Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.
Jasmín og Jómbi eru góðir vinir sem elska tónlist. Saman njóta þau tónanna sem óma um Hljómbæ.
Þegar afi ykkar er búin að þjálfa ykkur sem skrímslaveiðimenn, þá er ekkert annað í stöðunni en að veiða öll skrímslin! Það er þó eitt vandamál, krakkarnir elska skrímslin og vilja helst bara bjarga þeim. Það geta þau gert á meðan afi blundar, eða hvað?
Gamansamir þættir um strútapabbann Edda og áttburana hans. Eddi strútapabbi er fullkomnunarsinni og reynir að gera allt sem í hans valdi stendur til að vernda áttburana sína. Hann á fullt í fangi með það, enda eru ævintýrin hjá stórri fjölskyldu mörg og ímyndunaraflið mikið.
Eftir að Eddi strútapabbi hræðir kráku, setur hún á sig hræðilegan graskershaus til þess að hræða hann til baka. Eddi strútapabbi heldur að þetta sé skrímsli og verður dauðhræddur! Hann verður að bjarga börnunum!
Töfratú er fantasíuland dásamlegra álfa og hafmeyja þar sem raunveruleg viðfangsefni á borð við systkinaerjur, sanngirni og sjálfstraust eru könnuð nánar.
Ástsælu Múmínálfar Tove Jansson snúa aftur og lenda í alls kyns skemmtilegum ævintýrum.
Fimmta þáttaröð um hrútinn Hrein. Hreinn leiðir hinar kindurnar í alls kyns vandræði og raskar ró friðsæls dals með uppátækjasemi sinni.
Teiknimyndaþættir um Lóu sem er 12 ára og býr með mömmu sinni í stórborg. Lóu finnst hún ekki lengur vera barn og ekki alveg vera unglingur ennþá og reynir að takast á við allar þær tilfinningar sem vakna þegar unglingsárin eru að hefjast.
Kortó, Mýsla og Eik eru álveðin að sigra Hvalabikarkeppnina, drónaflugkeppni sem leiða á í ljós hver verður arftaki vistfræðisnillingsins Hvals Hvíta og þar af leiðandi fá aðgang að nýjustu vistvísindunum til geta forðað því að eyjan þeirra hverfi í hafið.
Þáttaröð frá 2013 úr smiðju Ævars Vísindamanns. Ævar er nú kominn í nýja og enn stærri tilraunastofu í samstarfi við Sprengjugengið hjá HÍ, Marel og Vísindavefinn. Íslenskt hugvit verður haft að leiðarljósi, alvöru- og ímyndaðir vísindamenn birtast ljóslifandi fyrir augum áhorfenda og gerðar verða lífshættulegar tilraunir, þegar Ævar þorir. Dagskrárgerð: Eggert Gunnarsson.
Skemmtiþáttur um íslenska tungu í umsjón Braga Valdimars Skúlasonar og Vigdísar Hafliðadóttur. Þátttakendur etja kappi í fjölbreyttum leikjum og þrautum. Framleiðsla: Skot í samstarfi við RÚV.
Keppendur eru Almar Blær Sigurjónsson, María Thelma Smáradóttir, Aníta Rós Þorsteinsdóttir og Sigríður Ósk Hrafnkelsdóttir.
Gísli Marteinn tekur á móti góðum gestum á föstudagskvöldum í vetur og fer með þeim yfir helstu atburði vikunnar í stjórnmálum, menningu og mannlífi. Persónur og leikendur koma í spjall og brakandi fersk tónlistaratriði koma landsmönnum í helgarstemninguna. Stjórn útsendingar: Ragnar Eyþórsson.
Gestir þáttarins eru Hallgrímur Helgason, Hildur Guðnadóttir og Rán Flygenring.
Berglind Festival leitar svara hjá þjóðinni um hin ýmsu kosningamál.
Moses Hightower flytja lagið Óskaland úr samnefndu leikriti Borgarleikhússins ásamt aðalleikurum verksins.
Heimildarþættir þar sem Halla Ólafsdóttir skoðar hvers vegna fólk flytur landshorna og heimshorna á milli - og hvað það er sem fólk kallar „heima“.
Valdís Hrönn Berg Ingudóttir og Ómar Smári Jónsson láta draum verða að veruleika með því að flytja til Spánar. Við hittum þau í Hafnarfirði og svo nokkrum mánuðum síðar á nýja heimilinu þeirra á Spáni. Við kynnumst tónlistarkonunni Markétu Irglova frá Tékklandi sem semur tónlist sína á Seltjarnarnesi með útsýni yfir Sundin. Við göngum um Bolungarvík – sem reynir að draga til sín fleiri íbúa svo þeir verði fleiri en þúsund og kynnumst Karólínu Elísabetardóttur sem flutti húsið sitt með sér í fjöllin – en hún vill hvergi frekar eiga heima.
Norðurlandaráð veitir ár hvert fimm verðlaun til þess að vekja athygli á bókmenntum, tungumálum, tónlist og kvikmyndum Norðurlandanna ásamt nýsköpun á sviði umhverfismála. Í þættinum verður tilkynnt hver hljóta verðlaunin í ár og sigurvegarar verða heimsóttir og teknir tali í sínu heimalandi. Þátturinn er sýndur á sama tíma um öll Norðurlönd. Umsjón: Unnsteinn Manuel Stefánsson. Stjórn upptöku: Árni Beinteinn.
Íslensk heimildarþáttaröð í fimm þáttum um skipulag og uppbyggingu fimm bæja vítt og breitt um landið. Bæirnir Ísafjörður, Akureyri, Seyðisfjörður, Vestmannaeyjar og Hafnarfjörður eru heimsóttir og stiklað á stóru um sögu þeirra. Umsjón: Egill Helgason og Pétur Ármannsson. Dagskrárgerð: Ragnheiður Thorsteinsson.
Þáttaröð frá 2009 þar sem Eva María Jónsdóttir ræðir við nokkra af ástsælustu leikurum þjóðarinnar. Dagskrárgerð: Haukur Hauksson.
Róbert Arnfinnsson var næstum ekki orðinn leikari. Örlagarík hettusótt hagaði því þannig að hann lærði leiklist hjá Lárusi Pálssyni. Róbert var fastráðinn hjá Þjóðleikhúsinu frá upphafi og átti líka gríðarlegri velgengni að fagna í Þýskalandi um nokkurra ára skeið. Leiklistarhæfileikar hans eru nánast óumdeildir, en hann hefur þó marga fjöruna sopið í listgreininni og stundum helst viljað biðjast afsökunar. Í þættinum eru sýndar áður óbirtar myndir af Róberti að dansa grískan dans og einnig heyrist margvísleg tónlist, þar sem tónlistarhæfileikar Róberts koma í ljós.
Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.
Glænýjar bækur eru á dagskrá Kijunnar í þessari viku. Þórdís Þúfa Björnsdóttir segir okkur frá bók sinni Þín eru sárin en Ófeigur Sigurðsson ræðir skáldsöguna Skrípið. Við fjöllum um nýja ævisögu skáldsins Sigurðar Breiðfjörð en hana hefur Óttar Guðmundsson ritað. Linda Vilhjálmsdóttir spjallar við okkur um nýútkomið heildarsafn ljóða sinna - það nefnist einfaldlega Safnið. Gagnrýnendur þáttarins fjalla um þrjár bækur: Glerþræði eftir Magnús Sigurðsson, Óljós eftir Geir Sigurðsson og Grænmetisætuna eftir nýja Nóbelsverðlaunahafann Han Kang.
Heimildarþáttaröð í sex þáttum þar sem íslensk ljósmyndun er skoðuð út frá sjónarhorni lista, landslags, samtímans, skrásetningar, fréttaflutnings, fortíðar og framtíðar. Umsjón: Anna Gyða Sigurgísladóttir og Katrín Ásmundsdóttir. Stjórn upptöku og framleiðsla: Hrafnhildur Gunnarsdóttir.
Í þættinum er fjallað um myndlistarljósmyndun. Löngum hefur verið dregið í efa að ljósmyndun geti verið list og þar sem einfalt er að fjölfalda ljósmyndir hefur verðmæti þeirra verið umdeilt. Nokkrir ljósmyndarar á Íslandi hafa þó skapað sér þá sérstöðu að selja myndir sínar sem list og eru jafnvel á mála hjá listagalleríum.
Norskir sérfræðingar standa neytendavaktina í fræðandi þáttaröð um heilsu, lífsstíl og neytendamál.
Ævintýralegasta spurningakeppni sögunnar. Lestrarhestar og bókaormar töfrast inn í Söguspilið og þurfa að takast á við þrautir og spurningar sem byggja á þekktum barnabókum, þjóðsögum, kvikmyndum og ljóðum.
Þá er komið að því! Köttur og brunnurinn fagna því að það er komið að úrslitaþættinum í Söguspilinu.
Hverjir ætli standi uppi sem Sigurvegarar?
Fjallað er um barna- og ungmennabækur úr öllum áttum. Bókaormar KrakkaRÚV ræða við höfunda um bækurnar.
Þó hrekkjavakan sé tiltölulega nýr árlegur viðburður á Íslandi eru draugasögur og skammdegi það alls ekki. Dagrún Ósk Jónsdóttir, þjóðfræðingur, kíkti á Auðunn Sölva í Krakkakiljunni og sagði honum frá nokkrum draugasögum og uppruna þeirra.
Umsjón: Auðunn Sölvi Hugason
Sigyn fær fluggáfaða krakka til að hjálpa sér að leysa ráðgátur um land allt. Dagskrárgerð: Sigyn Blöndal og Sindri Bergmann Þórarinsson.
Sagan segir að um árið 900 hafi Eiríkur rauði og kona hans Þjóðhildur knarrabringa sest að í Haukadal og búið þar í einhvern tíma. En getum við fundið sannanir þess að þau hafi í alvörunni búið þarna?
Baldur Valbergsson og Ívar Örn Haraldsson fara í leiðangur og leit að Eiríki rauða og fjölskyldunni hans.
Safn tónlistaratriða úr Stundinni okkar þar sem krakkar eru í sviðsljósinu.
Stúlknakór Reykjavíkur syngur lagið Fylgd. Lag: Sigurður Rúnar Jónsson. Texti: Guðmundur Böðvarsson. Stjórnandi: Margrét Pálmadóttir. Flauta: Stefán Stefánsson, flygill: Agnar Már Magnússon, kontrabassi: Gunnar Hrafnsson. Slagverk: Ingimar Einarsson og Hrafnkell Örn Guðjónsson.
Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.
„Við byrjðum á þessu þegar strákarnir okkar voru litlir. Þá vorum við spurð í leikskólanum hvort við gætum ekki gert eitthvað fyrir krakkana," segir Herdís Anna Jónsdóttir, víóluleikari. Hún og maður hennar, Steef van Oosterhout slagverksleikari, eru Dúó stemma. Þau setja upp nokkurs konar tónleikhús í leikskólum, grunnskólum og í raun hvar sem er og segja sögur með hjálp hljóðfæra, bæði hefðbundinna og vægast sagt óhefðbundinna. Þau spila á skeiðar, hrosskjálka, hárbursta, vatnsbrúsa og hvað eina sem þeim dettur í hug. „Út frá hljóðunum spratt saga. Við notum hljóðin til að segja sögur og það virkar. Það er tónlist í öllum hlutum ef vel er að gáð," segir Steef.
Lottó-útdráttur vikunnar.
Helstu fréttir dagsins af innlendum og erlendum vettvangi. Alla daga, árið um kring.
Íþróttafréttir.
Veðurfréttir.
Sjónvarpsþáttaröð fyrir alla fjölskylduna sem gerist í Lundúnum á Viktoríutímanum. Hetty, Sheila og Gideon sinna þjónustustarfi á stóru heimili í Hampstead. Hetty vonar að erfiðleikar fortíðarinnar séu að baki en á nýja vinnustaðnum leynast ýmis leyndarmál. Aðalhlutverk: Isabel Clifton, Dasharn Anderson og Polly Allen.
Dönsk gamanmynd frá 2023 í leikstjórn Hellu Joof. Líf Marie umturnast þegar eiginmaður hennar, Rasmus, fær vinnu sem kennari í skóla í Velling. Þau flytja frá Kaupmannahöfn til Vestur-Jótlands. Þar smellpassar Rasmus inn í bæjarlífið en sömu sögu er ekki að segja um Marie. Aðalhlutverk: Sofie Torp. Thomas Hwan og Anders Agger.
Klassísk spennumynd frá 1979 í leikstjórn Francis Fords Coppola. Sagan gerist í Víetnamstríðinu og segir frá fyrirliðanum Willard sem er sendur í áhættusama ferð til Kambódíu til að taka af lífi bandarískan fyrrverandi ofursta sem var tekinn í guðatölu hjá ættbálki þar í landi. Þessi útgáfa myndarinnar var endurklippt árið 2019 á þann hátt sem Coppola vildi. Aðalhlutverk: Martin Sheen, Marlon Brando og Robert Duvall. Myndin er ekki við hæfi barna yngri en 16 ára.
Helstu fréttir dagsins af innlendum og erlendum vettvangi. Alla daga, árið um kring.