Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Sænskur heimildarþáttur frá 2023. Konur á fertugsaldri ræða um lífið og tilveruna og þá samfélagslegu pressu sem þær finna fyrir.

Upptaka frá samstöðufundi á Arnarhóli vegna kvennaverkfallsins 24. október 2023. Konur og kvár lögðu niður störf til að mótmæla vanmati á vinnuframlagi kvenna og kynbundnu ofbeldi. Meðal dagskrárliða eru ræður í flutningi Urðar Bartels, Guðbjargar Pálsdóttur og Alice Oliviu Clarke. Sóðaskapur, Una Torfa og Ragga Gísla koma fram.

Umræðuþáttur í beinni útsendingu þar sem fólkið í landinu varpar fram spurningum og stendur fyrir máli sínu. Á Torginu er talað um málefnin sem rædd eru af kappi á kaffistofum landsins.

Hafa viðhorf og kröfur samfélagsins til mæðra breyst á undanförnum árum? Hvers vegna sýna rannsóknir að mæður finni frekar til sektarkenndar og skammar gagnvart foreldrahlutverkinu en feður? Í fyrsta þætti af Torginu var fjallað um mömmuskömm, eða mammviskubit.

Gestir þáttarins voru þau Anna Mjöll Guðmundsdóttir, talskona Fyrstu fimm, sem er félag foreldra um fjölskylduvænna samfélag. Annadís Greta Rúdólfsdóttir er dósent á menntavísindasviði og hefur m.a. rannsakað tilfinningar foreldra til foreldrahlutverksins og þróun móðurhlutverksins í íslensku samfélagi. Matti Ósvald Stefánsson, heilsfræðingur og markþjálfi. Hann hefur um árabil veitt hópum, bæði karla og kvenna, ráðgjöf um ýmis mál, meðal annars hjá Ljósinu. Ólafur Stephensen, framkvæmdastjóri Félags atvinnurekenda, sem um árabil hefur tjáð sig um jafnréttimál. Ragnheiður Davíðsdóttir, situr í framkvæmdastjórn kvennaverkfallsins og kynjafræðingur sem hefur rannsakað 3. vaktina og Salka Sól Eyfeld, er fjölmiðla- og tónlistarkona og tveggja barna móðir.

Auk þess var rætt við Ísleif Örn Garðarsson leikskólakennara og Laufeyju Líndal Ólafsdóttur formann Pepp, samtaka fólks í fátækt og félagslegri einangrun.

Umsjón: Sigríður Halldórsdóttir og Baldvin Þór Bergsson. Stjórn upptöku: Þór Freysson.

Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.

Valgeir Örn Ragnarsson hefur umsjón með þættinum. Ingibjörg Sólrún Gísladóttir, fyrrverandi utanríkisráðherra, borgarstjóri og forstjóri, Magnús Þór Jónsson formaður Kennarasambands Íslands, Birgir Jónsson forstjóri Play og Sonja Ýr Þorbergsdóttir formaður BSRB fara yfir þau má sem ber hæst. Í seinni hluta þáttar er rætt við Þórdísi Kolbrúnu Reykfjörð Gylfadóttur nýjan fjármála- og efnahagsráðherra.

Þáttur þar sem fjallað er um baráttu íslenskra kvenna fyrir réttarbótum og bættum kjörum í upphafi og á seinni hluta síðustu aldar. Þátturinn var gerður árið 2015 í tilefni af því að liðin voru hundrað ár síðan konur á Íslandi fengu kosningarétt og kjörgengi og forsendur fyrir fullu jafnrétti. Umsjón og dagskrárgerð: Andrés Indriðason.

Þáttur frá 2001. Ómar Ragnarsson fjallar um helstu fréttir tuttugustu aldarinnar. Texti: Ómar Ragnarsson. Sagnfræðileg ráðgjöf: Eggert Þór Bernharðsson. Dagskrárgerð: Andrés Indriðason.

Jasmín og Jómbi eru góðir vinir sem elska tónlist og njóta tónanna sem óma um Hljómbæ.

Hinrik hittir einhvern nýjan á hverjum degi og lendir í ótrúlegustu uppákomum.

Friðþjófur forvitni er forvitinn og yndislegur api sem getur oft á tíðum verið full ævintýragjarn. Fylgjumst með ævintýrum hans og mannsins með gula hattinn eiganda hans.

Lærið um tölustafina með Tölukubbunum!

Nokkrir kunnulegir og ókunnulegir fiskar kynna sig fyrir áhorfendum.

Helstu fréttir settar fram á einfaldan og aðgengilegan hátt.

Kvennaverkfalls-Krakkafréttir

Umsjón: Gunnar Hrafn Kristjánsson

Íslensk tónlistarmyndbönd.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Íslensk heimildarmynd um Kvennaframboðið, Kvennalistann og aðra starfsemi kvennahreyfingarinnar á níunda og tíunda áratugnum. Litið er til menningar sem þróaðist í takt við mannréttindabaráttu kvenna og þær breytingar sem urðu á viðhorfi meðal þjóðarinnar á þessum tíma.

Bresk gamanþáttaröð með dramatísku ívafi sem segir þroskasögu hinnar 16 ára Bethan. Hún tekst á við þjáningar unglingsáranna og erfiðleika heima fyrir sem hún passar að halda leyndum fyrir vinum sínum. Aðalhlutverk: Gabrielle Creevy, Jo Hartley og James Wilbraham. Þættirnir eru ekki við hæfi barna yngri en 12 ára.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir

Sænsk spennuþáttaröð í sex hlutum. Erwin Linnas er fjölskyldufaðir og vörubílstjóri í smábæ í Svíþjóð sem gerir mikil mistök með afdrifaríkum afleiðingum.

Meðal leikenda eru Peter Viitanen, Ville Virtanen og Sandra Stojiljkovic. Þættirnir eru ekki við hæfi barna yngri en 12 ára.

Þættirnir eru hluti af þemanu Sakamálasumar.

Breskir spennuþættir. Lana Washington er sprengjusérfræðingur hjá lögreglunni í Lundúnum. Hún hættir lífi sínu nánast daglega en þarf að gæta þess að eiga eðlilegt líf þegar hún stimplar sig út. Aðalhlutverk: Vicky McClure, Mark Stanley og Eric Shango. Þættirnir eru ekki við hæfi barna yngri en 16 ára.