Valgerður Árnadóttir formaður Samtaka grænkera á Íslandi sagði okkur frá vegan festivali, fjölskylduskemmtun og matarveislu á Thorsplani í Hafnarfirði á sunnudaginn.
Á Íslandi er gríðarlega sterk tónlistarmenning og í dag geta í rauninni allir búið til tónlist og nú er meira segja hægt að nema þau fræði. Endurmenntun HÍ stendur í haust fyrir násmkeiðinu Lagasmíðar og pródúsering, sem er námskeið fyrir öll þau sem eru áhugasöm um að búa til tónlist, hvort sem þau hafa einhvern grunn í tónlist eða ekki. Hildur Kristín Stefánsdóttir tónlistarkona og tónskáld og Jóhannes Ágúst Sigurjónsson pródúser og lagahöfundur eru meðal leiðbeinenda og þau sögðu okkur frá.
Næstkomandi mánudagskvöld fer heita vatnið af í Hafnarfirði, Garðabæ, Kópavogi, Breiðholti, Norðlingaholti og Álftanesi í einn og hálfan sólarhring. Þá verður ný stofnlögn tengd en hvað þýðir það? Hrefna Hallgrímsdóttir forstöðumaður Vatnsmiðla hjá Veitum kíkti til okkar.
Hlutabréfaverð hríðféll á alþjóðamörkuðum í síðustu viku. Japanskir markaðir tóku krappasta hrunið og óttast var um keðjuverkandi áhrif. Nú, 10 dögum síðar, er líklegast óhætt að segja að betur hafi farið en á horfði. Hvað gerðist? Ásgeir Brynjar Torfason doktor í fjármálum og ritstjóri Vísbendingar fór yfir málið með okkur.
Við röktum svo fréttir vikunnar með Elsu Maríu Guðlaugs -Drífudóttur fréttamanni og Frey Eyjólfssyni verkefnastjóra hringrásarhagkerfis hjá Sorpu.
Lagalisti:
MUGISON - Kletturinn.
Dasha - Austin.
Hildur - Alltaf eitthvað.
HARRY STYLES - As It Was.
FRIÐRIK DÓR - Bleikur og blár.
Mammaðín - Frekjukast.
Lipa, Dua - Illusion.
