Sinfóníuhljómsveit Íslands í 75 ár

Sinfóníuhljómsveit Íslands í 75 ár

Haustið 1962 réðist bandaríski hljómsveitarstjórinn William Strickland til Sinfóníuhljómsveitar Íslands. Í þættinum verða leikin tvö verk frá tónleikum hljómsveitarinnar frá 8 nóvember það ár, Carnaval Romain op. 9 eftir Hector Berlioz og Moldau úr tónaljóðinu Föðurland mitt eftir Bedrich Smetana. Í lok þáttarins verður leikin Sinfónía op. 16 eftir bandaríska tónskáldið Henry Covell, sem hann kallaði Íslands sinfónía og tileiknaði hljómsveitarstjóranum William Strickland og í minningu landkönnuðarins Vilhjálms Stefánssonar.

Eftir þáttinn verður flutt hljóðritun af verkinu Pétur og Úlfurinn eftir Sergei Prokofieff, hljóðritað af Sinfóníuhljómsveit Íslands 1960 og gefið út á hljómplötu af hljómsveitinni það ár. Þetta er í fyrsta sinn sem hljómsveitin leikur inn á hljómplötu. Sögumaður er Helga Valtýsdóttir en stjórnandi hljómsveitarinnar Dr. Válav Smetácek. Benda má á að þetta verk hafði gengið um hríð á sviði Þjóðleikhússins ásamt ævintýrinu um Dimmalimm á barnasýningum undir stjórn Victors Urbancic og var Lárus Pálsson sögumaður. Einnig má nefnda að aðldansrar í Dimmalimm var kónssonurinn dansaður af Helga Tómassyni og Guðný Freysteinsdóttir dansaði Svaninn.

Frumflutt

25. mars 2025

Aðgengilegt til

Rennur ekki út

Bjarki Sveinbjörnsson fer yfir yfir sögu hljómsveitarinnar og rekur meðal annars hvað aðalhljómsveitarstjórar hennar höfðu að leiðarljósi við störf sín.