Ef þú giftist

Að skilja er að skilja

Um þriðja hverju hjónabandi lýkur með skilnaði. Að skilja við maka er gríðarlega erfitt ferli, bæð tilfinningalega og veraldlega. Hjónabandið hefur meðal annars það hlutverk að halda röð og reglu kringum það veraldlega ferli, samkvæmt löggafanum en gerir það mögulega flóknara tilfinningalega.

Í þriðja þætti Ef þú giftist er rætt við Hrefnu Friðriksdóttur prófessor , Guðrúnu Karls Helgudóttur prest, Andrés Inga Jónsson alþingismann og Kristínu Tómasdóttur fjölskyldu- og meðferðarráðgjafa.

Lesari í þættinum ásamt Brynhildi er Halla Harðardóttir.

Umsjón: Brynhildur Björnsdóttir.

Frumflutt

26. des. 2021

Aðgengilegt til

Rennur ekki út

Þáttur um hjónabandið í nútímasamfélagi.

Hjónabandið og hugmyndin um það er einn sterkasti hornsteinn samfélagsins og æðsta birtingarmynd fjölskyldunnar. Það byggir á einu óáþreifanlegasta og hverfulasta fyrirbæri menningarinnar, rómantískri ást. Í nútímanum hefur hjónabandið sífellt minna vægi en getur samt skipt sköpum þegar kemur að alvöru lífsins. Fjöldi fólks velur að giftast ár hvert oft með mikilli fyrirhöfn og tilkostnaði, þrátt fyrir að tölfræðin sýni að stór huti hjónabanda endi með skilnaði. En hvað er hjónabandið í dag? Er það rómantísk og einlæg sameining anda sem unnast eða skrifræðissamkomulag um barnauppeldi og eignamyndun? Er það tímanna tákn eða tímaskekkja?

Umsjón: Brynhildur Björnsdóttir.