Smástund hentar vel fyrir þau allra yngstu, í hverjum þætti lærum við orð, liti, tölur og tónlist. Dagskrárgerð: Agnes Wild. Tónlist: Sigrún Harðardóttir.

Vandaðir þættir þar sem hugur og skynjun barna eru örvuð á sjónrænan hátt án orða.

Fjólublái fíllinn Fílsi lærir ýmislegt um allskonar mismunandi vélar.

Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.

Símon er hress og skemmtileg kanína sem tekst á við alls kyns áskoranir og lærir af mistökum sínum.

Hrúturinn Hreinn og félagar hans á bóndabænum lenda í mörgum skemmtilegum ævintýrum.

Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.

Huggulegir þættir þar sem snjómaðurinn les úr sínum uppáhaldsbókum fyrir litlu mýsnar í bókabúðinni.

Vinirnir Begga og Fress leika sér að tölum og leysa saman ýmsar þrautir og gátur.

Hinrik hittir einhvern nýjan á hverjum degi og lendir í ótrúlegustu uppákomum.

Tillý býr í gulu húsi með fimm góðum vinum. Krókódíl, svíni, hænu, fíl og kanínu. Þau sýna og sanna að vináttan er það besta í heimi.

Víkingaprinsessan Guðrún býr úti í óbyggðum og á í sterku samband við náttúruna og dýrin.

Blæja er sex ára hundur sem er stútfull af óstöðvandi gleði. Allir venjulegir hlutir geta orðið ævintýri hjá Blæju og fjölskyldu hennar.

Teiknimyndaþættir um Ronju ræningjadóttur sem byggðir eru á þekktri sögu Astrid Lindgren. Ronja elst upp hjá ræningjum í skógum Skandinavíu. Líf hennar tekur stakkaskiptum þegar hún kynnist strák sem reynist vera sonur andstæðings föður hennar.

Teiknimyndaþættir um Lóu sem er 12 ára og býr með mömmu sinni í stórborg. Lóu finnst hún ekki lengur vera barn og ekki alveg vera unglingur ennþá og reynir að takast á við allar þær tilfinningar sem vakna þegar unglingsárin eru að hefjast.

Bolli leitar leiða til að bæta heimilið sitt en í tiltektinni gleymir hann sér í gömlum minningum og Hringur Skart Eyrnalokkason sýnir heimilið sitt.

Agnar íslensku kennari, Bjarmi og krakkarnir í íþróttastund læra hipp-hopp dans með Indíönu og Elenu og krakkarnir í heimilisfræði mála páskaegg.

Í þáttunum Húllumhæ er menning og fjör í forgrunni. Við förum í leikhús, hlustum á tónlist, rýnum í bækur og sjáum hvað unga fólkið í landinu er að fást við. Þáttastjórnendur eru Anja Sæberg og Bjarni Kristbjörnsson

Í Húllumhæ: Við kynnum okkur aðeins Barnamenningarhátíð í Reykjavík sem hefst á þriðjudaginn og Gunnar Helgason kíkir í heimsókn í Krakkakiljuna.

Umsjón:

Þuríður Davíðsdóttir

Fram komu:

Vigdís Hafliðadóttir

Gunnar Helgason

Emma Nardini Jónsdóttir

Handrit og dagskrárgerð:

Karitas M. Bjarkadóttir

Sjónvarpsþáttaröð fyrir alla fjölskylduna sem gerist í Lundúnum á Viktoríutímanum. Hetty Feather er alin upp á barnaheimili þar sem forstöðukonan Bottomly ríkir með járnaga. Hetty dreymir um betra líf og leggur á ráðin um að flýja og leita að móður sinni. Aðalhlutverk: Isabel Clifton, Polly Allen og Eva Pope.

Beinar útsendingar frá EM í fimleikum.

Þættir þar sem Snorri Helgason og Bergur Ebbi fjalla um íslensk dægurlög og setja í samhengi við tísku og tíðaranda. Þættirnir eru byggðir á vinsælu hlaðvarpi þeirra sem hóf göngu sína árið 2014.

Írafár kom eins og stormsveipur inn í íslenskan tónlistarbransa í kringum aldamótin. Snorri Helgason og Bergur Ebbi fíla stórsmell hljómsveitarinnar, Fingur, eftir Vigni Snæ Vigfússon og Birgittu Haukdal, og kryfja hann til mergjar í bland við umræðu um hártísku og vinsæla núðlurétti. Leikstjórn: Allan Sigurðsson.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.

Með hækkandi hita og vonandi sól er kominn tími til að huga að vorverkunum í garðinum. En hvernig á að bera sig að og má gera allt strax? Kastljós hitti Vilmund Hansen, grasa- og garðyrkjufræðing.

Hugleikur Dagsson hefur mörg járn í eldinum. Hann er uppistandari, teiknari og rithöfundur svo eitthvað sé nefnt. Við kíktum í heimsókn til hans.

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.

Í Kilju vikunnar segir Guðmundur Andri Thorsson okkur frá nýrri bók eftir sig sem nefnist Rimsírams. Bókin inniheldur stutta texta úr smiðju höfundarins, hugleiðingar um mannlífið, pólitík, náttúru, listir og sitthvað fleira ? og sumt reyndar í kvæðaformi. Guðfinna Ragnarsdóttir hittir okkur á Skólavörðustíg, hún ólst þar upp í litlum bæ sem var kallaður Tobbukot. Frásögn Guðfinnu frá gömlu Reykjavík er mjög lífleg, en sjálf er hún Reykvíkingur af tíundu kynslóð. Bók hennar nefnist Á vori lífsins. Þorsteinn Gunnarsson, arkitekt og leikari, ræðir um bók sína sem nefnist Nesstofa við Seltjörn. Þar rekur Þorsteinn sögu þessa merkilega húss sem var reist 1761-1767 sem embættisbústaður Bjarna Pálssonar, fyrsta landlæknisins á Íslandi. Gagnrýnendur þáttarins fjalla um þrjár bækur: Jarðsetningu eftir Önnu Maríu Bogadóttur, Arf og umhverfi eftir Vigdis Hjorth og Kirkjugarð hafsins eftir Aslak Nore.

Þáttaröð þar sem draugatrú Íslendinga tekin til skoðunar ásamt annarri þjóðtrú, á borð við hjátrú og trú á álfa. Rætt er við ýmsa sérfræðinga og þá sem hafa haft persónuleg kynni af afturgöngum, álfum eða framliðnum. Rýnt er í hvernig draugatrú endurspeglar samfélagið, menninguna og síðast en ekki síst, sálarlíf og samvisku mannsins. Umsjón: Bryndís Björgvinsdóttir. Dagskrárgerð: Rakel Garðarsdóttir.

Íslensk þáttaröð í átta hlutum um líf fólks sem býr við skerta starfsgetu og/eða líkamlega fötlun af ýmsum toga. Í þáttunum fylgjumst við með fólki á öllum aldri, víða um land, í ýmsum störfum og með ólíka fötlun og fjölskyldugerð. Dagskrárgerð: Elín Sveinsdóttir. Framleiðsla: SERES hugverkasmiðja.

Í þessum þætti þætti segir Már Gunnarsson sögu sína. Hann tapaði sjóninni ungur að aldri en jákvæðnin hefur fært honum ótal sigra í íþróttum og tónlist.

Aflraunakeppnin Norðurlandsjakinn fór fram í Eyjafirði, Raufarhöfn og Ásbyrgi. Helstu kraftakarlar þjóðarinnar mættu til leiks. Dagskrárgerð: Óskar Þór Nikulásson.

Danskir ferða- og matreiðsluþættir. Sætabrauðsdrengurinn og ferðalangurinn Tobias Hamann-Pedersen leggur land undir fót og kynnist bakstri og lífi víða um heim.

Þættir frá 2016 þar sem litið er um öxl yfir 50 ára sögu sjónvarps og fróðleg og skemmtileg augnablik rifjuð upp með myndefni úr Gullkistunni. Kynnir er Jóhanna Vigdís Hjaltadóttir. Dagskrárgerð: Egill Eðvarðsson.

Helstu fréttir dagsins af innlendum og erlendum vettvangi. Alla daga, árið um kring.

Fótboltabaráttan heldur áfram og keppast Jamie og félagar um að gera liðið sitt sem sterkast. En með nýjum aðstoðarþjálfara og nýjum liðsmönnum koma ný átök. Bæði á vellinum og utan hans.

Finnlands-sænskir þættir þar sem krakkar segja frá áhugamálum sínum.

Í tilraunastofunni hjá Lísu gerist ýmislegt áhugavert. Ungir krakkar koma í heimsókn og hanna sínar eigin uppfinningar með henni og gera trylltar tilraunir.

Stuttir sænskir heimildarþættir um bækur sem hafa haft mikil áhrif á almenning í Svíþjóð.

Lottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Ómissandi upphitun fyrir Eurovision. Í þáttunum verður eins og áður farið yfir öll lögin sem keppa í Eurovision í ár, þau vegin og metin og reynt að spá fyrir um gengi þeirra í keppninni. Umsjónarmaður þáttarins er Felix Bergsson og álitsgjafar þær Helga Möller og Vigdís Hafliðadóttir. Dagskrárgerð: Helgi Jóhannesson.

Þrettánda þáttaröð bresku þáttanna um Doctor Who sem ferðast á milli vídda. Aðalhlutverk: Jodie Whittaker, Mandip Gill og John Bishop. Þetta er sú vísindaskáldskaparsería sem lengst hefur lifað í sjónvarpi. Þáttaröðin var sýnd í Bretlandi á árunum 1963 til 1989 og sjónvarpsmynd var gerð með söguhetjunum árið 1996. Hér sjáum við nýjustu ævintýri tímaflakkaranna sem keppast við að bjarga mannkyninu frá aðsteðjandi ógnum.

Bandarísk spennumynd frá 2012 með Jason Bateman og Alexander Skargård í aðalhlutverkum. Kvikmyndin segir sögur fólks sem á erfitt með að fóta sig á tímum internetsins og vill tengjast öðrum. Aðalhlutverk: Jason Bateman, Alexander Skarsgård og Haley Ramm. Myndin er ekki við hæfi barna yngri en 12 ára.

Sænsk, leikin þáttaröð í fjórum hlutum um forboðið ástarsamband veitingamannsins Kurts Haijby og Gústafs fimmta Svíakonungs á fjórða áratug síðustu aldar. Þegar eiginkona Kurts kemst að ástarsambandinu upphefst eitt stærsta hneykslismál í sögu sænska konungsveldisins. Aðalhlutverk: Sverrir Guðnason, Staffan Göthe, Reine Brynolfsson og Sanna Krepper. Atriði í þáttunum eru ekkki við hæfi ungra barna.