Helstu fréttir dagsins af innlendum og erlendum vettvangi. Alla daga, árið um kring.

Málefni Grænlands rædd í næstu viku

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Styrktaræfingar fyrir handleggi. Sitjandi æfingar. Gott að hafa létt lóð eða vatnsflösku við hendina.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Halldórsdóttir, Urður Örlygsdóttir og Viktoría Hermannsdóttir.

Halldór Árnason hefur skrásett minningar og hugsanir sínar eftir að hann var greindur með Alzheimer. Hann segir mikilvægt að tala opinskátt um veikindin og undir það tekur kona hans Þórunn Sigríður Einarsdóttir. Orð ársins árið 2025 var kosið af þjóðinni úr 10 orða lista og er lýsandi fyrir bæði gaman og alvöru síðasta árs. Anna Sigríður Þráinsdóttir málfarsráðunautur RÚV afhjúpar það. Bústaðurinn er nýtt leikrit eftir Þór Tulinius með Þórunni Lárusdóttur og Jónmundi Grétarssyni í aðalhlutverkum en það fjallar um breytingaviðmót Íslendinga á tímum aukinnar fjölbreytni.

Bein útsending frá spurningakeppni sveitarfélaga. Umsjónarmenn eru Sigmar Guðmundsson og Þóra Arnórsdóttir.

Spurningahöfundar: Ævar Örn Jósepsson og Auður Tinna Aðalbjarnardóttir. Dómari: Sveinn Guðmarsson.

Stjórn útsendingar: Helgi Jóhannesson.

Bein útsending frá spurningakeppni sveitarfélaga. Umsjónarmenn eru Sigmar Guðmundsson og Þóra Arnórsdóttir. Spurningahöfundar: Ævar Örn Jósepsson og Auður Tinna Aðalbjarnardóttir. Dómari: Sveinn Guðmarsson. Stjórn útsendingar: Helgi Jóhannesson.

Karl Ágúst, Pálmi, Sigurður, Randver og Örn bregða á leik sprellfjörugir að vanda. Stjórn upptöku: Björn Emilsson.

Íslensk-grísk heimildarþáttaröð í þremur hlutum þar sem fjallað er um hverjir eru réttmætir eigendur menningarlegra listmuna. Hornsteinar menningar margra fyrrum nýlenduþjóða eru til sýnis á söfnum fyrrum nýlenduherra og í flestum tilvikum krefst það langrar baráttu að endurheimta munina. Leikstjórn: Þorkell S. Harðarson og Örn Marinó Arnarson.

Finnlands-sænskir þættir þar sem krakkar segja frá áhugamálum sínum.

Fylgstu með hugrökkum krökkum breytast í smáspæjara og takast á við fjölbreytt verkefni og ráðgátur í Krimmaborg. Með hjálp frá Spæjara X og Ninjo elta þau útsmogna skúrka og læra að vinna saman á skemmtilegan og spennandi hátt. Serían er með íslenskum texta.

Sænskir þættir sem fjalla um ævintýri sem eiga sér stað í sumarbúðum í Svíþjóð. Þar eru foringjarnir ekki alveg eins og fólk er flest og forvitin börn lenda í fjörugum aðstæðum, sem innihalda meðal annars boga, brjálaða geitunga og bjarnargildrur!

Önnur þáttaröð um ofurhetjurnar sem þurfa líka að setjast á skólabekk. Þessir óvenjulegu skólakrakkar vekja mikla kátínu í þessum norsku ofurhetjuþáttum.

Tónlistarmenn koma í Stúdíó RÚV og færa landsmönnum tónlist heim í stofu. Stjórn upptöku: Guðmundur Atli Pétursson. Þættir frá 2024.

Leikir í undirbúningi karlalandsliðsins fyrir EM í handbolta 2026.

Leikur Íslands og Slóveníu á æfingamóti í Frakkland. Leikurinn er liður í undirbúningi karlalandsliðsins fyrir EM í handbolta 2026.

Helstu fréttir dagsins af innlendum og erlendum vettvangi. Alla daga, árið um kring.

Magnús Eiríksson, texta- og lagahöfundur, lést í morgun, áttræður að aldri.

Íþróttafréttir.

Veðurfréttir.

Upptaka frá 50 ára afmælistónleikum Mannakorna sem haldnir voru í Háskólabíói. Á tónleikunum flutti hljómsveitin, með Pálma Gunnarsson, Ellen Kristjánsdóttur og Magnús Eiríksson í fararbroddi, öll sín vinsælustu lög. Stjórn upptöku: Helgi Jóhannesson.

Þrettánda þáttaröð breska myndaflokksins Ljósmóðurinnar, sem er byggður á sannsögulegum heimildum um ljósmæður og skjólstæðinga þeirra í fátækrahverfi í austurborg London á sjöunda áratugnum. Meðal leikenda eru Vanessa Redgrave, Laura Main, Jenny Agutter og Stephen McGann.

Breskir sakamálaþættir um rannsóknarlögreglumanninn Roy Grace sem er þekktur fyrir að nota óhefðbundnar aðferðir í starfi. Aðalhlutverk: John Simm, Richie Campbell, Laura Elphinstone og Brad Morrison. Þættirnir eru ekki við hæfi barna yngri en 12 ára.

Breskur sakamálaþáttur um hinn slungna séra Brown sem er ekki bara kaþólskur prestur heldur leysir glæpsamleg mál á milli kirkjuathafna. Aðalhlutverk: Mark Williams.