Kiljan

Kiljan 2. okt. 2024

Fyrsta Kilja haustvertíðarinnar er á dagskrá RÚV miðvikudagskvöldið 2. okt. kl. 20.05. Í þættinum verður rætt við rithöfundinn Salman Rushdie, handhafa bókmenntaverðlauna Halldórs Laxness. Finnski höfundurinn Satu Rämö er búsett á Ísafirði, hún talar reiprennandi íslensku, og hefur slegið í gegn með spennusögunni Hildi - Satu er gestur í þættinum. Gerður Kristný segir frá nýrri ljóðabók sinni sem nefnist Jarðljós og flytur kvæði úr bókinni. Þorkell Gunnar Sigurbjörnsson ræðir við okkur um bók sína Með harðfisk og hangikjöt að heiman, en þar segir frá þátttöku Íslendinga á Ólympíuleikunum í London 1948. Frá hinu nýfrjálsa ríki fór fríður flokkur en það var skortur á ýmsu enda stutt liðið frá styrjöldinni miklu. Og fræknasti íþróttamaðurinn var á valdi Bakkusar. Rýnar þáttarins fjalla um þjár bækur: Voðaverk í Vesturbænum eftir Jónínu Leósdóttur, Þessa djöfulsins karla eftir Andrev Walden og Hníf eftir Salman Rushdie.

Frumsýnt

2. okt. 2024

Aðgengilegt til

Rennur ekki út

• 00:01:05 Krítík - Kolbrún og Ingibjörg Iða
• 00:12:31 Satu Rämö - Hildur
• 00:18:07 Gerður Kristný - Jarðljós
• 00:24:28 Salman Rushdie - Hnífur og Miðnæturbörn
• 00:36:03 Þorkell G. Sigurbj.-Með harðfisk og hangikjöt að h

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.