Sorrí!

Sorrí, Katrín Anna

Áður en byltingar á borð við Free the nipple og Metoo settu samfélagið á hvolf börðust íslenskir femínistar við sömu vandamál og konur standa frammi fyrir í dag. Og eins og í dag þá voru fylgifiskar þessarar baráttu ungir karlar sem töldu sig vita betur. Ég var einn af þessum körlum og lét í mér heyra um aðferðir femínista. Katrín Anna Guðmundsdóttir var áberandi í kvenréttindabaráttunni árið 2007 þegar ég skrifaði pistil sem mig langaði til að ræða við hana.

Frumflutt

19. mars 2024

Aðgengilegt til

Rennur ekki út

Fyrir 20 árum lét Atli Fannar Bjarkason sig dreyma um að starfa á fjölmiðlum. Hann flutti til Reykjavíkur með báðar hendur tómar og fékk tækifæri til að skrifa í dagblöð, ritstýra tímaritinu Monitor og koma fram í útvarpi og sjónvarpi. Hann flutti líka fréttainnslög í Vikunni með Gísla Marteini og stofnaði sinn eigin fjölmiðil, Nútímann sem hann tengist ekkert í dag.

Draumurinn rættist sem sagt en þegar hann horfir til baka sér hann að á þessum tíma hafi hann oft verið með bölvuð leiðindi við fólk sem átti það ekkert endilega skilið. Í þessum þáttum hittir hann þetta fólk og leggur spilin á borðið.

Umsjón: Atli Fannar Bjarkason.