Ingi Guðnason, frá Bæjum á Snæfjallaströnd, á mögulega kuldagalla og stígvélum líf sitt að launa. Hann þurfti að ganga um 20 kílómetra leið í slagviðri um verslunarmannahelgina eftir að hann festi bíl sinn, þegar vegurinn um Kaldalón í Ísafjarðardjúpi lokaðist vegna vatnavaxta. Hann gekk alla nóttina til að koma sér í skjól og símasamband, og það var mikið lán að hann skyldi vera með kuldafötin í bílnum. Ingi kom til okkar og sagði okkur betur frá þessari svaðilför.
Í kringum Akureyri eru ýmsar skemmtilegar hjólaleiðir. Rafhjólaklúbbur Akureyrar stendur fyrir alls konar hjólaferðum sem henta bæði byrjendum og lengra komnum, ungum sem öldnum. Við slógum á þráðinn til Davíðs Rúnars Gunnarssonar, eins stofnenda klúbbsins, og fengum bæði ferðasögur og upplýsingar um hvað er á döfinni hjá klúbbnum.
Áslaug Arna Sigurbjörnsdóttir, háskóla-, iðnaðar- og nýsköpunarráðherra, telur að sóun sé fólgin í því að skólar bjóði nemendum upp á gjaldfrjáls námsgögn. Hún segir að börn beri síður virðingu fyrir hlutum sem þau eigi ekki sjálf. Í viðtali við Morgunblaðið vísaði hún til þess að Hafnarfjarðarbær hefði ákveðið að draga úr gjaldfrjálsum námsgögnum vegna aukinnar sóunar. Rósa Guðbjartsdóttir, bæjarstjóri í Hafnarfirði, kom til okkar og sagði frá því hvernig þessum málum er háttað þar í bæ.
Við fengum svo til okkar tæknispekúlantinn Guðmund Jóhannsson, sem er alltaf með eitthvað fróðlegt og skemmtilegt í farteskinu.
Lagalisti:
Unnsteinn Manuel Stefánsson og Haraldur ari Stefánsson - Til þín
R.E.M. - Losing My Religion
Jagúar - One Of Us
Oasis - Don't Look Back In Anger
Daði Freyr Pétursson - I'm not bitter
Chappell Roan - Good Luck, Babe!
Bob Marley - Buffalo soldier
Langi Seli og Skuggarnir - Breiðholtsbúgí
Bubbi Morthens - Brotin loforð
U2 - Hold Me, Thrill Me, Kiss Me, Kill Me
Michael Kiwanuka - One More Night
