Broddi og Oddlaug eru litlir broddgeltir, sem elska að fara út og kanna heiminn. Þau eru yfirleitt bestu vinir og skemmta sér saman í hinum ýmsu leikjum.

Litla Ló býr með Kisu, bróður sínum Húgó, foreldrum sínum - og líka álfinum Búa sem býr í holu í veggnum. Búi er algjör töframaður og á hverjum degi býður hann Litlu Ló og Kisu í nýtt ævintýri úti í náttúrunni.

Trymbill fer á flakk með systkinunum Hildi og Theó, sem eiga það þó til að gleyma honum. Þá hefjast sko ævintýri Trymbils!

Andri og Edda eru á sama leikskóla og eru bestu vinir. Bæði eiga þau tuskudýr sem lifna við og eiga samleið eins og eigendur þeirra.

Í þessari seríu fylgjumst við með hetjunni Bjössa brunabangsa, sem elskar að keyra slökkviliðsbíl og slökkva elda. Á hverjum einasta degi leysir hann spennandi verkefni með hjálp frá samstarfsfólki sínu.

Símon er hress og skemmtileg kanína sem tekst á við alls kyns áskoranir og lærir af mistökum sínum.

Önnur þáttaröð um Lalla, sem færir ykkur allan heiminn þegar hann grípur litina sína. Hann er svo flinkur að teikna hann Lalli!

Fjórða þáttaröðin um vinalega hundinn Sám og krílin sem vinna sér inn merki á leikskólanum hans.

Þriðja þáttaröðin um hina vinsælu Blæju og Hælbein fjölskylduna. Daglegt líf fjölskyldunnar gengur sinn vanagang, en hins vegar er enginn dagur eins þegar Blæja og Bára eiga í hlut.

Þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.

Fjörugir þættir um sjóræningjastelpuna Rán og Sævar sem flýgur sinni eigin sjóflugvél.

Rebekka er ung stúlka sem er að læra á lífið, skólann og tilveruna. Örvar er græn veira sem lenti hjá mannfólkinu. Saman eru þau ótrúlegt teymi.

Þriðja þáttaröðin um Elías, unga og áhugasama björgunarbátinn. Hann er ósvífinn, fjörugur og mikils metinn í heimabæ sínum. Vinir Elíasar skipta honum öllu máli og leggur hann í hvaða ævintýri sem er til þess að bjarga vinum sínum úr ógöngum.

Rán er ung og hress stelpa sem styttir sér stundir með ímynduðu vinkonu sinni. En hún Rún virðist raunverulegri en flestir.

Fallegir teiknimyndaþættir um óvenjulega vináttu bjarnarins Ernests og músarinnar Célestine.

Kári, Villi og Hanna lenda í alls kyns ævintýrum og þurfa að standa saman til að takast á við illmennið Ívar.

Matthildur er 12 ára stelpa sem býr yfir sérstöku leyndarmáli. Á hverjum degi þegar hún vaknar býr hún yfir nýjum ofurkrafti sem hún þarf að læra að stjórna. Aðeins besti vinur hennar veit af þessu og saman lenda þau í alls kyns ævintýrum.

Baldur er undarlegur unglingur sem fær það hlutverk að passa hundinn Konráð. Konráð er hins vegar talandi hundur og miklu gáfaðri en Baldur. Spurningin er þá: Hver passar hvern?

Jasmín og Jómbi eru góðir vinir sem elska tónlist. Saman njóta þau tónanna sem óma um Hljómbæ.

Stuttir þættir þar sem Hrúturinn Hreinn og vinir hans fara á kostum.

Heimildarmynd frá 2023. Fylgst er með þremur árum í lífi pöndu sem er sleppt í villta náttúru eftir að hafa alist upp í dýraathvarfi. Ljósi er varpað á ólíka hegðun villtra pandabjarna og pandabjarna sem koma úr dýraathvarfi.

Upphitunarþáttur fyrir Söngvakeppnina þar sem við rifjum upp skemmtiatriði úr keppninni í gegnum árin. Eurovision-stjörnurnar Loreen, Daði Freyr og Måns Zelmerlöw koma við sögu í þættinum. Umsjón: Guðrún Dís Emilsdóttir, Benedikt Valsson og Fannar Sveinsson. Samsetning: Kristín Helga Karlsdóttir og Kári Snær Halldórsson.

Ný íslensk þáttaröð þar sem Jóhann Kristófer Stefánsson kynnir sér fjölbreytta flóru íslenskra sviðslista. Leikstjóri: Gagga Jónsdóttir. Framleiðsla: 101 Productions.

Jóhann Kristófer kynnir sér sviðslistanám á Íslandi og víðar. Hann ræðir við fólk sem hefur stundað nám í sviðslistum og fræðist um möguleikana sem eru fyrir hendi.

Danskir heimildarþættir þar sem sex ungmenni sem þjást af streitu taka þátt í tilraun þar sem þau slökkva á símunum sínum og flytjast út í skóg. Getur dvölin í náttúrunni dregið úr streitueinkennum á aðeins sex dögum?

Danskir þættir um kökubakstur og eftirréttagerð. Mette Blomsterberg útbýr kræsingar.

Helstu fréttir dagsins af innlendum og erlendum vettvangi. Alla daga, árið um kring.

Þættir þar sem Snorri Helgason og Bergur Ebbi fjalla um íslensk dægurlög og setja í samhengi við tísku og tíðaranda. Þættirnir eru byggðir á vinsælu hlaðvarpi þeirra sem hóf göngu sína árið 2014.

Hið sívinsæla lag, Hvers vegna varst' ekki kyrr, eftir Jóhann G. Jóhannsson er tekið fyrir. Stórsöngvarinn Pálmi Gunnarsson söng lagið inn á samnefnda plötu árið 1980. Snorri Helgason og Bergur Ebbi fjalla um lagið og Pálma sjálfan í ljúfri og öruggri skyldufílun og setja vinsældir þess í samhengi við þróun byggðamála og fleiri mikilvæga þætti íslensks þjóðlífs. Leikstjórn: Allan Sigurðsson.

Leikir á HM karla í handbolta.

Bronsleikur Frakklands og Portúgal á HM karla í handbolta.

Ólafur Stefánsson, Logi Geirsson og Kári Kristján Kristjánsson sérfræðingar Stofunnar á RÚV ræða handbolta á léttan og skemmtilegan hátt.

Umsjón: Helga Margrét Höskuldsdóttir.

Sérfræðingar Stofunnar fara yfir árangur Íslands á HM karla í handbolta.

Umfjallanir um leiki á HM karla í handbolta.

Leikir á HM karla í handbolta.

Úrslitaleikur Króatíu og Danmerkur á HM karla í handbolta.

Umfjallanir um leiki á HM karla í handbolta.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Þórdís Claessen, Hafsteinn Vilhelmsson, Elsa María Guðlaugs - Drífudóttir og Amanda Guðrún Bjarnadóttir. Dagskrárgerð: Jóhannes Jónsson, Elvar Örn Egilsson, Hjalti Stefánsson og Björgvin Kolbeinsson.

Í Landanum í kvöld ætlum við að skoða stuld og skemmdarverk á listaverkum. Við hittum skemmtilegar geitur með unglingaveiki, tökum upp Instagrammyndband með bónda á Hvanneyri og skellum okkur svo í ísklifur í Öræfasveit.

Ný þáttaröð um mat og matarmenningu Íslendinga allt frá landnámi til dagsins í dag – og jafnvel nokkur skref inn í framtíðina. Gísli og Silla fara með áhorfendur í rannsóknarleiðangur þar sem þau skoða hinar ýmsu mýtur og sturlaðar staðreyndir um mat. Matarsérfræðingar greina matarhefðir, tískur og strauma – allt frá súrmat til skordýrasnakks – og stjörnukokkar fá það verkefni að búa til gómsætar máltíðir úr vinsælu hráefni liðinna tíma. Umsjón: Gísli Einarsson og Sigurlaug Margrét Jónasdóttir. Dagskrárgerð: Konráð Pálmason.

Hvað borðuðu landnámsmenn? Í þættinum er fjallað um mat á fyrstu öldum Íslandsbyggðar þegar réttar geymsluaðferðir á mætvælum skiptu sköpum til að lifa af. Þegar Sturlungar slógu upp veisum var vel veitt af áfengi – annað hefði verið ótækt. Fjallað er um mýtur um lambakjöt og stjörnukokkur fær að spreyta sig á hráefni landnámsmanna.

Tólfta þáttaröð breska myndaflokksins Ljósmóðurinnar, sem er byggður á sannsögulegum heimildum um ljósmæður og skjólstæðinga þeirra í fátækrahverfi í austurborg London á sjöunda áratugnum. Meðal leikenda eru Vanessa Redgrave, Laura Main, Jenny Agutter og Stephen McGann.

Hörkuspennandi verðlaunamynd frá 2021 í leikstjórn Philips Barantini. Myndin er tekin í einni samfelldri töku þar sem fylgst er með kvöldstund á veitingastað á annasamasta degi ársins. Matreiðsluteymið og þjónarnir eru undir gríðarlegu álagi og allt er undir. Aðalhlutverk: Stephen Graham, Vinette Robinson og Alice Feetham. Myndin er ekki við hæfi barna yngri en 12 ára.

Heimildarþáttur frá 2021 um valdarán gríska herforingjans Georgios Papadopoulos daginn fyrir kosningar í Grikklandi árið 1967. Hann ríkti sem einræðisherra í Grikklandi til ársins 1973. Þátturinn er ekki við hæfi barna yngri en 12 ára.