Vinsæll áhrifavaldur féll í jörðina og lést við endamark maraþons Disneylands um helgina. Það er ekki einsdæmi að fólk missi meðvitund í hlaupum sem þessum og því miður koma svona atvik reglulega upp. Er fólk að ganga alltof nærri sér í síkröfuharðari hlaupaheimi? Þórdís Jóna Hrafnkelsdóttir hjartalæknir og landsliðshlaupari lítur við hjá okkur.
Í vikunni ræddum við við fulltrúa frá Hljóðmörkum, nýjum samtökum gegn óþarfa flugumferð á Reykjavíkurflugvelli. Við ætlum að halda þeirri umræðu áfram og ræða við Njál Trausta Friðbertsson, þingmann og formann félgsins Hjartað í Vatnsmýrinni.
Birna Varðardóttir, doktorsnemi í næringafræði, verður gestur okkar fyrir átta fréttir, en við ætlum að ræða mikla kjötneyslu og fleira sem nú er áberandi á samfélagsmiðlum.
Það hefur vakið talsverða athygli og umtal að Hagkaup, ein rótgrónasta matvöruverslun landsins, hóf að selja áfengi í gær. Það gerir verslunin með netsölu líkt og fleiri verslanir hafa tekið upp síðustu ár. Ekki eru allir á eitt sammála um ágæti þessarar þróunar. Árni Guðmundsson sérfræðingur í æskulýðsmálum og Elías Blöndal Guðjónsson framkvæmdastjóri Sante ræða málið.
Við opnum fyrir símann í lok þáttar.
Tónlist:
MOSES HIGHTOWER, PRINS PÓLÓ - Maðkur í mysunni.
Davis, Spencer Group - Keep on running.
Vampire Weekend - Oxford Comma.
Blondie - Atomic.
Una Torfadóttir - Þú ert stormur (Pride lagið 2023).
BSÍ - Vesturbæjar beach.
Mammaðín - Frekjukast.
Hozier - Too Sweet.
