Santa, bring my baby back
Litla flugan setur sig í stellingar fyrir jólaundirbúninginn og færir hlustendum vangalög fyrir stofugólf, afþurrkunarópusa fyrir eldhúsbekki og hugljúf ástarljóð í hörðum pökkum.
Litla flugan
Í Litlu flugunni er leikin gamaldags tónlist frá öldinni sem leið: dægurlög, harmóníkutónlist, djass og danslög, með flytjendum á borð við Tónakvartettinn frá Húsavík, danshljómsveit Victors Sylvester, Caterinu Valente og Hauk Morthens.
Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum.
Umsjón: Lana Kolbrún Eddudóttir.
