Morgunútvarpið

Fréttir vikunnar,brauðtertur,Hjörvar Hafliða,Gummi Ben og það er gott að vera góður

Reykjavíkurmaraþonið fer fram á laugardaginn en þá rífa fjölmargir Íslendingar fram hlaupaskóna og styrkja gott málefni í leiðinni. Rannsókn sem var framkvæmd eftir hlaupið 2024 sýnir að þátttaka í slíku góðgerðarhlaupi hefur mælanleg jákvæð áhrif á líðan fólks sem ná langt út fyrir líkamlega hreyfingu. Áhugavet. Þórdís Lilja Gísladóttir prófessor í íþrótta- og heilsufræði á menntasviði Háskóla Íslands, kom og sagði okkur frá þessu.

Menningar-, nýsköpunar- og háskólaráðuneytið býður gestum og gangandi til brauðtertuveislu á Menningarnótt. Boðið verður upp á fimm metra langa brauðtertu, tónlist og sjónlist, en með dagskránni vill ráðuneytið vekja athygli á íslenskri matarmenningu og þeim lifandi hefðum sem þróast og taka breytingum með samfélaginu. Okkar allra besta Tobba Marinós, upplýsingafulltrúi ráðuneytisins, kom til okkar í brauðtertuspjall.

Fóboltabullur um allt land gleðjast nú því enski boltinn rúllar af stað í kvöld þegar meistararnir í Arsenal mæta nýliðinum í Coventry. Til að ræða um boltann fengum við til okkar þá Guðmund Benediktsson og Hjörvar Hafliðason, sem fjalla um enska boltann á Sýn í vetur.

Við fórum yfir fréttir vikunnar með fjölmiðlakonunum Erlu Björgu Gunnarsdóttur, nýráðinn menningarritstjóra RÚV og Margréti Helgu Erlingsdóttur, nýjasta meðlimi Kastljóssins.