Vélvitið

Fjórði þáttur

Framfarir í þróun djúpra tauganeta eru eitt af því sem hefur stuðlað að hraðri þróun gervigreindar á undanförnum árum. Fréttir af framförum í læknisfræði og á sviði heilbrigðisvísinda með aðstoð gervigreindar eru orðnar tíðari, til dæmis hafa vísindamenn nýtt gervigreind til að tengja framhjá mænuskaða og gera lömuðum manni kleift að ganga. Framfarir á sviði tauganeta hafa opnað nýja möguleika, meðal annars í greiningu sjúkdóma. Hér á Íslandi eru stundaðar miklar rannsóknir á þessu sviði, meðal annars í læknisfræðilegri myndgreiningu. Rætt er við Lottu Maríu Ellingsen dósent í rafmagns- og tölvunarverkfræði við Háskóla Íslands um möguleika og takmarkanir tauganeta og framtíðina í sjúkdómsgreiningum með aðstoð gervigreindar.