Sönggyðjurnar

Ethel Waters og fleiri söngkonur

Ethel Waters var fyrsta svarta söngkonan sem sló í gegn með túlkun vinsælla sönglaga. Í kjölfarið fylgdi fjöldi söngkvenna og eru Pearl Baley og Lena Horne líklegast þekktastar þeirra. Söngkonur stórsveitanna sem voru skipaðar svörtum tónlistarmönnum glímdu líka við söngdansa, jafnt sem blúsa og eru fremstar þeirra Helene Humes með Basiebandinu og Ivie Anderson hjá Ellington. Söngkonur Ellingtons eru heimur útaf fyrir sig því þær túlkuðu jafnan tónlist meistarans.

Frumflutt

11. maí 2024

Aðgengilegt til

Rennur ekki út

Í þessum þáttum er fjallað um bandarískar sönggyðjur allt frá því að Bessie Smith og hinar kröftugu blússöngkonur hófu að hljóðrita með djasshljómsveitum til helstu djasskvenna okkar tíma einsog Dee Dee Bridgewater. Billie Holliday, Ella Fitzgerald og Sarah Vaughan eru drottningar djassins, en fjöldi annarra söngkvenna gerðu garðinn frægan þótt sjaldnar heyrist þær á öldum ljósvakans, nema þá gospelsöngkonan Mahalia Jackson og söngkonur sem voru á mörkum djass og popps einsog Nina Simone og Diana Washington. Samt sem áður eru þær margar sem ekki eiga skilið að falla í gleymsku og verða kynntar í þessum þáttum jafnt sem hinar frægari.

Umsjón með þáttunum hefur Vernharður Linnet.

(Áður á dagskrá 2008)