Beinar útsendingar frá HM kvenna í fótbolta 2023.

Bein útsending frá leik Argentínu og Svíþjóðar á HM kvenna í fótbolta.

Íþróttaþáttur sem veitir nýja og áhugaverða innsýn í allar mögulegar hliðar á íslensku íþróttalífi og íþróttafólkinu okkar.

Brot úr tónlistarþáttunum Tónatal í umsjón Matthíasar Más Magnússonar. Þættirnir voru teknir upp árið 2021.

Íslensk lög úr áttunni. Hver eru uppáhalds áttu-lögin þín? Þættir frá 2023 sem gerðir voru í tilefni 40 ára afmælis Rásar 2.

Beinar útsendingar frá HM kvenna í fótbolta 2023.

Bein útsending frá leik Jamaíku og Brasilíu á HM kvenna í fótbolta.

Hljómsveit norska ríkisútvarpsins flytur verk eftir Knut Vaage og Haydn. Eivind Aadland stjórnar og Harald Aadland leikur á fiðlu.

Hljómsveit norska ríkisútvarpsins stígur út á götur Oslóar og leyfir gangandi vegfarendum að njóta klassískra tóna.

Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Spurningakeppni framhaldsskólanna frá 1999. Spyrill: Logi Bergmann Eiðsson. Dómari og spurningahöfundur: Illugi Jökulsson. Stigavörður: Þóra Arnórsdóttir. Dagskrárgerð: Andrés Indriðason.

Í þessum þætti mætast lið Menntaskólans við Sund og Menntaskólans við Hamrahlíð í seinni undanúrslitum. Lið Menntaskólans við Sund skipa Einar Magnús Einarsson, Pétur Már Pétursson og Jón Trausti Reynisson. Lið Menntaskólans við Hamrahlíð skipa Fjalar Hauksson, Inga Þóra Ingvarsdóttir og Jón Árni Helgason.

Þáttur frá árunum 2004-2005 um áhugamál unga fólksins. Umsjón: Ragnhildur Steinunn Jónsdóttir, Þóra Tómasdóttir og Kristján I. Gunnarsson. Dagskrárgerð: Egill Eðvarsson og Elísabet Linda Þórðardóttir.

Í garðinum með Gurrý sýnir Guðríður Helgadóttir garðyrkjufræðingur áhorfendum réttu handtökin við garðyrkjustörfin og fer í áhugaverðar heimsóknir. Dagskrárgerð: Björn Emilsson.

Heimsókn í garð Péturs Reynissonar og Áslaugar Einarsdóttur í Hveragerði og sérstakar hleðslur við húsið skoðaðar. Hollráð.

Sænskir þættir um fiskveiðar. Þáttastjórnendurnir Emilie Björkman og Martin Falklind ferðast um Svíþjóð, hitta fiskveiðiáhugamenn, stunda veiðar og gefa góð ráð.

Fjallað er um Íslendinga sem settu svip sinn á íslenskt samfélag um sína daga með margvíslegum hætti. Þættirnir spegla jafnframt sögu þjóðarinnar og samtíð á ýmsum tímum, menningu, listir, stjórnmál og fleira. Þeir eru byggðir á efni úr safni RÚV á nærfellt hálfrar aldar tímabili. Dagskrárgerð: Andrés Indriðason.

Góð hönnun er hvarvetna í kringum okkur en það er slæm hönnun líka. Finnski hönnuðurinn og teiknarinn Kasper Strömman skoðar hér áhrif lélegrar hönnunar á daglegt líf okkar og leitar leiða til að bæta úr þar sem þess er þörf.

Sænsk heimildarþáttaröð um tilurð frægra popplaga.

Fjallað er um tilurð lagsins Viva la Vida með hljómsveitinni Coldplay.

Þáttur um líf og störf ungs fólks frá árunum 2000-2001. Umsjón: Harpa Rut Hilmarsdóttir og Vigdís Þormóðsdóttir. Dagskrárgerð: Haukur Hauksson og Steinunn Þórhallsdóttir.

Þriðja þáttaröðin um vinalega hundinn Sám og krílin sem vinna sér inn merki á leikskólanum hans.

Litli Malabar er mjög forvitinn og lánsamur, hann fær að ferðast um alheiminn eins og hann væri stór leikvöllur og talar við plánetur og stjörnur til að öðlast skilning á því hvaðan við komum og hvernig heimurinn myndaðist. Í hverjum þætti fær hann að kanna eitt náttúrufyrirbæri eða vísindahugmynd.

Símon er hress og skemmtileg kanína sem tekst á við alls kyns áskoranir og lærir af mistökum sínum.

Rebekka er ung stúlka sem er að læra á lífið, skólann og tilveruna. Örvar er græn veira sem lenti hjá mannfólkinu. Saman eru þau ótrúlegt teymi.

Ólivía er sniðug svínastelpa sem tæklar hversdaginn með frumlegum leiðum. Hún dettur gjarnan í dagdrauma og hefur að auki sett sér ýmsar sniðugar lífsreglur.

Stuttir þættir þar sem við kynnumst merkiskonum mannkynssögunnar. Sumar eru frægar, aðrar eru óþekktar en allar eru þær töffarar og eldhugar.

Íslensk tónlistarmyndbönd.

Vikinglottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Stutt umfjöllun Sumarlandans sem var á flakki sumarið 2023 og hitti landann fyrir í sínu náttúrulega umhverfi, uppi á fjöllum, úti í garði, inni í skógi og allt um kring.

Samantekt frá leikjum dagsins á HM kvenna í fótbolta.

Önnur þáttaröð um sænska fjölskyldu sem gerir upp gamalt hús á Sikiley.

Stuttir sænsk-finnskir heimildarþættir um ungt fólk og hugmyndir þeirra um framtíðina.

Portúgalskir sakamálaþættir frá 2019. Lögreglufulltrúinn Humberto og samstarfskona hans, Alice, rannsaka dularfull andlát tveggja ungra kvenna. Aðalhlutverk: Adriano Luz, Jani Zhao og Afonso Pimentel. Þættirnir eru ekki við hæfi barna yngri en 12 ára.

Þáttaröðin er hluti af þemanu Sakamálasumar.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir

Fjögurra þátta heimildarþáttaröð frá BBC um The Rolling Stones sem gerð var til að fagna 60 ára starfsafmæli þessarar heimsfrægu hljómsveitar árið 2022. Hver þáttur beinir kastljósinu að ákveðnum meðlimi hljómsveitarinnar; Mick Jagger, Keith Richards, Ron Wood og Charlie Watts.

Heimildarmynd frá BBC um stöðu svartra Bandaríkjamanna hálfri öld eftir að mannréttindalög tóku gildi í landinu, sem áttu að koma í veg fyrir kynþáttamisrétti. Myndin varpar ljósi á augnablik þar sem Bandaríkin höfðu kost á að gerast jafnara þjóðfélag og fjallað um hvers vegna svo varð ekki.