Landinn

Dagur í lífi landans

Fyrsti Landaþáttur vetrarins, sem er 300. þáttur Landans, verður með allt öðru sniði en venjulega. Þátturinn verður í beinni útsendingu í heilan sólarhring og umsjónarmenn verða á ferðinni um land allt. Við skoðum atvinnulíf, félagslíf og mannlíf og reynum að sýna sem allra mest af því sem drífur á daga landans á einum sólarhring. Útsendingin hefst á aðalrás RÚV en færist yfir á RÚV 2 að klukkutíma liðnum. Við lok hefðbundinnar dagskrár hefst útsendingin aftur á aðalrásinni og verður þar fram að upphafi hefðbundinnar dagskrár á mánudeginum, en þá heldur útsendingin áfram á RÚV 2. Hægt er að fylgjast með útsendingunni í heild á RÚV 2.