Tónleikur

Keith Jarrett

Tónlistarmaður dagsins í dag er bandaríski píanóleikarinn Keith Jarrett, en hann er einn af þeim tónlistarmönnum sem getur spilað barokk og klassík, þungan rugludjass og ljóðrænan og notalegan djass jöfnum höndum. Í þessum þætti verður klassíska hliðin á honum ráðandi þótt örlítið verði farið út fyrir þann ramma, enda ekki annað hægt þegar maður eins og Jarrett er annars vegar.

Sá djass sem heyrist verður samt í mýflugumynd, og á mjög rólegum nótum. Hér er því flytjandinn og klassíkerinn Jarrett í brennidepli, en ekki djassarinn og tónskáldið.