkum minnst fyrir lögin „Öxar við ána" og „Lýsti sól stjörnustól", en fáir gera sér grein fyrir því að þeir voru mikilvægir brautryðjendur í íslensku tónlistarlífi, Jónas fæddur 1839 og Helgi 1848. Fyrir þessa þáttaröð voru gerðar nýjar hljóðritanir af lögunum „Þrútið var loft" eftir Helga og „Við hafið ég sat" eftir Jónas. Síðarnefnda lagið var prentað árið 1881 í danska söngvaheftinu „Firstemmige Sange" og hefur vafalaust verið eitt fyrsta íslenska lagið sem birtist í erlendri nótnabók. Einnig verður flutt ný hljóðritun af laginu „Nú sé ég og faðma þig, syngjandi vor" eftir Sigurð, son Helga, en Sigurður er annars þekktastur fyrir lagið „Skín við sólu Skagafjörður". Það er Kammerkór Suðurlands sem syngur í hinum nýju hljóðritunum, en Hilmar Örn Agnarsson stjórnar.

Lesari: Pétur Grétarsson.

Umsjón: Una Margrét Jónsdóttir.

Útvarpsfréttir.

Í þáttunum verður fjallað um hvað sé merkilegt við íslenskar fornbókmenntir, frá íslensku og evrópsku sjónarhorni miðalda sem og í sambandi við viðtökur bókmenntanna á síðari tímum. Kallaðir verða til fræðimenn á þessu sviði og munu þeir velta fyrir sér þekkingararfinum sem bókmenntirnar miðla og þeirri heimsýn sem þar birtist, listfenginu og þeim sköpunarkrafti sem braust fram við ritun þeirra - og sem handritin í Árnasafni eru nú þögull vitnisburður um.

Umsjón Ævar Kjartansson og Gísli Sigurðsson.

Gestur þáttarins er Jón Karl Helgason.

Umsjón: Ævar Kjartansson og Gísli Sigurðsson.

Áður á dagskrá 19. janúar 2014.

Útvarpsfréttir.

Veðurstofa Íslands.

Orð geta verið stór og orð geta verið smá. Þau geta verið nógu kraftmikil til að skapa heilan heim og þau geta verið svo hversdagsleg að við tökum ekki einu sinni eftir þeim. Orð geta líka verið svo umfangsmikil að það tekur heilu kynslóðirnar að skilja þau til hlítar. Þetta eru orðin sem við skiljum ekki.

Í bókinni Um tímann og vatnið fjallar Andri Snær Magnason um þær grundvallarbreytingar sem munu verða á mannlífi og jarðlífi á næstu hundrað árum vegna hnattrænnar hlýnunar. Þessar breytingar eru „flóknari en flest það sem hugurinn er vanur að fást við, stærri en öll fyrri reynsla okkar, stærri en tungumálið.“ Blaðamaðurinn og rithöfundurinn Þorvaldur S. Helgason fjallar um tímann og vatnið, kafar dýpra í helstu umfjöllunarefni bókarinnar og ræðir við vísindamennina, heimspekingana og aðgerðasinnana sem hafa helgað líf sitt því að rannsaka málefni sem eru stærri og flóknari en orð fá lýst.

Umsjón: Þorvaldur S. Helgason

Tónlist: Högni Egilsson.

Sérstakar þakkir: Andri Snær Magnason

Höf og vötn þekja rúm 71 prósent alls lands hér á jörðu en þrátt fyrir að hafið sé bæði djúpt og dularfullt þá er ekki þar með sagt að það sé utan áhrifasvæðis mannsins. Sú hnattræna hlýnun sem mannkynið hefur orsakað með bruna kolefnaeldsneytis er að valda grundvallarbreytingu á eðli vatns á jörðinni. Bráðnun jökla hefur tvöfaldast á síðustu tuttugu árum, golfstraumurinn er veikari en hann hefur verið í þúsund ár og sýrustig hafsins er að breytast meira en sést hefur í 50 milljón ár.

Í fimmta þættii þáttaraðarinnar sem byggð er á bók Andra Snæs Magnasonar Um tímann og vatnið, fjallar Þorvaldur S. Helgason um þau áhrif sem loftslagsbreytingar eru að valda á hafi og jöklum. Viðmælendur þáttarins eru Hrönn Egilsdóttir, sjávarvistfræðingur hjá Hafrannsóknastofnun, og Guðfinna Th. Aðalgeirsdóttir, prófessor í jöklafræði við Háskóla Íslands.

Umsjón: Þorvaldur S. Helgason.

Tónlist: Högni Egilsson.

Upplestur: Katrín Ásmundsdóttir.

Sérstakar þakkir: Andri Snær Magnason.

Séra Bjarni Þór Bjarnason predikar og þjónar fyrir altari.

Organisti og kórstjóri: Friðrik Vignir Stefánsson.

Kammerkór Seltjarnarneskirkju syngur.

Allir sálmarnir eru úr sálmabókinni frá 2001.

Fyrir predikun:

Forspil: The heart of peace eftir Mons Leidvin Takle.

Sállmur 591: Ó, Guð, ég veit hvað ég vil. Lag: Melin. Texti: Kristján Valur Ingólfsson.

Sálmur 538: Heilagi Guð, á himni og jörð. Lag: Becker. Texti: Helgi Hálfdánarson.

Sálmur 288: Guðs kirkja er byggð á bjargi. Lag: Stone. Texti: Friðrik Friðriksson.

Heilagi andi, hjálp mín og trú. Lag: Michael Bojesen. Texti: Sigurbjörn Einarsson.

Eftir predikun:

Sálmur 374: Þú, Drottinn, átt það allt. Lag: How. Texti: Sigurbjörn Einarsson.

Sálmur 532: Gefðu, að móðurmálið mitt. Þjóðlag. Texti: Hallgrímur Pétursson.

Eftirspil: Þriðji þáttur Cortége úr Trois Improvisations eftir Louis Vierne.

Íslenskt lag eða tónverk.

Útvarpsfréttir.

Fyrir rúmum sextíu árum kom nýtt lyf á markað sem átti eftir að hafa ómæld áhrif á líf fólks og jafnvel heilu samfélögin. Þetta lyf hefur allar götur síðan einfaldlega verið kallað pillan. Í fjórum þáttum verður fjallað um þessa pillu allra pilla frá ólíkum sjónarhornum og saga hennar rakin frá miðri síðustu öld til dagsins í dag.

Umsjón: Birna Stefánsdóttir.

Þáttur fyrir áhugafólk um listir og menningu. Ljósi varpað á það sem efst er á baugi hverju sinni, menningin nær og fjær skoðuð frá ólíkum sjónarhornum og skapandi miðlar settir undir smásjána.

Gestir úr ólíkum kimum tónlistarlífsins mynda saman æ stærri lagaflækju. Tengingar milli laganna geta verið augljósar eða langsóttar, tónfræðilegar eða persónulegar, einfaldar eða flóknar. Yfir sumarið myndast smám saman fjölbreyttur og óvæntur spilunarlisti.

Gestir úr ólíkum kimum tónlistarlífsins mynda saman æ stærri lagaflækju. Tengingar milli laganna geta verið augljósar eða langsóttar, tónfræðilegar eða persónulegar, einfaldar eða flóknar. Yfir sumarið myndast smám saman fjölbreyttur og óvæntur spilunarlisti.

Gestir: Ingibjörg Friðriksdóttir, tónlistarkona, líka þekkt sem Inki, Þórhallur Auður Helgason, söngvari og Óttarr Proppé, tónlistarmaður.

Umsjón: Jóhannes Ólafsson.

Útvarpsfréttir.

Davíð Þór Jónsson og Eyþór Gunnarsson eru tvímælalaust meðal fremstu píanóleikara þjóðarinnar. Þeir ræða í tveimur þáttum við Pétur Grétarsson um píanóin í lífi þeirra og hvernig samleikur þeirra hefur þróast í gegnum tíðina. Einnig spila þeir á flygla ríkísútvarpsins, sem eru sögufræg hljóðfæri og Sigurður Kristinsson stillti sérstaklega fyrir þessa þætti.

Fréttir

Útvarpsfréttir.

Áhugi á lyktarskyninu hefur vaxið mikið síðustu ár, því lykt rammar inn allan okkar veruleika; hvort sem það er af umhverfinu, matnum, húsakynnum, eða líkömum okkar. Lykt færir okkur lykla að daglegu lífi í fortíð og samtíð þar sem hún tengist beint við minningar og vekur með okkur ólíkar tilfinningar. Í þessum þáttum ætla Vilborg Bjarkadóttir og Áki Guðni Karlsson að ljúka upp fyrir hlustendum heimi lyktarinnar með aðstoð nokkurra viðmælenda, sem allir hafa sögur að segja af lykt.

Efni: Lykt í sveit og borg.

Viðtöl: Kormákur Geirharðsson, verslunarmaður og Guðjón Friðriksson, sagnfræðingur.

Lesarar: Halla Harðardóttir og Guðni Tómasson.

Veðurstofa Íslands.

Umsjón: Svanhildur Jakobsdóttir.

Umsjón: Stefán Jónsson.

Stefán Jónsson ræðir við bræðurna frá Hala í Suðursveit, Steinþór og Þórberg Þórðarsyni, sem segja frá Oddnýju Sveinsdóttur, göfugrar konu sem ól af sér menninguna í Suðursveit.

Áður á dagskrá 6. mars 1968.

Umsjón: Stefán Jónsson.

Margir líta á myndasögur sem ódýrt uppfyllingarefni dagblaða eða afþreyingu barna og unglinga sem betur ættu að verja tíma sínum til annarra hluta. Þó má segja að teiknimyndir séu elsta þekkta tjáningarform mannkyns, líkt og sjá má af ævafornum hellaristum forfeðra okkar og -mæðra. Í Belgíu og Frakklandi hafa myndasögur meira að segja verið kallaðar „níunda listgreinin“.

Í þessum þáttum verður fjallað um myndasögur vítt og breitt. Í hverri viku kemur nýr þáttarstjórnandi og gerir grein fyrir eftirlætis bókaflokka sínum, höfundi eða einhverri af hinum ótalmörgum undirgreinum myndasögunnar.

Umsjón: Stefán Pálsson og Ragnar Egilsson.

Daniel Clowes skapaði sér nafn sem höfundur og teiknari jaðarteiknimyndasagna en náði seinna til mun víðari hóps, sérstaklega eftir að kvikmynd var gerð eftir sögu hans Ghost World. Í þættinum verður fjallað um ævi og störf þessa fræga jaðarlistamanns.

Umsjónarfólk: Hjördís Óskarsdóttir myndlistakona og Óli Gneisti Sóleyjarson þjóðfræðingur.

Allir hafa sögu að segja. Í þættinum Íslendingasögur segir fólkið í landinu sögur; sögur af atburðum sem það hefur upplifað, lífsreynslusögur, gamansögur, alla vega sögur.

Geir A. Guðsteinsson blaðamaður og ritstjóri hélt til Raufarhafnar sumarið 1965. Hann nam til loftskeytamanns á þessum tíma og hafði fengið vinnu því tengt en áður en hann vissi af var hann orðinn þátttakandi í síldarævintýrinu og aflatölur hljómuðu eins spennandi í hans eyrum og úrslit kappleikja. Geir segir frá böllum í félagsheimilinu, því þegar Reykjaborg RE-25 var svo drekkhlaðin að hún sökk og hvernig var að snúa aftur til Reykjavíkur angandi af peningalykt.

Umsjónarmaður: Haukur Ingvarsson

Þáttaröð um nokkrar helstu gyðjur 20. aldar.

Umsjón: Arndís Hrönn Egilsdóttir.

Fjallað um samband listmálarans Salvador Dali og

eiginkonu hans Gölu.

Umsjónarmaður er Arndís Hrönn Egilsdóttir.

Lesari: Stefán Jónsson.

(Aftur á fimmtudag)

Útvarpsfréttir.

Veðurstofa Íslands.

Umsjón: Kristján Kristjánsson.

Umsjónarmaður spjallar um hvaðeina milli himins og jarðar, oft af sögulegu tagi, les forvitnilega texta úr ýmsum áttum, bæði íslenska og erlenda, og reynir af öllum mætti að hafa ofan af fyrir hlustendum þá klukkustund sem þátturinn stendur. Umsjón: Illugi Jökulsson.

Steingrímur Matthíasson fór í langferð til Austurlanda 1903-1904 með barkskipinu Prins Valdimar. Umsjónarmaður byrjar að lesa frásögn Steingríms, sem kemst ekki lengra en til Wales, þar sem skipið tekur kol. Steingrímur fer í heimsókn í kolanámu þar sem menn puða í kolaryki og drullu og hestar eru innilokaðir í námunum.

Umsjón: Illugi Jökulsson.