Í ár eru liðin 60 ár frá því að starfsferill Hreins Friðfinnssonar listamanns hófst. Af þessu tilefni ákváðu hjónin Helga Elínborg Guðmundsdóttir og Þorgrímur Einar Guðbjartsson á Erpsstöðum í Dölum að heiðra Hrein með þremur gjörningum. Við slógum á þráðinn til Þorgríms og fengum að vita meira.
Það er ekki oft sem leiksýningar eru settar upp í sundlaugum, en á sunnudaginn kemur verður frumsýnt leikverk í sundlauginni í Brautartungu í Lundarreykjadal sem ber yfirskriftina Konukroppar. Þær Sigríður Ásta Olgeirsdóttir og Snædís Lilja Ingadóttir komu til okkar og sögðu okkur meira af þessari óhefðbundnu sýningu.
Stefnt er á að reglubundnar ristilskimanir fyrir 50 til 69 ára hefjist innan tíðar, en Heilsugæslan mun annast allt utanumhald. Hér á landi greinast hátt í 200 manns með ristilkrabba á ári hverju, sem er önnur algengasta dánarorsök allra krabbameina. Sigríður Dóra Magnúsdóttir forstjóri Heilsugæslunnar fór yfir verkefnið og tímaáætlunina með okkur.
Lunda hefur fjölgað verulega í Vestmannaeyjum á ný og nú stendur yfir hið svokallaða pysjutímabil þar sem litlar lundapysjur hugsa sér til hreyfings úr holum foreldranna og leggja í hann út í heim. Þau ferðalög leiða þær gjarnan í ógöngur en tvífætt aðstoðarfólk á ýmsum aldri kemur þá til bjargar. Við hringdum í Þóru Gísladóttur hjá SeaLife og Beluga Whale Sanctuary í Eyjum og fræddumst um stöðu lundapysjunnar í ár o.fl.
Bæjarhátíðin Blómstrandi dagar hefst í Hveragerði í dag og stendur út helgina. Þar kennir ýmissa grasa eins og við heyrðum af í spalli okkar við Sigríði Hjálmarsdóttur einn skipuleggjenda.
Lagalisti:
Valdis, JóiPé - Þagnir hljóma vel.
Musgraves, Kacey - Cardinal.
Rebekka Blöndal og Moses Hightower - Hvað þú vilt.
The Stranglers - No More Heroes.
WINGS - Let 'Em In.
Haraldur Ari Stefánsson, Unnsteinn Manuel Stefánsson - Til þín.
Mammaðín - Frekjukast.
TEARS FOR FEARS - Everybody Wants To Rule The World.
Jón Jónsson - Ljúft að vera til.
CORNERSHOP - Brimful of Asha (Norman Cook Remix).
