Hádegisfréttir

Hádegisfréttir 3. janúar 2024

Kaldvík hefur breytt verkferlum eftir að rúmlega 600 þúsund laxaseiði drápust hjá fyrirtækinu í Fáskrúðsfirði í nóvember og byrjun desember. Matvælastofnun rannsakar dauða seiðanna sem nýlega höfðu verið flutt í fjörðinn.

Óróahviða sem mældist á Snæfellsnesi í gær gæti verið merki um kvikuhreyfingar á miklu dýpi. Engin merki eru um að kvika sé nærri yfirborðinu á Vesturlandi.

Rúmlega ellefuhundruð umsagnir hafa borist í Samráðsgátt eftir að ríkisstjórnin óskaði eftir tillögum frá almenningi um hagræðingu og einföldun stjórnsýslu. Ríkisstjórnin fundar á Þingvöllum í dag.

Árið 2024 var kaldasta ár aldarinnar hér á landi en það hlýjasta annars staðar í heiminum. Veðurfræðingur segir þetta hafa verið ár norðanáttarinnar.

Afsettur forseti Suður-Kóreu ætlar ekki gefast upp fyrr en í fulla hnefana. Vopnaðir lífverðir og harðákveðnir stuðningsmenn komu í veg fyrir að hægt væri að handtaka hann.

Þeim fækkar sem drepnir eru í skotárásum í Svíþjóð. Ein ástæða þess er nokkuð einföld – eftir harðvítug átök glæpahópa, eru bara mun færri eftir til að skjóta.

Útgerðarfélag Reykjavíkur hefur gert samkomulag við Þórsberg á Tálknafirði um kaup á öllum krókaflakvóta þeirra fyrir sjö og hálfan milljarð.

Mikilvægt er að skapa sátt um uppbyggingu orkumannvirkja, segir sveitarstjóri Borgarbyggðar. Áhrifin á nærsamfélagið geti verið neikvæð og því mikilvægt að ávinningur skili sér til íbúa.

Frumflutt

3. jan. 2025

Aðgengilegt til

Rennur ekki út

• 00:01:53 Mögulega kvikuhreyfing á miklu dýpi
• 00:03:27 Hagræðingartillögur og Ríkisstjórnarfundur
• 00:05:38 Laxadauði fyrir austan
• 00:08:05 Kanna aðstæður við Hvítá
• 00:08:39 Færri glæpamenn til að skjóta
• 00:10:21 Kaldasta ár aldarinnar
• 00:12:25 JBT Marel á hlutabréfamarkað
• 00:12:52 Reyndu að handtaka Yoon
• 00:14:55 Krókaflakvóti seldur frá Tálknafirði
• 00:15:35 Vill ávinning af orkumannvirkjum til nærsamfélaga
• 00:17:29 Íþróttir
• 00:20:03 Veður
• 00:20:26 Seinni helst

Útvarpsfréttir.