Rússneski tenniskappinn Daniil Medvedev, sem liggur vanalega ekki á skoðunum sínum, segir farir sínar ekki sléttar af boltamálum á ATP mótaröðinni í Tennis. Hann segir boltana orðna flata og hæga og aðeins henta tveimur bestu spilurum heims sem eiga það sameiginlegt að ná miklum krafti í uppgjöfum. Við ætlum að ræða mótið, breytta bolta og tennismenninguna hér heima við Andra Jónsson, landsliðsþjálfara karlalandsliðs Íslands í tennis.
Björn Berg Gunnarsson verður með sitt reglulega fjármálahorn.
Ásgeir Brynjar Torfason, doktor í fjármálum og ritstjóri Vísbendingar, ræðir við okkur um heimsmarkaðsverðið á olíu sem hækkaði mikið í síðustu viku og hefur haft töluverð áhrif á ýmsa markaði.
Í gær ræddum við við Kjartan Ragnars, lögmann og stjórnarmann í Myntkaupum, um rafmyntamarkaðinn í ljósi kosninganna vestanhafs en báðir forsetaframbjóðendirnir hafa - nokkuð óvænt - lýst yfir vilja til að styðja við þann markað og iðnaðinn sem honum tengist. Kjartan sagði að töluverð viðhorfsbreyting hefði orðið í þessum málum. Í dag ætlum við að ræða þessi sömu mál við Jón Daníelsson, prófessor í hagfræði við London School of Economics, en hann hefur verið mjög gagnrýninn þegar kemur að rafmyntum.
Líkt og fjallað var um í fréttum í gær stendur yfir atkvæðagreiðsla hjá kennurum um hvort boða eigi til verkfalls í átta skólum; fjórum leikskólum, þremur grunnskólum og einum framhaldsskóla. Við ætlum að ræða möguleg verkföll og sögu kennaraverkfalla hér á landi við Sigurð Pétursson, sagnfræðing, sem mikið hefur skrifað um verkalýðsmálin en hann hefur einnig komið að heimildamynd um kennaraverkföll sem hafa litað íslenskt samfélag.
Bretar eru mögulega skammt frá því að leyfa kjöt sem framleitt er á vísindastofum til manneldis samkvæmt ítarlegri grein Guardian frá því í gær. Hver eru vísindin að baki foie gras í pedri diski? Við ræðum málið við Arnar Pálsson prófessor í lífupplýsingafræði.
Það vakti umræðu í gær þegar sagt var frá því að Ágústa Ágústsdóttir, varaþingmaður Miðflokksins teldi að skoða ætti kosti þess að stofna íslenskt varnarlið sem hefði hernaðarlega þjálfun. Við ræðum við Erling Erlingsson hernaðarsagnfræðingur um hversu raunhæft eða óraunhæft stofnun íslensks varnarliðs er.
Tónlist:
Una Torfadóttir, Elín Hall - Bankastræti.
Bubbi Morthens - Aldrei Fór Ég Suður.
Metronomy, Tellier, Sébastien - J'en ai azzez vu.
Carpenter, Sabrina - Taste.
Kaleo - USA Today.
Haraldur Ari Stefánsson, Unnsteinn Manuel Stefánsson - Til þín.
pale moon - I confess.
