Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.
Svandís Svavarsdóttir var kjörinn formaður Vinstri grænna á landsfundi flokksins um helgina. Á fundinum var líka samþykkt ályktun um að stefna skuli að kosningum í vor en í millitíðinni þurfi að ráðast í aðgerðir til að bregðast við efnahagslegum aðstæðum og þær þurfi að vera á félagslegum grunni en ekki á forsendum markaðsaflanna. Hvaða áhrif hefur þetta á stjórnarsamstarfið og hvaða leik sér stjórnarandstaðan sér á borði? Ingibjörg Isaksen, þingflokksformaður Framsóknarflokksins, og Logi Einarsson, þingflokksformaður Samfylkingarinnar, voru gestir Kastljóss.
Flest bendir til að lyfjanotkun hér á landi sé meiri en góðu hófu gegnir og í sumum tilfellum sé skaðinn sem lyfjagjöf veldur jafnvel meiri en ávinningurinn. Dr. Justin Turner er ástralskur lyfjafræðingur sem starfar í Kanada. Hann hefur aðstoðað heilbrigðisyfirvöld víða um heim við að draga úr lyfjaávísunum. Við ræddum við hann.
Ný rammíslenskur gamanleikur, Eltum veðrið, var frumsýndur í Þjóðleikhúsinu um helgina. Hann fjallar um eina af
þjóðaríþróttum Íslendinguna, útileguna og stemninguna á tjaldsvæðinu.
