Friðþjófur forvitni er forvitinn og yndislegur api sem getur oft á tíðum verið full ævintýragjarn. Fylgjumst með ævintýrum hans og mannsins með gula hattinn eiganda hans.

Ævintýralegir þættir um músafjölskyldu sem býr á lítilli plánetu.

Hinrik hittir einhvern nýjan á hverjum degi og lendir í ótrúlegustu uppákomum.

Rebekka er ung stúlka sem er að læra á lífið, skólann og tilveruna. Örvar er græn veira sem lenti hjá mannfólkinu. Saman eru þau ótrúlegt teymi.

Símon er hress og skemmtileg kanína sem tekst á við alls kyns áskoranir og lærir af mistökum sínum.

Hvernig ætli sumir hlutir sem við erum mjög vön hafi verið fundnir upp? Stórfurðulegu steinaldarmennirnir sýna okkur sínar misheppnuðu tilraunir.

Fallegir teiknimyndaþættir um óvenjulega vináttu bjarnarins Ernests og músarinnar Célestine.

Vinalegi hundurinn Sámur hvetur börn til þess að kanna umhverfi sitt og takast á við verkefni í sameiningu.

Krúttlegir teiknimyndaþættir um litla hafbúa sem eru saman í bekk og elska að syngja og dansa. Kennarinn þeirra er hress gullfiskur sem kennir þeim ýmislegt um lífið og tilveruna.

Þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.

Hrúturinn Hreinn og félagar hans á bóndabænum lenda í mörgum skemmtilegum ævintýrum.

Ævintýramynd um hinn 10 ára gamla Arthur. Staðráðinn í að hjálpa ömmu sinni þegar verktakar hóta að að yfirtaka húsið hennar heldur hann í leiðangur til lands Mínimóanna í leit að leynilegum fjársjóði afa síns. Myndin er talsett á íslensku.

Sjónvarpsþáttaröð fyrir alla fjölskylduna sem gerist í Lundúnum á Viktoríutímanum. Hetty Feather er alin upp á barnaheimili þar sem forstöðukonan Bottomly ríkir með járnaga. Hetty dreymir um betra líf og leggur á ráðin um að flýja og leita að móður sinni. Aðalhlutverk: Isabel Clifton, Polly Allen og Eva Pope.

Sígildir breskir gamanþættir frá árunum 1990-1995 um ævintýri hins seinheppna herra Bean. Aðalhlutverk: Rowan Atkinson.

Töfrar náttúrunnar séðir með einstökum augum Davids Attenborough. Vandaðir þættir frá BBC.

Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Æfingar fyrir háls og herðar. Sitjandi.

Dr. Gunni og Felix Bergsson stjórna spurningakeppni hljómsveita. Í þáttunum takast íslenskar hljómsveitir á í æsandi spurningaleik, þar sem gáfur og viska, ásamt snerpu, atgervi og heppni ráða niðurstöðunni - já og tónlistarhæfileikar. Meðal þeirra hljómsveita sem keppa eru Buff, Ljótu hálfvitarnir, Jeff Who?, Baggalútur, Hvanndalsbræður, múm, Sigur Rós og Áhöfnin á Halastjörnunni. Þættirnir voru frumsýndir á RÚV sumarið 2009. Stjórn upptöku: Helgi Jóhannesson.

Í þriðja þætti Popppunkts mæta hinir Ljótu hálfvitar frá Norðurlandi og borgarbörnin í Sprengjuhöllinni. Báðar sveitirnar eru þekktar fyrir að hafa innanborðs bæði mikil gáfumenni og ærslabelgi. Liðsmenn Ljótu hálfvitanna hafa þegar getið sér gott orð í spurningaþættinum Útsvari, en Sprengjuhöllin var með strangt æfingarprógramm fyrir keppnina. Fyrir hönd hálfvita keppa Eddi, Gummi og Ármann en Bergur Ebbi, Snorri og Atli sprengja fyrir höll.

Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.

„Núna er ég kominn á þann stað að ég er kominn með sjálfstraust til að segja að ég get farið að framleiða skíði,“ segir Dagur Óskarsson vöruhönnuður sem hefur unnið að því hörðum höndum undanfarin ár að hanna og smíða skíði úr íslenskum við.

„Þetta er búin að vera löng fæðing,“ segir Dagur en mikill tími hefur farið í samlímingar og prófanir auk þess sem hann hefur þurft að búa til flest verkfæri og tæki til framleiðslunnar sjálfur. „Þetta er bara einhver þráhyggja sko,“ segir Dagur og hlær. Draumurinn er að koma sér upp litlu verkstæði þar sem hann getur sérsmíðað skíði eftir óskum hvers og eins. Og þetta ætlar hann helst að gera heima hjá sér, á Þverá í Skíðadal.

„Hér er mikið líf og starfsemi á veturna tengt skíðum og hér eru stórkostleg fjöll og stórkostleg náttúra,“ segir Dagur. Hann er sannfærður um að ferðamenn sem koma á Tröllaskagann til að skíða niður brekkurnar kunni að meta það að geta keypt sér handunnin skíði smíðuð á staðnum. „Þetta er auðvitað þröngur hópur en ég tel að það sé markaður fyrir þetta.“ Landinn heimsótti Dag.

Dægurþættir frá árunum 1989-1994.

Danskir ferða- og matreiðsluþættir. Sætabrauðsdrengurinn og ferðalangurinn Tobias Hamann-Pedersen leggur land undir fót og kynnist bakstri og lífi víða um heim.

Arkitektinn Charlotte Thiis-Evensen heimsækir starfssystkini sín og sýnir áhorfendum hvernig þau búa.

Norskur heimildarþáttur um frjálsíþróttamann sem reynir að slá 28 ára heimsmet í 400 metra grindahlaupi karla. Langlíft heimsmet Kevins Young frá 1992 er 46,78. Er hinn 23 ára Norðmaður, Karsten Holm, kominn til að slá metið?

Danskir þættir um kökubakstur og eftirréttagerð. Mette Blomsterberg útbýr kræsingar.

Hinrik hittir einhvern nýjan á hverjum degi og lendir í ótrúlegustu uppákomum.

Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.

Apinn Skotti og fíllinn Fló eru bestu vinir og bralla ýmislegt skemmtilegt í skóginum ásamt vinum sínum.

Blæja er sex ára hundur sem er stútfull af óstöðvandi gleði. Allir venjulegir hlutir geta orðið ævintýri hjá Blæju og fjölskyldu hennar.

Nokkrir kunnulegir og ókunnulegir fiskar kynna sig fyrir áhorfendum.

Hrúturinn Hreinn og félagar hans á bóndabænum lenda í mörgum skemmtilegum ævintýrum.

Kristín og Arnór kynnast dularfullri stelpu sem grunar sögukennarann um eitthvað skuggalegt. Hvað ætli sé í gangi hjá honum Sigurjóni sögukennara?

Leikarar: Kristín Erla Pétursdóttir, Arnór Orri Atlason, Arnþrúður Karen Viktorsdóttir, Agnes Wild og Karl Pálsson

Dagskrárgerð: Eva Rún Þorgeirsdóttir og Elvar Egilsson

Arnór og Amma leggja af stað í hetjulegan björgunarleiðangur. Þau læðast inn í Skjalasafnið og finna Sigurjón sögukennara þar sem hann hefur bundið Addú fasta við stól. Þá taka þau málin í sínar hendur.

Íslensk tónlistarmyndbönd.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Íslensk heimildarþáttaröð í sex hlutum þar sem skyggnst er inn í heim tvíbura og sagðar persónulegar sögur. Í þáttunum er fylgst með því líffræðilega undri sem á sér stað þegar tvíburar verða til og þeim sterku tengslum sem virðast fylgja flestum tvíburum út lífið. Hvaða helstu áskoranir bíða tvíbura, búa þeir yfir meiri samkennd en aðrir, hversu samtaka í lífinu eru þeir og hugsa þeir jafnvel eins? Umsjón og framleiðsla: Ragnhildur Steinunn Jónsdóttir og Eiríkur Ingi Böðvarðsson.

Alexandra Ósk Jónsdóttir og Arnar Hlynur Elliot Magnússon eru að fara takast á við stærsta og mikilvægasta hlutverk sitt á lífsleiðinni, að verða foreldrar. Það er afrek að koma barni í heiminn, hvað þá tveimur í einu. Í þessum þætti er fylgst með tvíburafæðingu og álaginu sem fylgir því að fá lottóvinninginn tveir fyrir einn.

Heimildarmynd frá 2022 um Auði Haraldsdóttur. Auður kom sem stormsveipur inn í íslenskt bókmenntasamfélag með skáldsöguna Hvunndagshetjuna, árið 1979. Hér ræðir Auður Jónsdóttir, rithöfundur og blaðamaður, við Auði Haraldsdóttur um lífið og ferilinn. Álitsgjafar og samferðafólk Auðar ræða verk hennar og farið er yfir samfélagslegt- og bókmenntalegt mikilvægi þeirra. Einnig les Sigrún Edda Björnsdóttir, leikkona, nokkur brot úr bókum Auðar. Handrit og umsjón: Auður Jónsdóttir. Kvikmyndastjórn: Jón Egill Bergþórsson.

Fjölskyldudrama sem gerist í Reykjavík. Pétur er vel stæður augnlæknir, hamingjusamlega giftur og á von á öðru barni. Hið fullkomna líf fer á annan endann þegar hann uppgötvar að hann er ekki líffræðilegur faðir elsta barns síns. Aðalhlutverk: Hilmar Jónsson, Margrét Vilhjálmsdóttir, Laufey Elíasdóttir og Ólafur Darri Ólafsson.

Heimildarmynd frá BBC um baráttu Freddie Mercury, söngvara hljómsveitarinnar Queen, við alnæmi og stórbrotna minningartónleika sem hljómsveitin setti á svið að honum látnum. Atriði í myndinni eru ekki við hæfi ungra barna.

Bresk þáttaröð í fjórum hlutum um Vivien Epstein, tvítuga stúlku af gyðingaættum, sem flytur til Lundúna frá Manchester á sjöunda áratugnum í leit að manni sem hún átti í ástarsambandi við. Leitin leiðir hana á hættulegar slóðir og fyrr en varir hefur hún störf sem njósnari innan fasistahreyfingarinnar. Aðalhlutverk: Agnes O'Casey, Rory Kinnear og Tom Varey. Atriði í þáttunum eru ekki við hæfi ungra barna.