Tónlistarhátíðin Bræðslan fer fram um næstu helgi á Borgarfirði Eystra. Við hringdum austur og spjölluðum við Áskel Heiðar Ásgeirsson einn skipuleggjanda um hátíðina og líka útvarpsþættina sem hann er með á Rás2 þessar vikunnar. Þeir heita Útihátíð og fjalla um... já úti- og bæjarhátíðir.
Isavia og Reykjavíkurborg eru ósammála um hversu mörg tré þurfi að fella í Öskjuhlíð til að bæta flugöryggi á Reykjavíkurflugvelli. Samgöngustofa hefur gefið Isavia frest til 2. september til að lækka trjágróður. Síðasta sumar krafðist Isavia þess að Reykjavíkurborg myndi fella 2.900 tré í Öskjuhlíð. Ástæðan fyrir því var að trén, sem eru með þeim elstu og hæstu á svæðinu, voru farin að ógna flugöryggi við Reykjavíkurflugvöll. Njáll Trausti Friðbertsson, alþingismaður og flugumferðastjóri, hefur haft áhyggjur af stöðunni og vill að umhverfis- og samgöngunefnd Alþingis, þar sem hann á sæti, fjalli um málið. Njáll Trausti var á línunni hjá okkur.
Nú eru sumarfrí á Íslandi í hámarki og oft erfitt að ná í fólk vegna þessa. Sumir kunna að njóta og að vera í fríi en aðrir taka vinnuna með sér í fríið. Bára Einarsdóttir, sem vinnur með streitustjórnun, veltir fyrir sér hvort vinnan sé streituvaldur í sumarfríinu hjá mörgum. Bára kom til okkar og fór yfir nokkur góð ráð til að stýra því hve mikil áhrif vinnan hefur á fríið.
Samræmd próf í grunnskólum skutu upp kollinum í umræðunni á dögunum. Viðskiptaráð Íslands skrifaði umsögn um áform stjórnvalda um endanlegt afnám samræmdra prófa í íslenskum grunnskólum og sagðist þar telja að taka ætti upp samræmdu prófin að nýju. Jafnræðis sé ekki gætt við einkunnagjöf í skólum landsins. Formaður Kennarasambands Íslands er ósammála umsögninni og segir engan vilja til að hverfa aftur til tíma samræmdra prófa, sem sé liðinn. Rúnar Sigþórsson, prófessor emeritus í menntunarfræði, sem starfaði áður við Háskólann á Akureyri, ræddi þessi mál við okkur í þættinum.
Og við fengum skemmtilegan fróðleik úr heimi vísindanna í lok þáttar þegar Sævar Helgi Bragason mætti til okkar í Vísindahornið.
Lagalisti:
Baggalútur - Allir eru að fara í kántrí
Amy Winehouse - Love is a losing game
Dodgy - Good Enough
Jóipé og Króli ásamt Ussel - Í Fullri Hreinskilni
Á móti sól - Okkur líður samt vel
Eminem - Houdini
Helgi Björnsson - Ég fer á Land Rover frá Mývatni á Kópasker
Queen - I want to break free
Stjórnin - Í augunum þínum
