Útvarpsfréttir.

Morgunútvarpið vekur hlustendur með glóðvolgum fréttum og snarpri umfjöllun um samfélagsmál. Umsjónarmenn eru Guðrún Dís Emilsdóttir og Atli Fannar Bjarkason.

Vecct-mílan fer fram í kvöld á Kvartmílubrautinni í Hafnarfirði. Þetta er í fyrsta skipti sem götumílukeppni er haldin á Íslandi og flestir af fremstu hlaupurum landsins hafa boðað komu sína. Markmiðiðið með Vecct-mílunni er að lyfta upp íslenskri hlaupa- og frjálsíþróttamenningu og gera millivegalengdahlaupum hærra undir höfði. Sem liður í því verður boðið upp á hæsta verðlaunafé í keppnishlaupi á Íslandi. Svo er stóra spurningin: Nær einhver að rjúfa fjögurra mínútna múrinn? Skipuleggjandinn Guðmundur Magnússon mætti í Morgunútvarpið.

Hópur líffræðinga hefur undanfarin þrjú sumur reynt að finna klakstöðvar lúsmýsins til þess að unnt sé að sporna við útbreiðslu þess. Í umfjöllun Vísis kemur fram að þrátt fyrir að gildrur hafi verið lagðar víða um land sé enn fátt um svör. En hvað höfum við lært? Þurfum við þjóðarátaki til að vinna bug á þessari plágu? Arnar Pálsson, prófessor við líf- og umhverfisdeild Háskóla Íslands, kom til okkar og sagði okkur frá þessum þörfu tilraunum til að útrýma lúsmýinu.

Oddvitasamtöl Heimildarinnar fara fram í forsal Tjarnarbíós dagana í vikunni og er það Valur Grettisson blaðamaður sem tekur á móti oddvitum Reykjavíkurframboðanna fyrir komandi borgarstjórnarkosningar. Valur kom til okkar og kafaði aðeins ofan í sveitarstjórnarmálin með okkur.

Logi Einarsson, menningar-, nýsköpunar- og háskólaráðherra, fundaði með fulltrúum tæknifyrirtækisins Apple í höfuðstöðvum fyrirtækisins í Battersea í London síðasta mánudag. Tilgangur heimsóknarinnar var að þrýsta á að Apple bjóði upp á íslensku í iOS-stýrikerfinu. Myndband þar sem Leikararnir Ólafur Darri Ólafsson og Hera Hilmarsdóttir auk tónskáldsins Atla Örvarssonar senda Apple kveðju var hluti af áskorun Loga. Þá afhenti hann fyrirtækinu áskorun fyrir hönd ÖBÍ þar sem Apple var hvatt til þess að innleiða íslensku og standa þannig vörð um eitt af kjarnagildum sínum sem sé aðgengi. Logi Einarsson kom í Morgunútvarpið.

07:30

Útvarpsfréttir.

08:30

Létt spjall og lögin við vinnuna.

Yfirlit hádegisfrétta kl. 12 virka daga.

Útvarpsfréttir.

Poppland er vinur í raun og land án landamæra. Poppland er einn elsti og dáðasti tónlistarþáttur landsins. Umsjón: Lovísa Rut Kristjánsdóttir.

Útvarpsfréttir.

Þau Hrafnhildur Halldórsdóttir, Hólmfríður María Ragnhildardóttir og Rúnar Róbertsson halda landanum vel upplýstum um menn og málefni á leið úr vinnu. Þau fylgjast með fréttum og dægurmálum og spila nóg af góðri tónlist.

Fréttir

Fréttir og fréttaskýringar í útvarpi, þar sem kafað er dýpra í málin, þau sett í stærra samhengi og skýringa leitað.

Í Undiröldinni heyrir þú nýja íslenska tónlist úr ýmsum áttum sem gæti mögulega slegið í gegn á næstu vikum. Þetta gæti verið popp, raftónlist, rapp, kántrí, þungarokk eða djass - en eina sem er 100% hægt að lofa - er að lögin sem eru spiluð eru ný og íslensk .

Umsjón: Þorsteinn Hreggviðsson.

Fréttastofa RÚV.

Á Kvöldvaktinni heyrir þú nýjustu slagarana og útgáfurnar frá upprennandi og uppáhalds tónlistarfólki þínu í fjölbreyttum kokteil af tónlist, tungum, straumum og stefnum sem þykja endurspegla tíðaranda dagsins í dag. Umsjónarmenn: Þorsteinn Hreggviðsson og Daníel Jón Baróns Jónsson.

Oddvitar allra framboða til sveitastjórna mætast í umræðuþætti í aðdraganda kosninga 2026.

Sex listar eru í framboði í Garðabæ fyrir sveitarstjórnarkosningar í vor. Oddvitar þeirra mætast í umræðum. Þátttakendur eru Hlynur Bæringsson, Framsóknarflokki, Guðlaugur Kristmundsson, Viðreisn, Almar Guðmundsson, Sjálfstæðisflokki, Þorbjörg Þorvaldsdóttir, Garðabæjarlistanum, Lárus Þór Guðmundsson, Miðflokki og Kjartan Atli Kjartansson, Samfylkingu.

Rokkland er músík-magasín í útvarpi! Þar er fjallað um tónlist líðandi stundar, sögur sagðar af hljómsveitum og tónlistarmönnum og spjallað við óþekkta sem heimsþekkta tónlistarmenn. Þátturinn er aldursforseti Rásar 2 og hefur verið í loftinu í rúma þrjá áratugi.

Umsjónarmaður er Ólafur Páll Gunnarsson

Í Rokklandi vikunnar kynnumst við hinum 34 ára Jesse Welles sem ætlaði sér alltaf að verða tónlistarmaður en gafst svo upp þegar ekkert gekk fyrir nokkrum árum og flutti aftur heim til Ozark í Arkansas. Það var svo þegar hann sat við hlið föður síns sem hafði fengið hjartaáfall - á sjúkrahúsi – sem hann ákvað að halda áfram í músíkinni en skipta um aðferð.

Síðan 2024 hefur Jesse Welles gefið út 8 plötur og honum er líkt við ungan Bob Dylan. Í einu nýjasta laginu hans (No Kings) syngur Joan Baez með honum. Við kynnumst Jesse Welles í Rokklandi vikunnar og Bubbi Morthens leggur orð í belg.

Við förum líka á Eurosonic festival í Hollandi og hittum þar Maríu Rut Reynisdóttur framkvæmdastjóra Tónlistarmiðstöðvar Íslands og þá Kára og Haukur úr hljómsveitinni MÚR sem spilaði á hátíðinni og er á hraðri siglingu út í heim þessa dagana.